ياهلا وسهلا فيكم يالغاليين

وجودكم يرفع معنوياتي

حياكم

هلا تسلمين على القصه الرئعه بس وين الباقي

!@#$%الجزء التاسع عشر^&*)(_+



مر يومين عليهم في بيت اهلهم وبعد الغداء
كادي/لينا خلاص روحي لبيت رجلك مو حلوه تخلينه علشاني انا ماراح انفعك
لينا/هووو انتي وش قاعده تقولين اخليك لحالك
كادي/عادي يالينا لازم تروحين وش تجلسين هنا تسووين معي بيت رجلك احسن لك
لينا/لا ماني مخليتك لحالك
كادي/الا غصب عليك انتي انهبلتي تجلسين هنا سبوع
دقي عليه واذا مادقيتي عليه بدق عليه انا
لينا/طيب ابي اسالك
كادي/ماراح اجاوبك
لينا عصبت/ليه انتي عاجبك وضعك كذا ترا انا مو غبيه انا فاهمه وش قاعد يصير بس ساكته ومابي احرجك بس انتي الي خليتيني اسالك الحين تقولين لي وش تجلسين تسوين هنا سبوع طيب انتي بعد ناسيه ان عندك زوج وبيت
كادي تصيح/مابي اروح هناك انا ابي اتطلق ماابي هشام ماابي حتى نفسي
لينا هدت/طيب قولي وش فيك ياختي تراك احرقتيني
كادي/اذا صار الي ابي قلت لك كل الي تبينه
لينا/وش الي تبينه
كادي/اذا صار قلت لك وانا بجيك اقوله بنفسي وعد
لينا/طيب اذا ماصار
كادي/لا بيصير ونص
لينا/اقوول ارجع لوعيك لاتقعدين تسطعبطين
كادي/لاتخافين بس انتي دقي لزوجك وروحي
لينا تتنهد/طيب
دقت على يوسف وقال بجيك العشاء ولمت اغراضها
كادي/بدق على خالي اعتذر منه
لينا/علشان ذاك اليوم السياره
كادي/ايه
لينا/دقي
كادي دقت/هلا خالي
ابوماجد/هلا بنتي هلا
كادي/شخبارك شخبار الاهل
ابوماجد/الحمدالله انتي شخبارك شعلومك
كادي/بخير على البركه مكه امل
ابوماجد/الله يبارك فيك الا وينك يوم ملكه امل ماشفناك
كادي/امممممم انا
ابوماجد قاطعها/بس عرفت انا عارف هشام اكيد منعك
كادي/ايه
ابوماجد/شقولك يابنتي مااقولغير الله يكتب الي فيه الخير
كادي/امين....خالي سامحني يوم خذنا السياره
ابوماجد/مسموحه يابنتي واصلان مازعلت عليك ولا عليهم انا عارف انكم مهبل
كادي/يعطيك العافيه خالي الصراحه انا غلطانه
ابوماجد/ليه انتي غلطانه منتي لحالك معك البنات كلهم انسي بس وخلك منه
كادي/ههههههه طيب ماطول عليك مع السلامه
ابوماجد/مع السلامه
لينا/وش قال
كادي/قال عادي وانا مازعلت منكم ولا شي
لينا/اشوا
رن جوالها
لينا/هلا يوسف
يوسف/هلا والله قلبي وروحي
لينا استحت/هلا فيك عمري
يوسف/يالله انزلي انا تحت
لينا/طيب اوكي باي
يوسف/باي
كادي/بتروحين
لبينا تلبس عباتها/ايه هو تحت
كادي تسلم عليها/مع السلامه
لينا/مع السلامه انتبهي لنفسك وقفلي البيبان ولا تفتحين لحد غيري وراجعي نفسك ولا تتهورين
كادي/ان شاء الله
لينا/مع السلامه
طلعت لينا من هنا ورن جوالي من هنا
كادي/وعليكم السلام.....من معي....وشوووو وش فيه هشام.....اي مستشفى...طيب
سكرت السماعه ودقت على لينا على طووول
كادي/هشام في المستشفى مسوي حادث
لينا/يوسف معي ماقال لي شي
كادي/مدري بروح الحين المستشفى
لينا/رن جوال يوسف دقيقه
سمعت كادي صوت يوسف وهو يقول أي مستشفى سكرت السماعه ولبست عباتها وطلعت من البيت وخذت تاكسي وصلت المستشفى وسالت عن غرفته صار يوسف ولينا وراها راحوا كلهم للغرفه صار في الطوارئ
