سألتيني ان كنت احبها تدخل

كنت اتمنى انها تتدخل بينهم

وانها ما تفرح انها المفضله عنده

كنت اتمنى انها تذكره بأن امي صاحبة افضال عليه

صبرت معاه وعلى اهله وتحملت الحياه الصعبه معاه لحد ما كون نفسه وصار عند بيت ورصيد قدر يتزوج به

كانت تسولف معانا وتمزح معانا لكن همي كان اكبر

كيف امي وابوي يرجعون لحياتهم صح

انا قبل كذا قلت كم مره

طفولتي انسرقت مني والسبب كانو اهلي او بالاحرى ابوي

ما مداني اتمتع بهالطفوله بداية مشاكل وتعب نفسي

وبعدها زواجات لا متناهيه للوالد الله يسامحه

ويحسن خاتمته

تصدقين بالله صار له قبل حوالي عشر سنوات حادث شنيع

فقد معاه بعض الحركه لفتره مؤقته مين بقولك جلس معاه وانتبه له وحرم عينه النوم والعيد مع الناس ؟؟؟؟؟؟؟

امي وربي الوحيده فينا اللي ما تكحلت عينها ولا لبست الجديد ولا تحنت حتى بالعيد رغم ان كل حريمه

تقولين عرايس

هذا بالله وش تسمينه

وفاء بلا وفاء

العفو أختي أميره بكلمتي

وتأكدي بأن النيه من الزواج الثاني هي الأساس

هي التي تحكم تصرفات الزوج وتلزمه العدل

وهي التي تحكم تصرفات الزوجه الثانيه وتلزمها بمخافة الله في كلامها والتعامل مع زوجها وشريكتها وابناء زوجها

>>> والإحتكاك الكثير بين زوجات المعدد يولد الغيره والمشاحنات... فيجب الإبتعاد عنه قدر الإمكان>>> هذه هي القاعده في سلامة أسر الرجل المعدد واساس العيش في هدوء وراحة بال..

شوفي اولا من ناحية ان الوالده تطبخ لهم فهي كانت مجبوره عشان ما تزعله

لان زوجته الثانيه موظفه وما يمديها على قولته

وبعد فتره قالت له امي شوف لكم حل انا تعبت ومن حقي ارتاح مثل غيري

هي ما ودها بس حكم القوي ولما كبرنا شوي خلانا انا واختي احيانا واحيانا زوجته ادري انها ماتبي بس وش نسوي

تقولين فرحنا بزواجه الثالث

لا والله لأننا عارفين مو رايح فيها الا احنا مره ثانيه

زوجته الثانيه مستغنيه عنه ومو محتاجته

بقولك الصدق نوعا ما فرحت ان زوجته الثانيه فهمت احاسيسنا اخيرا وعرفت تترجم هي وعيالها شعورنا قبل

جربو الاحساس

رغم اننا ورب الكعبه وقفنا معاها انا وامي واخواني

ووقفنا بوجه ابوي

لأنه قاعد يذنب بأطفاله وزوجته زي ما اذنب فينا

هو مو تشفي ولا انتقام لا بس احساسك انو الطرف الثاني فهمك اخيرا

امي صار عندها تبلد مشاعر

وتقدرين تقولين ربي استجاب دعوتها ومسح ابوي من قلبها للأبد

كان همها يفكها شره وبس

ولا يتزوج لو يبي 10 ما تفرق ولسان حالها يقول

طحت من عيني بعد ما كنت عالي

وحبك ارخصته بعد ما كان غالي

كل شي برضاه منك الا الخيانه

بعدها يحرم على قربك وصالي..

معليش هالابيات احسها تترجم الاحساس بقلب اي انثى محروقه ومكويه بنار الزواج والخيانه