صحيح :


قربك قرب وفراقك فراق


والصد ( طعمه مرّ ) .. والشوق جامح ,









أنسى ,


أتناسى ,


أسامح ,


إن شفت ما لاق !


لكن في حدود الكرامه ؟ ما أسامح ,




رغم الغلا ,


وأسمى المشاعر


والأشواق ,


ماعادني لـ / مواصل السير طامح ,





تبعثرت في سكتك كل الاوراق


وكل الصور : ماعاد فيها ( ملامح ) !






أول نهار اقابلك فيه :


مشتاق ,



وأخر نهار أقابلك فيه :


سامح !

اليوم .. جوّي غريب ، وحالتي حالة !


....... ما عاد بِه شي ٍ صرت أشفق على فعله !




و الآدمي لا غزاه الضيق في باله


.......... ما عاد يلقى ولا حاجة بـ / تنفع له




يا إما : يقلّب بـ مسودات جواله


........... و إلا .. يدوّر " مًغني حِزن " يسمع له




و المشكلة .. كلها ما تصلح الحالة


........... هذا نثر سطل قاز ، و ذاك .. ولّع له

راجـع حسابـات قلبـك ، لاتعلقنـي
اما اهمل الحب ولا أخلـص وثابـر !

بعض المشاعـر تقيدنـي وترهقنـي
والمشكله مالي اجر ( المبلي الصابر )

صدق شعورك ، واذا مافاد صدقنـي
مافيه قلبٍ يعـرف الحـب ، ويكابـر