لكل اب وأم تفضل واعطنا من خبرتك في اسلوبك مع اطفالك

[الغايبه]

موضووووع حلووو واللله بس خلني امسك خيوووطه علشاان اتواصل

[بخور]

الاطفال ابها الزمن مو اطفال ولا البنت كذلك الله يرحم زمان كنا نسمع الكلام من نظرة الام كنا نخاف منها ماكان في نقاش ولاحوار افعل وانت ساكت اما الحين يمممممه عيال هالوقت يخررررعووووون كفو الامتقوله عيب واسكت لالا لاالحين الطفل اذا بقى شي من السوبر ماركت يطيح بالار ض تشتري لي والا افضحج جدام الناس والمسكينة الام تسمع الكلام وتشتري له عن الفشلة خخخخخ قبل كانت الام تشتري الملابس وكنا نفرح باللبس الجديد اما الحين تقولج ويع شنو هذا واذا كان صغير يقول لا ابي توم جيري مثلا عاد الام فيها خير الحين تقوله غصبن عليك تلبس هذا قبل الام اطرش عيالها جيب لي ماي ووووو لكن الحين يقول اووووه تعبت كل شوي اطرشيني حبيبتي التربيه صااارت صعبة في هالزمن لازم تسايسينهم وتشوفين مطالبهم وتصيرين الام والصديقة والا ممكن الى غيرج طولت عليكم الله يعينا على التربيه وياجرنا عليهم

[نوااارة]

هلابك اخت بخور كلامك صح التطور والتقدم له دور في التربيه

لاكن لو الام عرفت تربي صح وتكون قويه وحاازمه مابضن يوصلون لهذا الشيئ
جهل بعض الامهاا في التربيه مع التقدم والانفتااح يعمل اكثر من كذاا
والله يستر من الجيل الجديد

[برنس الرياض]

بما أنني مشرف تربوي لدي بعض الكلمات “. من أهم مايكتسبه الطفل من خلال النمو الاجتماعي المتوازن. العطاء فمن أخطر مشاكلنا في المنطقه. العربيه ان كلا منا يبحث عن حقوقه ولايفي بواجباته نحو مجتمعه ووطنه نأخذ ولا نعطي وإذا أعطينا فالعطاء. متوازن مع الأخذ وبالقطع لاياتي النمو الاجتماعي إلا بالتعامل مع الغير والتعامل مع الغير أساسه الأخذ والعطاء فعلينا ان ننمي في شعور الأبناء قيمة العطاء فالعطاء مصدر الشعور بالقوه أما الأخذ فإنه أقل. كثيرا من العطاء ولايمكن وصفه بنفس القدر ولا شك ان النضج الاجتماعي يبدأ غرس بذرته الأولى في. البيت وتتعهدها بالرعايه المؤسسه التعليميه ويخطي الآباء خطاء كبير عندما يربون أبنائهم في معزل عن غيرهم ظنا منهم انهم سيصبحون اجتماعيين فيما بعد أو عند الكبر ولكنه ظن خاطئ فستجد نمو الطفل غير. متزن فقد ينمو جسمانيا وذهنيا ولكنه غير ناضج اجتماعيا. غير متعاون وهناك أمور كثيره من الواجب الألمام بها لنعرف كيف نعامل أطفالنا ونربيهم ونعمل على وقايتهم من مشكلات المستقبل. ما حبيت. أطيل. أكثر من كذا والكلام كثير أتمنى قدمت لو جزء بسيط مفيد أتمنى ان يكون أي شخص لديه. كلام مفيد ان يبديه مو شرط يكون متزوج. حبيت أعلق على عنوان الموضوع. فنحن غير متزوجون ولكن بما ان لدينا الشي الذي نرا انه مفيد من الأفضل ان نطررحه للفائده والله يعطيكم ألعافيه

[بخور]

هلا وسهلين اخت نوااااره للاسف الام او الاب الجديين ما يحبونهم العيال ولو مهما ربوهم بيشوفون اشياء واااايد بالمجتمع واذا دينه مايمنعه من المعاصي راح يعمل كل شي من ورا ء امه او ابوه لو مهما علمنا وقلنا يعني ولدك مثلا جدامك خوووش ولد لكن مع الربع الله يستر عليه اللهم احفظهم بعينك التي لا تنام يااارب