معانة زوجه

[ظبي العين]

الصراحه الله يعينج ،، شوفي حبيبتي عندج أكثر من طريقة :

1- تعوضينه من جميع النواحي ،، يعني دلعيه ( باللبس والأكل والكلاااااام .........الخ )

وانتبهي تقعدين تحنين عليه بالاسئلة ،،او تبينين له إنج تعرفين عن الرسايل التليفونية.

2- لا تعورين راااااااسج بالتفكير أو المقارنه بينج وبينهاااااا ال صار صار ,,

3- الدعااااااااااء ..وقيام الليل ،، وإدعي له في كل سجدة ( اللهم أرجعه لي رجعا جميلا ) ، ولا تيئسين والله معااااج


والجمااعه ما قصروا وعلى راسهم الأخ : سيف العدالة ،،


الله ييسر أمرج ويرجعه لج على خيييييييييييير ،، والسمووووحه

(( والصراحه أشكر الإخت سراب الشوق ،، لأنها أرشدتنا نطل على الموضوع )

[ألج ــــرح أرح ــــــم ..!!]

السلام عليكم ورحمة الله وبركاته

اختى العزيزه حاولي تستشفين اي شي ولد عنده هذا التصرف حتى نقدر نساعدك بأي شي

الله يكون في عونك ويصبرك على بلوااك انه سميع بصير

مثل ما قال لك اخوي سيف حاولي تمسكين اي خيط خلاه يتصرف كذا

وبعدها نعطيك طرق عساها تفيد او تحل بعض مشكلتك

[ج ـــلــنار]

السلام عليكم ورحمة الله وبركاته

أختي الغالية والله وانا أقرأ رسالتك حسيت مدى العذاب اللي انتي فيه الله يكون في عونك يارب

المهم أختي انا بأعطيك رأيي بالنسبه لجواله لاعاد تفتحينه أبد

أولآ لقول الله تعالى : (( ولا تجسسوا ولا يغتب بعضكم بعضا )) لأن انتي ماراح تجنين من وراء التجسس غير

تعب القلب والأمراض والهموم ولاراح تستفيدين أي شيء


ثانيآ _كما قال أخوي سيف العدالة عليك بقيام الليل إن شاء الله لو ركعتين وتدعين الله أن يرده لك ردآ جميلآ

وأن يسخره لك فقد قال سبحانه (( أمن يجيب المضطر اذا دعاه ويكشف السؤ ))

وإذا أمكن تروحين للمكتبه الإسلاميه وتشترين شريط يتكلم عن الخيانه الزوجيه واذا صرتوا بتروحون مشوار

يكون طويل شوي حطيه بالمسجل يمكن الله سبحانه يهديه بسببه وحاولي انتي كمان تسمعين لأشرطة

عن فنون تعامل الزوجه مع زوجها وهي كثيره ولكثير من المشايخ مايحضرني أسماءها ألحين وان شاء الله

تستفيدين منها

ثالثآ _ حاولي ماعاد تفتحين له موضوع خيانته وحاولي أنتي بتغيير نفسك سواء أسلوبك أو شكلك


أو أي شيء تتذكرين انه هو مايبغاه ..... فأحيانآ يا أختي ابتعاد الزوج عن زوجته يكون سببه أهمال منها هي

بالنسبه كون انه يقضي الجنس معك وبطريقة ممتعة لك وكمان في اوقات قريبة فهذا يدل على انه انسان

مستحيل يمشي في الحرام وهذا المفروض تحمدين الله علية فهذا دليل انه يرتاح معك من هالناحية

يعني انتي مريحته فيه فحاولي تكونين للامور الأخرى أحسن لأن الزوج يعطيك مثل

مايآخذ منك

والله يوفقك ويرد لك زوجك ردآ جميلآ ويسخره لك يارب .... تمنياتي لك بالتوفيق

[سجااال]

السلام عليكم ورحمة الله وبركاته "

