ودنا بالطيب بس الدهر جحاد طيب = كل ما تخلص مع الناس كنك تغشها
يدك لامدت وفاء لاتحرى وش تجيب = كان جاتك سالمه حب يدك وخشها
كل ماشبيت نار المحبه مع حبيب = قام يسحل في مشاهيبها ويرشها
وكل ما واجهت لك فالزمن وجه غريب = مثل ماقال المثل دام تمشي مشها
وذمةٍ ماهيب تندار للحق المصيب = جعل قشاش الحطب لاسرح يقتشها

غيابه يسبب لي هم وكآبه
وبحضوره أملك الكون ابضياه
ودي أعرف سر حبه وأعجابه!
ودي أفسرابحياتي هالحب ومعناه
حبه حلو لاكن فيه غرابه
وأغرب من الغريب قلبي يباه
عايش على ظله ولمحة سرابه
ومستحيل في يوم أبد أنساه

ومادام لك عندي مواثيق وعهود




عهد الغلا مابين غالي وغالـي




اقلط مكانك داخل القلب موجود




وخلك بقلبي شامـخٍ كالجبالـي

فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن..من يواسيها؟
حرام أشوف أفراحي بأقدام الألم تنداس
أداري دمعة هلت ومالي ..غير أداريها!!