اخي في الله ابو لمى انا صرت ادخل المنتدى عشان موضوعك طمنا عليك

وكمان حابه اقولك وللاخ احساس عالي والاخت ام عبد الله هدانا الله واياكم

اولا احنا ماننكر الحب لكن هناك حب حلال وحب حرام والحب الحلال والحقيقي

هو الذي ينولد بعد الزواج برباط الاهي مقدس وما تخاف ان تعلنه امام الناس

لأنه صح وما تخاف يلومك عليه احد والحب مثل النبتة تكبر وتنمو مع مرور الأيام

إذا سقيتها واهتميت بها

كمان أعرف بيوت كثيرة بنيت على الحب والقليل جدا نجح والكثير كان مصيره الفشل

والمشاكل إن لم يكن الطلاق

لأن الله تعالى جعل الأساس في بناء البيوت هو المودة والرحمة وليس الحب

كمان الأمر الثاني الله تعالى يقول : (ولا تتبعوا خطوات الشيطان )

يعنى الشيطان ماراح يوسوس لك بالزنى بل يؤكدلك إنه قصدك شريف ثم يسحبك

خطوة خطوة حتى يوقعك في المعصية

وإذا تبغى تعرف إن هذه العلاقه صحيحه ولا لا تخيل نفسك وإن بنتك تعيد هذه

الذكريات ويصير معاها نفس الموضوع حترضى إنها تختار شريك حياتها بنفسها

وتقدمه لك؟؟؟؟؟؟؟؟؟؟

وإذا ماترضاه على بنتك لازم ماترضاه على بنات الناس وحتى لو هي اللي جاتك

ومين دق باب الناس دقوا بابه وإذا إنت ابن حلال ويش يدريك الشاب اللي بنتك تحبه

يكون مثلك ولا لا ؟؟؟؟؟؟؟

وغير كده لو كانت العلاقة صحيحة تقدر تروح لأهالها وتقول لهم إنك تحب بنتهم

ولك علاقه معاها وإيش تتوقع ردة فعلهم ؟؟؟؟؟؟؟؟؟؟؟؟

والإثم ماحاك في نفسك وكرهت أن يطلع عليه الناس

والأمر الأهم احنا ماتكلمنا على الموضو ع من مبدأ التعدد لكن من مبدأ العلاقة نفسها

فالتعدد حتى لو اعترضنا عليه فهو شرع الله لا نستطيع الخوض فيه

ولو كان التعدد بطريقة مشروعة يعني يختار زوجة عفيفة وتصلح أما لأولاده لكان امرا

آخر ثم فكر هي تخون الله أولا ثم أهلها ثم نفسها ثم زوجتك التي تستقطع من وقتك

المفروض ان يكون لزوجتك هل هذه أهل لتربي أولادك وعلى هذه ا لأخلاق تربيهم؟؟

وكمان ابغى أوضح أمر أخير وهو تجربتي الشخصية حيث أن زوجي يريد التعدد وناويه

من قبل زواجنا وعندما صارحني بالموضوع لم يكن لدي خيار لمعارضته ولو كانت

نفسي مكرهه لهذا الأمر لأن هذا حق له وأنا ساعدته وبحثت له عن زوجة ثانيه

لطلبه لي ذلك وحبي له ولم يكتب الله له ماأراد رغم أنه تقدم لبيوت كثيرة

وفي نهاية المطاف حصل له موقف مشابه حيث عرضت عليه فتاة نفسها

وصار يكلمها في التلفون وجابها شقته اللي يبغى يسكنها فيه عشان يفرجها

على الشقة وهم لوحدهم بحجة إنه يبغاها بالحلال وأعطته صورها

وفي نهاية المطاف أبوها ماوافق والا تم الموضوع ولأن زوجي مثلك يا أبو لمى

طيب القلب وعاطفي رجعلها الصور وقطع العلاقة ولو كان ذئبا لافترسها !!!!!

ولكن كل هذا كان امام عيني وبعلمي وقد ما كنت انصحه ماكن يسمع لأنه هذه

فرصته في تحقيق حلمه مع أنه في قرارة نفسه كان عارف إنه مهي هذه الزوجة

الصالحةاللي يبحث عنها وطبعا هو متعود معاي على الصراحه لأن بيننا علاقة صداقه

فكان يحكيني وياخذ رايي لأني مستشارته في كل أموره

والخلاصة اني مازعلت ولا اتضايقت في كل مرة كان يخطب فيها مثل هالمرة

حسيت إنه طعني وجرحني جرح كبير الله يسامحه لأني كنت حاطة ثقة كبيرة فيه

وخالى هذه الثقه تتزلزل

والحين ياأبولمى ارجوك لا تطيح من عين زوجتك وحافظ على بيتك الله يخليك

والله صرت ادعيلك في صلاتي الله ينور لك بصيرتك ويسخرك لزوجتك حلالك

وعذرا على الإطالة وياريت تطمنى عليك وتبشرنا ياررررررررررب

هااااااااااااااااااهـ

بششششششششششششششششششششششر


بليز لا ترفــــــــــــــــــع ضغطي بقرارك

حاااااسه بزوجتك بلى بشكلك ان كانك تزوجتها

سوري عالكلمة الأخيرة بس تراك راااافع ضغطي :@

وهج , احساس عالي , راسم , مومو , ميزيان , مناكير حمراء , شهد اخت رغد

حبيبة سلوم , فتافيت سكر .. الله يسعدكم جميع وكلامكم عين العقل

بس الحيرة ذبحتني يبيلي وقت الله يخليكم وراح تعرفون قراري لاهنتوا جميع

احساس عالي ,, هي قريبتي وكانوا جيراننا ..

انا اعرف البنت زين .. حتى اتصالاتها قليله كل اللي بيننا رسايل

مومو شكراا لتفاعلك