يوسف/انتوا خلكم هنا وانا بروح استفسر خلاص
راح يوسف وكادي شعورها صار مختلط ليش خفت عليه انا مااحبه اكرررهه ليش دموعي ودها تنزل من الخوف عليه ليه هو يستاهل دموعي انا احبه لالالالا بس كازوج اوووووف
لينا/وين سرحتي
كادي/هنا معك
جاء يوسف
كادي بدون شعور/وش صار
يوسف/كسر في رجله ويده اليمنى وجبروها وجروح خفيفه على وجهه والحمد الله شي احسن من شي والحين هم يبخلونه يوم عندهم ويطلعونه
كادي/طيب خلاص انا برجع البيت
استغربوا منها ليش مو زوجها تخاف عليه
لينا/هووو وش ترجعين
يوسف انسحب منهم وراح
كادي/خلاص هو بخير ليش اجلس عنده وش اسوي له بعالجه يعني ولا اذا جلست عنده بيصير حصان
لينا/انتي انهبلتي صح
كادي/صحييين بعد
لينا/لاتروحين لحالك بنوديك حنا
كادي/لا ولا ابي احد يوديني انا بروح بتكسي
لينا/الحمدالله الحين معنا سيارتنا حنا غرااب
كادي/لا بس مابي اروح مع احد يالينا انتوا بس روحوا
لينا/بتروحين معي سامعه ولا بسحبك قدام الناس اخليهم يتهزون فيك امشي قدامي بسرعه يالله
كادي خافت منها وراحت معها ووصلها ووصل لينا لبيتها ويوسف راجع لهشام ولقى ابوه وماجد وعيال اخوانه الشباب هناك
ابوماجد/انا كم مره قلت لك انك تسرع كن احد لاحقك بس انك ماتسمع الكلام وشوف وش صار فيك الحين وش استفدت
ماجد/يبه خلاص هذا كاتبه ربي شوفه الحين كسر ولا شي شين
ابوماجد/ونعم بالله بس هو من يوم صار يسوق وانا اقوله بس هووو خله ياخذ درس عقب الحادث
هشام/ان شاء اللله بس اهم شي رضاك علي
ابوماجد/انا راضين عنك بس انت ماتسمع الكلام
يوسف يغمز لهشام/طوول عمره مايسمع الكلام عاد هو قد سمع لحد هااااه ياهشام
هشام خاف ان يوسف يعلم عليه لانه قبل زواج يوسف كم مره صدم بس ابوه مايدري ولا كااان خذ السياره منه
اسامه/ماتشوف شر عمي هشام
هشام/الشر مايجيك
سامي/ماتشوف شر
وائل /ماتشوف شر
هشام/الشر مايجيكم
اسامه/حنا طالعين الحين تامرون بشي
ابوماجد/ثمن اصدموا انتوا بعد هااااااه
اسامه/لاتخافون علينا ياجدي ان شاء الله منا بصادمين
طلعوا الشباب وبقى ابوماجد وماجد ويوسف
ابوماجد/يالله روحوا على بيوتكم بسولف مع قعدتي شوي
ماجد/تطردنا علموني وش تقولون اعترفوا
ابوماجد/رح بس قبل لايجيك شي انت بعد
ماجد/لالا فيها تهزئ هونت مع السلامه
ابوماجد/مع السلامه
يوسف/تامرون بشي
ابوماجد/سلامتك
طلعوا كلهم
ابوماجد/وش صار بينك انت وهالبنيه
هشام/وش الي صار يعني
ابوماجد/ماصار شي يعني مافي طفل في الطريق
هشام/لا ولا فكرت اصلا اني اقرب منها
ابوماجد/كل هالثمنيه شهور وانت ماقربت منها
هشام/ولا يمكن
ابوماجد/الله يهديك ياهشام انت عارف انه مايصلح
هشام/عارف بس انا ماابي البنت وبطلقها قريب
ابوماجد/استح على وجهك طول وعرض ومسمينك رجال علشان كل بنت تتزوجها تطلقها
هشام/يايبه انا مابيها وهي ماتبيني
ابوماجد/وش دراك انها ماتبيك هي قالت لك بس اسمع اذا شفيت وتعافيت لي كلام ثاني معك انا الحين بروح عندي دوام تبي شي
هشام/سلامتك
طلع ابو ماجد وهو منقهر من ولده

