الخيانة تشعل معركة (بالأحذية) في أحد مطاعم الرياض (للنقاااااش...)

[سيمفونيه]

ياسااااااااااتر وش ذالعنف فيكم... !!!! برايي الشخصي اشوفه تصرفها همجي وقمة بالعربجه لانها بالنهاية انثى وكان بالامكان تعاقبه وتأدبه بس بطريقة مختلفه واللي سوته هالانسانه مو بس احرج زوجها بل احرجت نفسها وخلت نفسها فرجه للناس وحرام الحكم من طرف واحد مع ان الخيانه دافع غير شريف وغير محترم وغير مبرر بس ماادراكم يمكن هي مقصره معه اسمحولي فيه زوجات ماتقعد ببيتها طول اليوم عباتها على راسها اذا مو هي بالاسواق تكون عند اهلها كل شوي او عند صديقاتها وجاراتها واذا هي ببيتها اكيد بيكونون هم عندها والزوج وين مكانه من الاعراب ؟؟!!! صدقوني لو لقى الاهتمام منها والعناية بمظهرها ماناظر لأي حثالة من برا... يااخواتي فيه امور لازم الزوجه تراعيها قبل تعاقب زوجها بهذي الطريقه المبتذله,, هالامور اهمها مظهرها الاجتماعي وخلفيتها الثقافيه لان كل تصرف صفه وعنوان لصاحبه والاهم عيالها اذا عندها منه عيال واجب عليها تحترمهم بأبوهم بغض النظر عن تصرفه القبيح والشاذ ولو هو اكتشفها تخونه راح يطلقها بكل بساطه وبدون مايفضحها بالذات اذا بينهم عيال فليش هذي المهاترات كلها؟! يعني اذا هو انسان غلطان ضروري تشاركه الغلط وش استفادة من اللي سوته بتقولون بردت قلبها اتحداها اذا قلبها برد .... تقبلو وجهة نظري //تحيااتي

[نورمين]

من جد موقف يعور القلب
ليتها رشتهم بمبيد
وحده قبل فتره تزوج عليها زوجها
كبت عليه مويه نار
رجع وصب الباقي عليها
الحمد لله والشكر الله لايورينا هاليوم

[نيوز]

انا اقول لو كان بلغت الهيئه ودخلت هي و هم للمطعم سوى وقامت بدورها المذكور في القصه والذي تشكر عليه ثم خلت الهيئه تشوف شغلها معاه عشان ينفضح في مكان وياخذ عقابه الشرعي هو والي مهعاه

[حبيبي الغالي]

الله يلوم الي يلومها
بس لو كنت مكانها .........
الله اعلم ايش بيصير
والله لا يورينا ذاك اليوم

[سوووسوالرياض]

ماتنلام الي سوه مو سهل الشى هذا يسما خيانه
الله يعنها ويصبرها