زوجي تزوج علي واحتقرني اكرهه

[عذبة الأطباع]

الله يكون بعونك ويصبرك يارب
الاخوات ماقصروا
ونصيحتي لك لاتتركين بيك عشان عيالك
وعليك بالدعاء والاستغار

[كوله مو معقوله]

والله انك قطعتي قلبي ومن جد حالك يحزن بس ارجعي لزوجك عشان اولادك لا تضحين فيهم هم ما لهم ذنب بعدين يمكن تطلع زوجته بنت حرام وتقسيه على اولاده ولا تعذبهم والقصص عن زوجات الاب كثيييييييير...
ارجعي لكن طنشيه ولا تعبرينه ولا تسالين عنه بيني له ان وجوده وعدمه واحد وعيشي حياتك ..
وحتى لو اهلك ما بيقصرون على اولادك بس في النهايه ما لهم الا ابوهم وكل واحد بيعيش وانتي واولادك بتضيعون ..
البنت المطلقه واللي عندها اولاد كمان صعب تعيش اساليني انا حالي اخس من حالك بس .. الله ما يخلي المظلوم انتي يا حبيبتي ارجعي لزوجك وربي اولادك في بيت ابوهم معززين مكرمين واذا احتاجوا اي شي اكيد ما بيخليهم وعلى الاقل تكونين لامه اولادك في بيت واحد وقدام عينك وتربينهم بحبك وحنانك ولا تخلينهم لزوجه اب نصيحه مني ترى بعدين بتجيب اولاد وبتفضلهم على اولادك ورح يدمرون نفسيا... انتي خليك مع الله وصلى كل يوم في الثلث الاخير من الليل وادعي ربي والله تعالى رح ينصرك تاكدي من كذا وقبل ما ترجعي استخيري .
الله يفرج كربتك وهمك ويريح قلبك وادعلي والله انا فيا من الهم ما يشيب الراس .

[اصايل المملكه]

غاليتي كان الله في عونك ..

اول شي خلي املك في الله كبير واعزمي امرك وتوكلي على الله :

قال تعالى :(لا يكلف الله نفساً إلا مآ ءآتآها سيجعل الله بعد عسرٍ يسراً)

وعـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال :

( يا غلام ! إني اعلمك كلمات : احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعـلم أن الأمة لو اجتمعت على أن ينفعـوك بشيء لم ينفعـوك إلا بشيء قد كتبه الله لك ، وإن اجتمعوا على أن يضروك بشيء لم يـضروك إلا بشيء قد كتبه الله عليك ؛ رفعت الأقلام ، وجفت الصحف )..
رواة الترميذي( رقم 2516) وقال حديت حسن صحيح.
وفي رواية غير الترميذي:
( احفظ الله تجده امامك ، تعرف الى الله في الرخاء يعرفك في الشدة ، واعلم أن ماأخطأك لم يكن ليصيبك ، وما أصابك لم يكن ليخطئك واعلم أن النصر مع الصبر ، وأن الفرج مع الكرب ، و أن مع العسر يسراً)

أختي الغالية ان كنتي بتقدري تتحملي الوضع ارجعي واحتسبي وان عارفه نفسك ماراح تطيقي الوضع هذا فعسى ربي يبدلك من حال لحال ويسعدك ويوقفك وصدقيني وضعك مايحتمل اي حيره انتي فكري ومااعتقد فيه اثنين يختلفون ان زوجك ظالمك لكن ان صبرتي واحتسبتي فـ(إنما يوفى الصابرون أجرهم بغير حساب) و إن طلبتي الطلاق وافترقتوا فهذا حقك وماحد بيلومك والله يلوم الي يلومك وان صار هذا الشي اعتقد انك تقدري تطالبي انك تشوفي عيالك هذا إن ما أعطاك اياهم وقالك خليهم عندك..
الله يسهل امرك ويشرح صدرك ويرزقك السداد في الأمر انتي وكل مظلومه وعسى الله يهدي الجميع ..
وبالتوفيق يالغاليه .. اختك في الله اصايل

[زوجي تزوج علي]

مرحبا
تعبت نفسيا منه حتى لما حاولت ارسل له انا واقوله تعال وخل نطلع ونتمشى واتسوق ابشتري شوية اغراض ولاتنسى الرضوة رد وقال (اي رضوة هذي مالها محل من الاعراب)لخلصو عيالك اختبارات تعالي وشوفي وش ناقص من اغراض اكل وغيره ،طبعا بالمراسله فقط،هالجملة معناها مااستاهل شي خلاص ياجماعة الدعوة خاربه خاربه انا بشتري قمصان بيت يلوعون الكبد وبلبسهم وبكون مجرد ام تربي عيالها وبسسسس انا ادري ان يشتري لزوجته الاطقم والهدايا بس دامه حسسني اني مااستاهل شي انا بعد مابلبس ولابكشخ له مايستاهل يكفي قهرررررررنفسيتي تدمرت اعذروني مابزعجكم مشكلتي مالها حل .

[اميره بكلمتي]

لا تتعبين نفسك يا غاليه /
والله العظيم ما يستاهل منك كل هالتفكير ...
انتي البسي لنفسك لنفسيتك ..غيري بشكلك عشانك انتي.
لا تقهرين عمرك
ادري شئ يعذب نفسيا لكن اذا كان الوضع قهر عيني عينك ..
خلاص اعتبريهم صفر على الشمال ..
اجلسي مع اولادك
بيتك
البسي تجددي اذا جاتلك الفرصه ...
واذا جاك اهلا وسهلا ...
واذا راح حاولي تشغلين نفسك
وتنبسطين ..مع اقاربك
وصديقاتك
وعيالك
صدقيني ...والله ما راح يدوم لها كذا
ويجي يوم يقلب عليها ويرجع لك
اذا بس انتي عرفتي كيف تتصرفين
وعرفتي كيف تتماسكين ..واهم شئ
اذا جلستي تقارنين بين معاملته لك ولها
بيجيك جلطه وامراض انتي في غنى عنها
................
والله سبحانه وتعالى ما يرضى بالظلم ..
وبينصرك لا تخافين ....احتسبي اجرك على الله
وقولي حسبي الله لااله الا هو عليه توكلت وهو رب العرش العظيم

..............
الله يسلمك ريحة عطر ويشرفني مرورك ..
.................
http://0o1o0.net/vb/showthread.php?t=48972

اختي/ زوجي تزوج علي..
هذه مدونتي ...
اهديتك بها خاطره ...
اتمنى تعجبك