^^^في بيت اهل كادي^^^
كادي تكلم نفسها انا لازم اتطلق منه بسرع وقت مابي اتعلق فيه اكثر وهو مو مهتم فيني ولا معطيني بال فتحت لاب توب لينا لانه عندها وفتحت مجلداتها الخاصه لقت فيه عن الزوج والزوجه والطرق والتعليمات وكل شي فيه جلست عليه لما الصبح وهي تقراء وتتخيل شكلها مع هشام ويحمر وجها وترتعش
كادي/كل هذا يصير وانا عنز غبيه مدري وش السالفه توني ادري ان الزاوج يصير فيه كل هالدنيا وهالبلاوي
يؤيؤيؤيؤيؤيؤ وشلون بشوف وجه هشام لو ادري ان الزواج كذا ماتزوجت وعععععع بعد تفكييييير
كادي/بس ماصار لي الي مكتوب يعني انا عذراء ولا ايش خلني اتااكد

###اليوم الثاني الظهر###
طلع من المستشفى هشام مايمشي بس راكب عربيه وراح لبيت اهله
ام ماجد/وين مرتك ماشفناها من زمان
هشام/في البيت اهلها
ام ماجد/سبوع في بيت اهلها وش فيها
هشام/ابد تغيير جو
ام ماجد/الله يهديها دق عليها تجي ماتدري ان وراها زوج وبيت
ابوماجد/هدي ياحرمه وش له هالزعل
ام ماجد/اجل تروح وتخلي زوجها وهي عارفه انه تعبان ومكسر
هشام/ان شاء الله يمه بتصل عليها الحين وروح لها السواق
ظغط زر الي يحرك العربيه وطلع برا الحوش يكلمها
هشام/الوووو هلا كادي
كادي/هلا
هشام/تعالي الحين في بيت اهلي برسل لك السواق وخذي معك كل قشك لانك بتجلسين هنا مو راجعه لبيت اهلك
كادي/أي اوامر ثانيه
هشام/بس جهزي نفسك
سكر بوجهه
كادي بقهر/مغررورر
لمت اغراضها وقعدت تحتري السواق دق الجرس وركب السواق شنطتها وراحت لبيتها اول تروشت وستشورت شعرهاوسوت مكياج بس موو مكثره ولبست تنوره سوداء نص الساق فيها قصات وقميص دانتيل سكري مبطنه بسكري الا يدها مابطنتها وصندل كعب عالي سكري ولبست ساعه سوداء فخمه وحلق وخذت جلالها ورحت لبيت ابوماجد
كادي/السلام عليكم
الكل/وعليكم السلام
سلمت عليهم
ام ماجد/وينك صاكه عليك في بيت اهلك ماتدرين ان هشام صار له حادث
كادي/الا ادري بس ظروفي ماسمحت لي اني اجي مبكر
ام ماجد/وش هالظروف الي اهم من زوجك في حرمه تترك زوجها وهو تعبااان
ابوماجد/لاتاخذين بخاطرك كادي تعرفين ام وضايق صدرها على ولدها
كادي/لا وش دعوه خالتي في مكان امي
كادي/وين هشام
ابوماجد/في مكتبي
كادي/عن اذنكم
ابوماجد/واذنك معك
راحت كادي
ابوماجد/وش هالكلام ياام ماجد البنت توها صغيره وش عرفها
ام ماجد/الا تعرف بس هي تتغيباء
ابوماجد/الله يهديك تو عمرها ماوصل 17 سنه
ام ماجد/اصلا انا الغلطانه الي زوجتها ولدي زوجته بزر ماتدري وين ربي حاطها فيه بس انت السبب الي غصبته وغصبتنا كلنا
ابوماجد/وش قاعده تقولين ماهوب عيب عليك هااااه البنت يتيمه مالها احد في هدنيا غيرنا وانتي تقولين هالكلام وين حنانك ورحمتك وين ام ماجد الحنونه على الجميع وش بلاك انقلبتي على بنيه علشان ماجات لزوجها طيب واذا ماجات هم حره يمكن هشام مايبيها تجي هنا يمكن أي شي ثاني بس انتي على طول تصارخين على البنيه انتي بمكان امها وحاطتك فوق راسها وتقولين لها كذا

