ياليت بعض الناس فيني يحسون

وياليت مافي خاطري يعرفونـه

قصيدة
يا شوق عيني لعينك
للشاعرة الجوهرة

الشوق لاح وزاد فالقلب نارك
والعين ترجي شوفتك انت وينك
صبري قضا من لهفتي وإنتظارك
ياغايتي ياشوق عيني لعينك
متى مساري يلتقي مع مسارك
متى يديني تلتقي مع يدينك
نجمة غرامي تنتظر في مدارك
ترسل شعاع الوصل بيني وبينك
ياقلب لو مرك خياله وزارك
قله جروحي كلها تستعينك
تطلب غلاك وشوقها في ديارك
وتحن لعيونك وترجي حنينك
حاصرني بقربك وجود حصارك
وأحظن يميني بالغلا في يمينك
وكان إنتظاري ماشفع له قرارك
إكسر حصار الصمت وأطلق سجينك
لاتحسب إني جيت أبارك وأشارك
جيت أتهمك بما جرالي وأدينك

سهرت ليلك والرجا في نهارك
احتجتك وناديت بس انت وينك؟