اختي والله مشكلتك يبيلها تروي وحكمه حتى تستطيعي حلها فيه عدة أمور تحتاجي أنك تعمليها حتى تستطيعين أسترجاع زوجك بأمر الله أسمعي والله أنا بقولك من وجهة نظري وأتمنى من الله السداد في الرأي ::

1/ألجئي لله وأستعيني به وأطلبيه أن يرد لك زوجك رداً جميلا ومثل ماقال أخوي سيف العداله قيام الليل هو حل كثير من المشاكل واطرقي باب الديان يمكن أنتي في غفله أو تقصير وأكثري من الأستغفار فو الله اسأليني عنه يشهد عليه الله وانا اشكره على جميع نعمه كل الي تمنيته ودعيته في حياتي حققه لي وبالأستغفار خير كثير .فخير بدايه هالبدايه..
2/بعدين أتجهي لنفسك شوفي وش ناقصك يمكن في أشياء فيك تحتاج ألى أصلاح وتعديل مافي احد كامل
لابد من النقصان ولكن بالمتابعه يتحسن الشئ غيري روتينك اليومي جددي ولاتقولين انا كبرت مافيني شده على الحركات بالعكس يمكن زوجك لقى أشياء عند الي يكلمها مالقاها عندك فأنتي حاولي تستشفي من كلامه
وش الي يشده وحاولي تفتحين مواضيع تشوفين أنه ينشد لها كثير وتناقشينه فيها تعرفين متى في وقت اللقاء الحميم بينكم يكون في هاللحظات معاك بكل مشاعره أستدرجيه بالكلام وخلي هاللحظات تطول حتى تقدرين تعرفين وش المشكله الي يعانيها هو ومخليته يتجه لأخرى بدون ماتكوني جديه جيبيها بنباهتك وبين الدلع والكلام اللين بيقول حاولي وبرجع أقولك الحركات الشبابيه مرره الي تحسين أنك كبيره عليها حاولي تسويها ترى الرجل مثل الطفل الصغير تقدرين تحتوينه بالحب والحنان والحركات اللي فيها دلع وغنج ولو طلب منك أي شي منها لاتقولي عيب أنت كبير على هالحركات ترى مافي هالكلام لابد من أنك تلبين له ؟!شوفي أنتي وش تفتقدين وسويه ميك اب ملابس عطورات الغرفه لابد تكون جنته اللي يلجأ لها كل لحظه مو كل ليله بس
جددي وترا المنتدى مليان نصائح وأفكار من هالقابيل تصفحيه مظبوط وبتلاقي كل اللي تحتاجينه ويساعدك في بدايه جديده
3/استعملي الطريقه الي زوجك يستعملها الهاتف ثم الهاتف بدال ماهي تشغله أنتي أشغليه أبحثي عن الرسائل الرومنسيه الجميله دوري وطلعيها راسليه بكل وقت تقدرين فيه لما يكون في الدوام ولما يكون طالع مع أصحابه ولا معزوم مكان ولا مسافر لاتعطينها فرصه نطي له كل شوي ولو تكلمينه أحسن بأي حجه ولكن مو طلبات البيت ولا طلباتك حاولي تكوني رومنسيه حتى لو أستغرب لاتتراجعين بالعكس حاولي تزيدي أكثر

4/لاتتركي اليأس يدخل نفسك ويهزمها وفكرة الدكتورالنفسي فكره جيده يمكن يساعدك في حل المشكله

