يسعدك بس لا طولي والله اني على اعصابي اعجبتني حيل فديتك

جد لا تطولين يكفينا تشويق والله يعطيك العااااااااافيه اختي الغاليه

يسعدك غاليتي لا طولي والله مشتاقين نشوف النهايه

ّ!@#$%الجزء الثالث والعشرون^&*)(_++






(((بعد مانتهت الجمعه)))
كادي/هشام مييييييته برد سكر المكيف
هشام/الجووووو حار وانتي تقولين برررد
كادي/والله برررد موووت
هشام/ممكن فيك حرراره
كادي/مدري
حط يده على جبينها وخدودها
هشام/يؤيؤيؤيؤ انتي ناااار( يشوف ساعته)الوقت متاخر اذا جاء الصبح خذتك للمستشفى
كادي/جب لي بطانيه بسرعه
هشام/لامايصلح تحترين زياده
كادي/حرام عليك متجمده
هشام/اصبري بجيب كمدات اول
كادي/طيب جب أي شي اتغطى فيه
راح وجاب شرشف وجاب كمدات وقعد يكمدها
هشام/رديت الجميل لك
كادي/أي جميل
هشام/مو انا صدمت وانكسرت يدي ورجلي وقعدتي تساعديني وتهتمين فيني انتي الحين تعبتي وبقعد اهتم فيك
كادي/زييين انك تعرف ترد الجميل
هشام/لسانك يبي له قص انتي
كادي/اييييييييي شوي شوي باره الكمادات
هشام/احسن علشان تعرفين ثاني مره تكلمين زوجك

&&&الظهر&&&
قام هشام يصلي الجمعه ووراح عند ابوه لان اعمامه الرجال بس متجمعين هناك
ابومازن/ياخوي ابوماجد جاي لبنتي عبير رجال ماينرد وابي اخذ رايكم فيه
هشام التفت على طاري عبير
ابوماجد/من ولده
ابومازن/ال..... وابيكم تسالون معي عنه
ابوماجد/تامر امر
ابومازن/مايامر عليك عدو الا اقول ياهشام يقولون انت مرتك حامل
هشام ارتاع/هااااااااه لا مو حامل تعب عادي لالالا مو حامل
ابومازن/الله يوفقكم ان شاءالله
الكل/امين
بعد القهوه الكل راح لبيته
دق جوال هشام
هشام/هلا متعب
متعب/هلا والله فيك شخبارك
هشام/الحمدالله بخير انت شخبارك واخبار الاهل
متعب/تمااام حبيت ابشرك اني خطبت
هشام/واللللله جد من بتاخذ
متعب/وحده من بنات خالك
هشام يبي يتاكد /هااااه بنت خالي أي وحده
متعب/عبير
هشام انفجع/عبير ماغيرها بنت خالي مازن
متعب/ايه ليه وش فيك
هشام/لالالا بس اسال بس ليش ماعلمتني انك خاطبها من قبل
متعب/حبيت اول اشوف راي البنت ثمن اوقولك
هشام/على البركه
متعب/الله يبارك فيك
هشام/ يالله فمان الله
متعب/وش فيك هشام
هشام/ لابس بيخلص الشخن
متعب حس بشي/اوكي الله مع السلامه
كادي كانت جالسه مع هشام
كادي/وش فيها حبيبه القلب
هشام منقهر/بتتزوج
كادي تتمصخر/تبيني اروح لها واقول لاتتزوجين زوجي يحبك
هشام ببرود/تتمصخرين
كادي تبي تقهره/وليييه اتمصخر زوجي يحب بنت خاله وبنت خاله بتتزوج صديقه الغالي وصديقه الغالي مايدري انك تحبها وانا بصير واسطه لك ولها علشان ترجعون لبعض علشان طلاقي قريب وحراااام تررروح حبيبتك عليك تعرف عاد انا ماارضى انك تزعل ويضيق خلقك
هشام عصب/اتركيني في حالي
كادي منقهره بس ماتبي توضح له/تبي احط لك موسيقي حزين وشموع علشان تعيش الجو زييييين
وقف هشام ومسكها من زنودها/اذا ماتركتيني في حالي والله لوريك
كادي ببرود/بتركك في حالك يا زوجي
راحت لغرفتها وجلست تصيح (تكلم نفسها)ليش اصيح هو يحبها ومايحبني وانا مااحبه ايه مااحبه

