(( الموعــد البعــيد ))

[إنسانه مسلمه]

(( الموعــد البعــيد ))

تواعــدنا نلتــقي مـن جـــديد ... والوعــد آخــر ليـالي العـــيد
بـس ويـن العـــــــيد ... مـا حــســــبته بـعـــــيد
تصــورت البحــر مـيعــاد ... وتخــــيلتك لي جــــزيـره
ويـوم خــيم علـينا بعــــاد ... صـارت عـيوني ضــريره
صــــار قلبـي كلـــه اجـــروح ... واحــترت أنا .. أنا ويـن اروح
ابحـرت بسـفينة قلـبي ... وضــيعـت الوعـد والمــينا
وادري الذنـب ذنـبـــي ... رمـــيت البعــــد بليـاليـنــا

وادري المـوعـــــــد بعــــــيد ... بـس النــــــدم وش يـفـــــــيد

رمـــيت ســـــنارة مـوعـــدي ... وســـــط بحــــــــــر الأيـــــام
غـفـــيت وطــاحـت من يــدي ... وضــيعــتها وســط الزحــــام
اعــترف أنـا كـنت جـــــاهــل ... وبالغـــــرام صـــــياد فـاشــل
أنا نسيت إن البحر ماله مدى ... وإن الصـوت فيه ماله صـدى
تركـت الشـوق ينـادي ولهان ... وعطـش هالشـوق كان جارح
ادري إني لا صرت عـطـشـان ... مـا ارتـوي من بحــــر مـــالح

وادري المـوعـــــــد بعــــــيد ... بـس النــــــدم وش يـفـــــــيد

عطـشان ... وكـيف اشــربك وأنتي سـراب
حـرمــان ... عـشـــته في ليـــالي غـــــياب
بـــــردان ... ودفـنت الجـســد تحـت التراب
غلـطــان ... وقلبي ذبحـني عـتب وحـسـاب
جـرح انتظـاري نـزف دم الصــبر ... وعـيون ليلي ما بكت دمعة فجـر
إلين جف الصبر من جرحي ... وبقـى لي عــذاب ضــمـير
وأنا اللــي دافـــنٍ فــرحــي ... ولابــسٍ ثــوبٍ ضـــــريـر

وادري المـوعـــــــد بعــــــيد ... بـس النــــــدم وش يـفـــــــيد

صـار اللقــا حـــلم اتخــيله ... وصار هـو أغلى الأمـاني
وصـرت أخـاف ما احـصله ... لو خانني وقـتي وعـصـاني

اعــترف لك يوم كنتي قريبه ... كنت اداري واتغلى كثير
ومن رحلتي صارت الدنيا كئيبه ... ذبحني الهم وهاجس التفكير

ليت الزمن يرجع يعـــيد ... واخـضع لك القلب العـنيد
عـسى الندم مـــره يفــيد ... لـو انكـتب موعـــد جــديد

[3hd]

ياله روعتها ويال صياغتها ..هذه للاؤلؤء وليس حرووف
مهما تكلمت ومهما سطرت لك من حروفي فلن ارتقي الى ما رات عيني هنا
فقط سادعو لك واقووو ل ربي يعطيك الف عافيه
وتسلم يمينك ع الطرح الاكثر من راقي
كل الود لقلبك

[إنسانه مسلمه]

تسلمي غلاتي عهد على المرور الراااااائع والرد الأروع والأجمل
تشكراتي لكِ لتعطيرك صفحتي