5/الأولاد لابد أن يكون لهم دور لو كانوا كبار فحاولي انتي وأولادك تتواجدون دائماً حوله ولكن لاتجيبين مشاكلهم
وتقولي حلها حاولي انتي تحليها واللي يحتاج وجوده فلا بأس .
6/لاتحاولين تناقشينه في موضوع اللي يكلمها طنشي أعتبريها غير موجوده لاتقولين الغيره تقتلني ماأتحمل لو تبين زوجك يرد لك حاولي ولاتيأسي في هالنقطه يبيلك صبر كبـــــــــــــــــــــــــير مرررررررررره راح يستغرب منك بس لاتفكري تتكلمي عنها أو تقارنين بينك وبينها قدامه نهائي لأنك راح تخربي كل الي ممكن تسويه هو راح يستغرب وبيفكر بينه وبين نفسه ليه أنتي ماتسألينه ولاتناقشينه فيها حاولي تبيني أنك واثقه فيه ولاتبيني ألم وجرح خيانته ولاتعاتبينه ألا لاارجع لك بالكامل وعتاب مو محاسبه واتمنى من الله أنه يساعدك ويهون عليك ويرد لك زوجك من أحسن مايكون وأدعي هالدعاء الي سمعت أحد الأخوات دائماً تدعيه ختى تخف نار الغيره((اللهم أجعل غيرتي بردأً ووسلاما كما جعلت النار على ابراهيم برداً وسلاما ))آمين واطلب من الله السداد على ماكتبت واتمنى اني قدرت أساعدك بشي ولو بسيط ترا كل الأمر بيدك أنتي فأنظري ماسوف تفعلين والله ولي التوفيق :cupidarrow:
ولاتيأسي من روح الله

[♡ sαяσиα]

[align=center]
جمووووووووونه..
قبل اي شي اقوله..اكثري من الاستغفااااار..
بنية رجوع زوجك لك ..


الله يصلح لك زوجك وربي اني منقهره عليك ماتتصورين قد ايش..

اعرف صديقاتي لي ازواجهم خونه..
اول شي يطري على بالهم الانتقام..وانهم يسون مثل ازواجهم..
فانا انصح لايجي هالتفكير بعرق من عروقك..
وخلي الله دايم قدام عينك..

بالنسبة لزوجك..
مو ناقصه شي..
هو الناقص..واسمحيلي..بس مافي شي يخليه يخون
لا ويمارس معها الجنس..
اول شي تسوينه تاخذين رقم هالحقيره وتبلغين عنه انه مزعج....
وارسلي لها رساله ادعي عليها من قلبك..

الله لايوقفها ولا يسامحها لادنيا ولا اخره..
الله يسلط عليها مرض ماتقوم منه...
ومثل ما خربت عليك حياتك الله لايهنيها حتى الهواء اللي تتنفسه

بالنسبه لزوجك..
يااااااااليتك ما واجهتيه..كان افضل..
لانه مادام عرف ان عندك خبر راح يتمادى اكثر..

قبل اي كلمه تقولينها..
قوليله يافلان كما تدين تدان..
هو يعتبر زنى..
وهو دين قوليله توب قبل ربي يبلاك فيني ولا باحد من عيالك ولا اهلك..
ربي هو طريقك لحل مشكلتك معها..
كرريها دايم عليه..خوفيه من عقاب الله
قوليله انا سلمت امري لله وحسبي الله ونعم الوكيل...عليك وعلى بنت الشوارع اللي
فضلتها علي..
مع اني اولى بمشاعرك وحبك..من انك تعطيه انسانه سافله تضحك عليك..
وتجرك وراها ....

شوفي بجد اعصابي ماتتحمل هالمواضيع...
من كثر ما اشوف واسمع..
قسم بالله بموت ..
يعني شلون الواحد يتساهل بالحرام لهالدرجه...
مايفكر ان الدنيا دواره...


حسسيه بالذنب من ناحيتك..
وصمتك اللي انتي فيه خليك عليه..
وكل ماشفتيه احتقريه..وتحسبي الله عليه...
لا تناقشينه ابد..
خليه..مصيره يرجع يبوس رجلك..

وبذمتك..طمنيني عليك..
واي خدمه وربي انا بساعدك..
على الخاص او العام..

الله يريح قلبك..يااااااارب
[/align]