إنت عمري اللي ابتدا بنورك صباحه..

الله لا يحرمني منك يا عسى عمرك طويل
ياللي كل الناس عندي ما يساويها غلاك
والله لو اعطيك عمري كله ما يوفي الجميل
لو ابوفي ما اقدر اوفي ياكثر والله عطاك

يكفي لي جيتك تهلي وتبكي لي جيتك عليل
وتضايق من همومي والحزن من همي جاك
يكفي متحمل قساتي والصبر اكبر دليل
صابر وساكت حياتي ومالي عيوني بوفاك

ادري والله يا حبيبي وقتي لك دايم قليل
حيل انا مقصر ولكن قلبي لحظه مانساك
شنهي الدنيا بدونك وبالبشر مالك مثيل
الله لا يحرمني منك لا ولا يكتب جفاك..

الله اللي يا بعد عمري عطاك

اشرَق بطاريك واتنفس هواك
كل ماتطري على بالي اقول
الله لا يبيّن يا محبوبي غلاك


لو طلبت عيوني ابشر بالعيون

كان.. ما منّت انت قلي من يمون
لو بغيت العمر ما يغلى عليك
كلش لخاطر عيونك يهون


لاحضر الكل عن عيني يغيب

انت وحدك أول وأخر حبيب
مهما غيرك حاولو ما يقدرون
يا حبيبي مالهم فيني نصيب

نظر عاشق إلى محبوبته فآرتعدت فرائصه وغشي عليه، فقيل لحكيم ، ماالذي أصابه؟
فقال : نظر إلى من يحبه فانفرج له قلبه، فتحرك الجسم بانفراج القلب ،
فقيل له:نحن نحب أولادنا وأهلنا ولا يصيبنا ذلك ، فقال تلك محبة العقل وهذه محبة الروح..