صديقتي وخطيبها واهلها ... عطوني رايكم

[سكرتيرة]

البنت الحين مسكينه متوهقه واخوانها شوفي ماينزلوها السوق تقضي جهازها

غير امها ماتخليها تكلم زوجها يعني البنت مسكينه لامتها المشاكل

خلاص سيبيها فترة لين هي تهدى نفسيتها

لاتنسيها من ايميلات الصداقه والادعيه

بس اشوف انك ماتكلميها اذا امها ماتبي

تواصلي بس مسجات وبالمسن

اذا بدت هي تحكي معك بالمسن والا خشي انتي سلمي كيفك شخبارك وشعلومك اذا شفتيها ماتسولف اسكتي ,,

وطمنينا ,,

[دلوعةخطيبها]

هم الحمدلله عندهم خير ومهرها يكفيها وزود وأبوها مايقصر معها ابد بس ماعندهم ذوق مره وسالفة الفندق فرق التكلفه ألف ريال بس وأمها مامانعت يوم عرفت السعر بالعكس انبسطت لان بالبيت بيصير حوسه بالذات ان شغالتهم انحاشت
بس تدرون أمها شنو قالت لي قبل الحفله بأسبوع؟
قالت لي أبيك توقفين عند الباب تقهوين ضيوفي لان تدرين انا ماعندي شغاله فقلت
ماعندي الا انتي طبعا اهانة لي بس ماحبيت أردها
وكلمت صديقتي قلت لها الحركه مو حلوه
لان في قهوه وشاي ع الطاولات واذا عاجتها الحركه جيبوا قهوجيات انا ماما اذا شافتني كني قهوجية بتشوتني ع البيت على طول انتي اقنعيها وقولي لها مو لازم سالفة القهوة هاذي
من جد بهالوقت خيرا تعمل شرا تلقى

[دلوعةخطيبها]

بالنسبه للاخت الي سألت ادا انا مخطوبه
اي مخطوبه بس باقي ماملكت مجرد كلام
طبعا احنا الحين صرنا نكلم بعض ع المسن بس
الغريب ان في عرس اختها ساعدت صديقتي بكل شي وطلعت هي أحسن خواتها حتى اختها نصحتها بالمشغل
وما سمعت كلامي وندمت وأمها انبسطت مني مره وشكرتني
والحين بملكة صديقتي ماخلت كلمة ماقالتها عني

[غنج~]

يآغلاي ..

اتوقع انها ربطة كلام امها وطلبك منها انها تدعي الله الخيره
وقالت انك تبينها تتطلق
اتمنى منك تاخذين الحذر لانها بهالوقت طايره شوي بخطيبها
فأي كلمه منك بتفهمها غلط مهما كان قصدك ونيتك
حاولي تسايرينها واسمعي منها فقط وشاركيها بشي الي مايمس علاقتها بخطيبها
والا انتي كلامك سليم 100% ووقفتك معها مايوقفها احد
ربي يوفقك ويعطيك على نياتك
:)

[دلوعةخطيبها]

مشكورات ياحلوات ماقصرتوا والله يريحكم مثل ماريحتوني ويثلج قلوبكم كفيتو ووفيتو
صحيح طلعت ملقوفة
بس انا ماحبيت اني ماأساعدها وبكرا اذا ملكت تشوف الفرق بين حفلتي وحفلتها وتقول اني غيرانة لانها انخطبت قبلي عشان كذا ساعدتها غير كذا انا أحب لها مثل ماأحب لنفسي فشي طبيعي اني اقولها نفس الي بسويه لنفسي عجبتها سوته ماعجبها كيفها أهم شي التقصير مايجي مني
وبعدين انا أول مادخلت الفندق وشفت نظرات الحقد في عيون أمها مارقصت الا لما انزفت صديقتي وتخيلوا وانا أرقص معها ويدها بيدي جت أختها الكبيره سحبت يدها من يدي وجلستها ولما انتهت الأغنية جلست جنبها ع الكرسي جت اختها تقول لي خير انشاالله ليه قاعده هنا قومي
والله أدري اني أشغلت بالكم بمشكلتي وبصراحه ماقصرتوا أبد
وانا كان سؤالي هل مشورتي لها والدعاء الي قلته لها فيه غلط؟
انا عارفه نيتي بس حبيت أتأكد منكم والحمدلله على كل حال والله يعطي كل وحده منا على قد نيتها
والله يحفظكم