خبل(ن) يدربي سلوم البدو بنعوله
يطيح قدره تحت رجليه ماشاله

مثله اذا ما استحى من هالبشر حوله
على الأقل يستحي من ميلة عقاله

..



انتحار
%

بين جثمان السكوت وبين تحديد المصير
يندفن كل الكلام اللي يدل المقبره

أنذبح صمت بقصيدي وأنطلق مني أسير
كان سجنه في خيالي بين فكر وحنجره

جيت لك يامحتريني حسبة الجمع الغفير
قصدي أكسر حاجز(ن) عيّت يدينك تكسره

ماتعمدت الغموض إلا وأنا به مستشير
ماتداركت النهوض إلا .. لأني أقدره

مايصير اللي أقوله لاني أكتب مايصير
شي .. واقع .. عايشينه لو تبي .. تستنكره

مَصِيْر الحَيّ يتْلاقَى و لَو هِي طَالَتْ الأيَامْ
و لو طَالَتْ بِنَا الفَرقَى و غَابَتْ شَمْس أمَانِيْنَا
تِمْرّ سْنِيْنِنا و أحْلامِنَا تِبْكِي عَلَى الأحْلامْ
تِفَارَقْنَا كِذَا فَجْأةْ و حِنّا ما تِلاقيْنَا
يجِي عَامٍ بَلا لِقْيَا يجِي عَامٍ و يرْحَلْ عَامْ
يضَحّكْنَا الزِمَنْ مَرّة و مَرّاتْ يبَكّيْنَا
رِسَمْنَا فِي السِمَاء لَوْحَه و عِشْنَا دَاخِلَ الأوهَامْ
و ضِعْنَا فِيْ دُرُوْب العُمُرْ نَسْأل عَنْ لِيَالِيْنَا
عَلَى الله خَلّهَا لا تِقْلِبَ أوجَاعِي تَعْبْت هِيَامْ
و أحِسْ إنّي العُمُرْ كِلّه غَدَا بَحْرِ بَلا مِيْنَاء