كانوا كادي وهشام يسمعون كل الكلام الي دار بين ابوماجد وام ماجد

________________________
انتهى الجزء ال19

حيبتي مون فايس القصة خيالية والله داخلين جو معاها كمليها الله يسعدك

ّ!@#$%الجزء عشرون^&*)(_+





كانوا كادي وهشام يسمعون كل الكلام الي دار بين ابوماجد وام ماجد
كادي بس دموع تنزل على خدها دموع حااايره هشام مو قادر يقول لها شي بس لما حست انها بتنفجر من الدموع جلست على ركبها وصاحت بصوت عاااالي هشام قرب عربيته لعندها وزاد صياح كادي حط راسها على رجلينه ولما حس انها هدت رفع راسها
هشام بحنيه/نروح للبيتنا
كادي/ايه
مسحت دموعها ورتبت نفسها ودفت هشام وطلعوا لصاله
هشام/عن اذنكم بنروح نريح في البيت
ابوماجد/انتبه لنفسك
هشام/ان شاء الله
طلعوا وراحوا لبيتهم
هشام/بروح اتروش وجهزي لي ملابس
كادي بحياء/تقدر تروش نفسك ولا تبي مساعده
هشام استغرب/لالا احاول مشكوره
دخل الحمام وتوني فاتحه الكبك حقه الا هو مناديني
هشام/كاااااااااااادي كاااادي
كادي بعفويه/لبيه
هشام سكت شوي وبعدين/تعالي ماعرفت اسوي شي
كادي/بغير ملابسي واجي
راحت ولبست قميص فوق الركبه سيور
كادي/احم احم
هشام/ادخلي
كان جالس وحتى مافسخ شي فسخت هي تيشيرته
كادي/ارفع نفسك شوي علشان اسحب البنطلوب
سواء الي قالته وهي انقلب وجهه احمر
هشام/خلاص انا بكمل وبفسخ الباقي
قربت له الشانبو والليفه وصابون الجسم وفتحت له الدش دخل في البانيو وهي طلعت
كادي/يؤيؤيؤيؤيؤ اشوا ماقال شي ثاني
جهزت له ملابس وقعدت تحتريه لما طلع بلعكاز كان حاط الفوطه على على خصره بس مالفها زين راحت له وقربت العربيه توه بيتحرك طاحت الفوطه كادي صرخت وعطته ظهرها وهو جلس في العربيه ولفها عليه بسرعه كلهم انحرجوا من بعض بس هشام مشى الموضوع
هشام/يالله لبسيني
كادي/تبيغا هذا اللبس ولا ثاني
هشام/لا عادي
لبسته قميص كت اسود سكرت كل الازارير
هشام/تبين تموتيني مسكرته كله
فتحه لعند صدره
كادي/احسن افسخه
هشام/والله مافيها شي من في البيت غيرك وانتي حلالي زوجتي ولا انا غلطان
كادي استحت /لا مو غلطان
ولما جاء دو البنطلون
كادي تصرف/تقدر تلبس نفسك لاني بروح اغير ملابسي كلها مويه
هشام يحرجها/ليييييه انا مو ولد الجيران علشان ماتلبسيني يالله بس لبسيني
كادي/هشام انا
قاطعها/بسرعه الجو بارد
قربت البنطلون الشورت الكروهات اصفر واسود وابيض رفعت راسها فوق ولبسته ولما خلصت طلعت على طول وهو فطس ضحك عليها مشط شعره وطلع في الصاله
هشام/وينك كادي كااااادي
كادي/البس دقيقه
لبست فستان ستن سيور ليموني يوصل لتحت الركبه وفتحه صغيره وراء رتبت نفسها وتعطرت وحطت غلوس احمر سوت الطرق الي قرتها في لاب توب لينا وطلعت
كادي/هلا
هشام داااااخ عيلها خق
كادي/بغيت شي
هشام/هاااااااه لالا بس اختفيتي فجاءه
كادي/انت متغدي ولا اسوي غداء
هشام/لامتغدي انا بس بروح انوم مررره تعبان
كادي/براحتك
هشام/مو جايه معي
كادي استغربت/مدري عنك
هشام/تعالي معي يمكن ابي شي
كادي/اوكي دخلوا غرفه هشام ورفعت المفرش وساعدت هشام ونسدح على السرير وطفت الانوار وجلست على السرير
هشام/وش بلاك جالسه انسدحي
كادي للحين مستغربه انسدحت لكن بعيده عنه بس هشام يحسبها للحين ماتفهم ولا تعرف شي
هشام/قربي لو تحركين بتطيحين
قربت وهو سحبها لما صارت قباله
هشام/خلك يمي
كادي بخجل/ان شاء الله
نام هشام وكادي تفكر بكلام ام ماجد لهدرجه هي ماتبيني ليش نامت بدون ماتحس بنفسها