+++بعد يومين+++
كانت كادي جالسه على لاب توب هشام وهو محذرها تدخل خصوصياته بس كادي عنااااد وفتحتها وفتحت اول مفكره وكان مكتوب فيها ((حبيبتي عبير انا لااستطيع العيش من دونك انا احبك الى الابد ولااطيق الايام من دون سماع صوتك لكن انتي طلبتي مني ان ننهي هذا الحب من شان زواجي لكن بعد مرور شهرين من زواجي انا احببت ..................
جاء هشام وسكرت كل شي وكانت تناظرة بحقد
هشام/انا بسافر الدمام زواج زميل لي
كادي/طيب رجلك للحين مجبره
هشام/اليوم بروح المستشفى يشيلونه
كادي/طيب كم يوم بتجلس هناك
هشام/تقريبا يومين ان كثرت ثلاثه
كادي/طيب براحتك
هشام/ليش تسالين كم يوم
كادي/لاني ابي اتطلق بسرع وقت
هشام/ليش انتي تحبين تنكدين علي وعلى نفسك بس ابي افهم
كادي/ كلنا مانبغى بعض ليش نصبر اكثر من كذا
هشام/انتي بزر ولا راح احط عقلي
كادي/قول الي تقوله مافي شي يهمني
هشام يتنهد/اسمعي يابنت جهزي اغراضي وانا بطلع الحين من البيت لاني اذا جلست اكثر ارتكبت فيك جريمه
طلع من البيت وانا جلست ارتب ملابسه ولما خلصت فتحت الاب توب هشام وقعدت تحوس وفتحت صور هشام واخوانه واخوياه في كل مكان يروحون له يصورون فيه
كادي/اااااااااه ياهشام محد فصح عن قلبه لثاني كل واحد منا كبريائه مايسمح له اوووووووووف
سكرت الجهاز وراحت تصلح العشاء جاء هشام وتعشوا
هشام/سواقك قلت له ياخذك الصبح والظهر وقال تطلع الساعه ست الصبح تمام والظهر وحده الا ربع خلاص
كادي/خلاص
هشام/واذا تعبتي زياده سواق اهلي عندك
كادي/طيب
هشام/اذا جيت تفاهمت معك لاني الحين ماني رايق لك مشكوره على العشاء
كادي/العفو
راح ونام لانه بيمشي الفجر وانا غسلت المواعين ورحت انام بكره مدرسه اوووف

___الصبح___
قمت طبعا امشي على وراي مافي هشام يقول وين الفطور لبست وتكشخت وفطرت أي شي وجلست احتري السواق ومرررر اليوم مثل كل يوووووم طفشت في البيت تعودت على المناقر انا وهشام ودي اروح عند خالي وخالتي بس عقب الكلام الي سمعته من خالتي خلاني اروح لهم بس في المناسبات دق الجوال
كادي/هلاوغلا
وديان/هلاوالللله برمت خالي هلاهلا
كادي/هههههه هلا فيك
وديان/كيف حالك
كادي/تمام انتي كيفك
وديان/بخيرررر شوفي كدوي ابي منك كتاب الفيزياء لاني غبت سبوع والاختبار بعد بكره
كادي/ليش غبتي سبوع
وديان/كذا طفشت وغبت
كادي/ماخذه راحتك بالمررره هههههههههههه
وديان/ههههههههه أي والله مليت حوسه الدروووس طيب كاتبك كامل
كادي/ايه كامل بس لازم تفهمين المسائل
وديان/ايه ابوي يعرف بس اهم شي الحل
كادي/خلاص تعالي خذيه
وديان/اوكي جهزيه
كادي/اوك يالله سلااام
وديان/سلااااام
جهزت الكتاب وجت وديان تاخذه
وديان/اجل وين خالي هشام
كادي/مسافر
وديان/اهااااا اجل تعالي معي للبيت وسعي صدرك عندي
كادي/لالا بكره مدارس
وديان/يؤؤؤؤ انتي مسويه دافورة اقول تعالي ببجامتك بعد البيت فاااضي امي عند الجيران ووائل مع سامي واسامه
كادي محتاره/مدري وشلووون
وديان/يالله بس بسرعه
كادي/اصبري البس شي
لبست بنطلون جنز وتيشيرت برتقالي رفعت شعرها حصان وطلعت هي ووديان