___المغرب___
قامت كادي من النوم التفت مالقت هشام طمرت من مكانها
كادي/هشااااااااام وينك هشاااااااااااااااااااااااام
هشام في المطبخ/هلاااااااااااااا
كادي رحت له/اوووووه احسب صار لك شي
هشام/لا كاني قدامك مافيني الا العافيه
كادي/طيب انا بروح اصلي
راحت صلت العصر ولما خلصت طلعت لهشام
كادي/هشام اليوم الاربعاء صح
هشام/ايه ليش وش عندك
كادي/السبت تبدء الدراسه انا فصلت لي مريول ابي اروح اخذه واكمل اغراضي يعني شنطه وجزمه الله يكرمك
هشام/اهااا طيب متى فصلتي المريول
كادي/لما كنت في بيت اهلي
هشام/ومن كان معك
كادي/لينا
هشام/من موديكم
كادي/ليش تسال كل هالاسئله
هشام بصرار/من موديكم
كادي/كلمنا يوسف وقال مشغول في الشغل واستئذنت لينا ان نركب تاكسي وبس
هشام/وانتي من استئذنتي منه
كادي/محد
هشام/اهاااا طيب اماك رحتي بدون اذني وركبتي التاكسي وفصلتي وخلصتي اجل خلي التاكسي يوديك انتي ماعندك احد تستئذنين منه ماوداك تاكسي يجي ياخذك
كادي/هشام وش فيك خلاص معي لينا
هشام عصب/ليش لينا اختك رجال وانا مدري لو خذكم راعي التاكسي وش بتسوي لينا يعني قولي وش بتسوي انا اكره مالي الحرمه تركب تاكسي بدون محرم
كادي/طيب راااح الي رااح وهاذاني قدامك مافيني الا العافيه
هشام/موكل مره تسلم الجره هذا هالمره سلمتي المره الثانيه بتسلمين
كادي/اووووووووف اختصر اروح ولالا
هشام/انتي حره
كادي بدلع/هشااااااام
هشام/شسويلك شايفتني اسوق امشي حتى على رجولي
كادي/بس اروح لحالي في التاكسي
هشام بتغلى/بكيفك
كادي ضاقت/وشلون بكيفي وانت زوجي هااااااااه
هشام يصفق/بررررافوا اخيرا عرفتي اني زوجك
كادي/طيب شسوي
هشام/دقي على اختك
كادي/لا استحي مصختها معها
هشام/طيب دقي على وحده من بنات اخواني
كادي/أي وحده
هشام/ولا اقولك بشوف امي تقدر تروح معك ولالا
كادي بحزن/لا خلاص
هشام/شفيك تراها امي
كادي بنبره صياح/داريه بس خلاص اروح لحالي
هشام/طيب بدق على سواق اهلي اشوف فاضي ولالا
كادي/طيب
هشام/هلاااا شوف انتا في مشغول .....طيب تعال بيت انا ودي مدام انا لسوق خلاص.......ايه .......هااااه طيب خلاص بسرعه
كادي/وش قال
هشام/خلاص بس امي تبي تروح السوق بعد يعني بتروح معك
كادي بحزن/طيب
هشام/تجهزي لانهم طلعوا هالحين
تجهزت ولما طلعت من غرفتها
هشام/تعرفين تسحبين من البنك ولالا
كادي/ايه بس ترا بمر بعد المشغل علشان تسوي لي حواجبي
هشام/طيب بس امسكي بطاقتي ولا تضيع منك ياوييييلك
كادي/اوكي باااااااااااي
طلعت كادي وجلس هشام يفكر انا حبيتها او لا ليش صرت كذا معها الي بينا لازم ينتهي قبل يصير شي ثاني انا مابي اتعقل بها لما امشي على عكاز بطلقها وكل واحد منا بطريق

%%%في السوق%%%
ام ماجد/انا بروح عند الملابس وانتي شوفي الي تبينه
كادي/ان شاء الله
راحت كدي عند الجزم(اكرمك الله) وخذت لها جزمه وبنفس المحل شناط وخذت لها ولما خلصت الي تبي راحت خذت لها كوفي لما تخلص ام ماجد ولما كانت جالسه مر شاب كذا مملوح وش حليله
الشاب/ياعيني عليك يالبيــــــــه على العيون الي تاخذ العقل
كان شوي ويجلس معها هنا ام ماجد جت وشافت الشاب سرعت في مشيتها ووقفت عند كادي وناظرتها بستحقااار كادي انصدمت من نظراتها لها
ام ماجد بنفاخ/مشينا
قامت كادي وهالشاب يلاحقهم ركبوا السياره ومروا المشغل تاخذ مريولها وطلعت وراحو مشغل الي تتعامل مهم دايم وهو يلحقهم
ام ماجد تصارخ/تغازلين وانتي متزوجه ماتستحين على وجهك
كادي/واللله ياخالتي ماكلمته والله العظيم
ام ماجد/اجل ليش ابتسامته شاقه حلقه وشوي ويجلس معك
كادي/شسوي له ياخالتي والله اني حتى مالتفت عليه ولا شفته
ام ماجد/وعدك في البيت مو هنا
طلعوا من المشغل وراحوا بيتهم وهو للحين يلحقهم ولما وصلوا
ام ماجد/قدامي لبيتك وانا بلحقك ياللي ماتستحين
نزلت كادي وفيها الصيحه دخلت بيتها وشافت هشام يتفرج على الاخبار
كادي/السلام
هشام/وعليكم السلام وش فيك
كادي توها بتتكلم الا ام ماجد جايه
ام ماجد/مرتك ماشاء الله عليها تغازل في السوق وشوي وتجلسهم معها يسولفون
هشام/وشووو
ام ماجد/ لما شفتي ولدي تعبان ومايقدر يوقف على رجوله قمتي تلعبين بلحبلين
كادي/والله ياخالتي
قاطعها هشام وهو يصارخ/انتي اسكتي
ام ماجد/وازيدك من الشعر بيت يلاحقنا من مكان لمكان لما عرف البيت
هشام بهدوء/يمه ارجوك خلاص
ام ماجد/فتشها يمكن معها رقمه ولا شي بعد
هشام/يمه واللي يرحم ولديك يكفي
ام ماجد/انا بروح لبيتي بس اذا ماعلمتها السنع انا اعلمها
هشام/صدق الكلام الي تقوله امي
كادي وهي تصيح/والله اني ماكلمته ولا اعرفه والله ياهشام انا كنت جالسه اشرب كوفي وهو جاء(تشهق) جاء يتكلم وخالتي تحسب اني اكلمه
هشام شبه عصبيه/يعني امي تكذب
كادي/انا ماقلت انها تكذب بس فهمت غلط والله اني ماسويت شي
هشام/عطيني جوالك واكياسك
كادي/تاكد خذها شوووف
خذها هشام وفتح شنطها وجوالها مافيه شي ولما فتح كيس من اكياسها لقى كرت
هشام/وهذا وشو
كادي/مدري والله وش فيك ياهشام انا عمري ماغازلت احد ولا فكرت اني اكلم احد
هشام يصارخ/طيب وشذا الكرت رقمه واسمه وايميله
كادي/قسم بالله مدري وشلون انا ماخذت منه شي
هشام وهو معصب وبصوت عالي/احمدي ربك اني على عربيه ولا كان تندمين على اليوم الي ولدتي فيه انقلعي عن وجهي
دخلت غرفتها وجلست تصيح مقهوره محتررررره ولا طلعت منها ابدا

________________________________
انتهى الجزء ال20