&&&المستشفى&&&
لينا تعبت ووداها يوسف للمشفى
الدكتوره/حالتها خطره
يوسف/وشلون يادكتورة
الدكتورة/سقطت
يوسف يحاول يستوعب/سقطت
الدكتورة/ايه ومافي أي احتمال انها تحمل مره ثانيه والحين هي تحت تاثير البنج
راحت الدكتورة ويوسف جلس يفكر ماراح تحمل مره ثانيه لالالالا بعد ماصحت من البنج دخل يشوفها
لينا/وش صار في الجنين
يوسف مايدري وش يقول/اااااممممم ااا
لينا/سقطت صح عادي قول انا عارفه ان هذا الحمل مو تام وانا راضيه بهذا الشي
يوسف/ايه سقطتي بس مو معناه اني ماابيك انا ابيك ومابي غيرك
لينا/لاتقول لكادي شي لما اطلع من هنا
يوسف/لا ماقلت لحد بس اهم شي سلامتك

%%%في بيت منى%%%
دخلت من بيتها وشافت وديان وكادي يتقهوون
منى/حياااا الله مرت اخوي هلا والله
كادي وهي تسلم/هلا فيك
منى/شخبارك شعلومك
كادي/بخير الحمدالله انتي كيفك وكيف العيال
منى/الحمدالله والله توني جايه من ذا الجيران تطاقوا ام خالد وام سعيد على الجمعيه
وديان/الجمعيه للحين ماخلصت
منى/لااااا ام خالد تقول عرس ولدي وام سعيد تقول علي ديون وتطاقوا الثنتين
وديان/اصلا ام خالد تاجرة وام سعيد نصابه ام وجهين
منى/لايسمعونك بس المهم وين اخوي هشام
كادي/مسافر
منى/وين رايح له
كادي/الدمام زواج زميل له
منى/اهااااا الله يوفقه وانتي يالفاهيه خذتي المسائل
وديان/ايه ماشاءالله على مرت اخوك دافوره كلس مشكشك ومكتب
منى/اذكري الله بعد
وديان/لا اللللللله الا الله تفووووو(تفلت عليها)
كادي/هههههههههههههههه وييييييع
منى/مجنونه غايبه سبوع وراحت عليها الدروس واختباراتها توها تبدء
كادي/انا بديت وخلصت
منى/ماشاءالله عليكم مجهدين مدرستها باااردين مادرسوهم الا متاخر ورصوهم بدروس وذا الغبيه الي عندي سبووووووووع غايبه
كادي/ههههههههههههههههههه

والله وسعت صدري عند منى ووديان وماخلوني اطلع الا بطقاق

$$$اليوم الثاني $$$
طبعا نفس الروتين ولما قمت العصر جهزت كريمات وصنفرات حقات جسم والبشره وزيوت شعر والبخار هذا يوم النظافه عند كادي المهم ولما خلصت من كل شي راحت لخدامه حقت اهل هشام علشان تنظف واذا خلصت شغلها رجعت لبيت اهل هشام
كادي/انا طالبه من المطعم اذا جاء خذيه منه انا بروح اتروش اوكي
الخدامه/اوكي
دخلت الحمام تتروش وبعد ربع ساعه انطق الجرس
الخدامه/مييييييييين
....../انا اخو ماما كادي
طبعا الخدامه فتحت الباب له دخل الرجال البيت
....../وين ماما
الخدامه/تتروش
......../طيب روحي لشغلك
الخدامه راحت للمطبخ وهذا الشخص دخل غرفه نوم كادي

^^^مطار الدمام^^^
متعب/يالله الطياره وصلت
هشام/يالله
ركبوا الطياره راجعين لرياض
متعب/يووووة من زمان ماركبنا طياره مع بعض
هشام/أي والله عقب اخر سفره لنا للبحرين
متعب/ياحلو ذيك السفره والله انها ذكرى لدجه والهبال والصياعه
هشام/ههههههههههه تصدق كل ماذكرتها انفجرت ضحك
لما حسوا بهتزاز الطياره يعني بدت تمشي
متعب/بناااااام
هشام/وانا بعد

@@@الرياض@@@
....../اذا جاء بابا عطيه هاذي الورقه لاتنسين
الخدامه/طيب بس مين قول له
...../مكتوب في الورقه
الخدامه/طيب
طلع الرجال من هنا وهشام جاي ناحيه البيت دخل هشام البيت
الخدامه/بابا هذا ورقه من اخو ماما
هشام استغرب/اخو ماما
فتح الورقه انصدم يبي يفهم الكلام ماقدر يستوعب شي
صرخ بااعلى صوته/كاااااااااااااااااااااااااااااااااااااادي

توقعااااتكم
من هو هذا الي دخل البيت ؟؟
ايش الي مكتوب في الورقه؟؟

______________________
انتهى اجزء ال23