مرحبا أخوي زهران ..
انا متابعة مشكلتك من البداية وإن كنت ما رديت في موضوعك الاول لكني مهتمة ومتابعة ...
جاني احساس ان ابو البنت أو اهلها عموما واقفين ضدك قدام بنتهم بدليل ان ابوها وصل لبنته كلام غير اللي صار بينكم وبدال ما يصلح بينكم ويهدي اموركم قام يزيدها الله يهديه ..
أنا رأيي تصر باي شكل تكلمك زوجتك وتتفاهم معاها بهدوء ...وشوف شروطها اش هي وانت من هالشروط بتفهم لو هي تبيك فعلا وإلا تدور على أعذار عشان لا ترجع ...
الزوجة اللي تحب زوجها اعتقد ان المفروض تجي تقول يا زوجي حبيبي مضايقني فيك كذا وكذا وكذا لو كانت مثل مشاكلك مع زوجتك ..( اشياء عادية تصير بأغلب البيوت )
ربي يهديها ويصلحها ويكتب لكم مافيه خير ...
عذراً على الإطالة ..
تقبل تحياتي ..

الحمد لله إنك خشيتي

لأني والله على جمر إلين تخشين أنتي وباقي الأخوات المعروفات


أختي فراشه

والله العظيم إني من البارح وأنا جالس أفكر مانمت جالس أفكر

هل أنا غلطت فعلا على عمي

والله ثم والله ماغلطت عليه

طيب هي لها إسبوعين تقول برجع لكن كل ماكلمت أحاول أني أرجعها

لكن أحصل كلام غير الأول منهم وكل مره يطلعون كلام غير شكل

آخر مره سمعتها من عمي يقول إني حرقتها بالنار وإنها ترمي الزباله هي وهي اللي تشيل الإسطاونه حقت الغاز


ويوم الأربعاء يقولون إن أمي الله يخليها لي ضربتها

أقسم بالله ثم أقسم بالله ثم أقسم بالله إن الوالده مريضه من الروماتيزم

وأقسم بالله إنها تتمنى تشيل فنجال القهوه عشان تتقهوى ولا تقدر

وتجلس تبكي من حالها

فما بالكم إنها تضربها

حسبي الله ونعم الوكيل



أخواتي أقسم بالذي لا يحلف بغيره سبحانه

أنا وزوجة الوالد طلعنا بإستنتاج واحد لا غير

إن زوجتي ماتدري عن الكلام اللي جالسين يقولونه أهلها

لأن زوجة الوالد تقول إن زوجتي تقول في مكالمتها الأخيره

بعد ماقالت لها زوجة الوالد إن أبوك يقول إنك تقولين إن زوجك حرقك بالنار

زوجتي تقول والله ثم والله واللي يفقدني عيالي ماقلتها

يعني فيه كلام يقولونه على لسان زوجتي وهي ماتدري



طيب أنا وش أسوي في ذي الحاله


زوجتي تقول والله ودي أرجع بأي طريقه

وأنا أبيها ترجع بأي طريقه



أعطوني وش الحل


أشتكي في المحكمه ؟؟


ما أظن إنه أسلوب ولا ينفع لأن زوجتي ماعاد تبيني وقتها إذا أشتكيت أهلها




أسئلكم بالله الذي لا إله غيره أعطوني حل



أنا داخل على الله ثم عليكم شوفولي حل


أنا والله ثم والله ثم والله إن الهم أكلني والتفكير شيب فيني


والله عملي ماصرت أركز فيه من كثر التفكير


شوفوا لي حل انا دخيل الله ثم دخيلكم




حسبي الله ونعم الوكيل

حسبي الله ونعم الوكيل

حسبي الله ونعم الوكيل

انت شوف الشروط وساير الامور وربي لوتتزوج ثانيه لتفتح على نفسك باب مشاكل انت في غنى عنه تفكر بتحلها ونت بتعقدها وتزيد الفجوه بينكم انا مابيك تخضع لكن انت الكبير وقبل كل شي اكثر الاستفغار وباذن الله يطيح الحطب ولايكون انت دايس لها على طرف اكيد ماطلبت الشروط الا فيه شي معزز موقفها والله يكتب لك الي فيه الخير والصالح

وربي قبل لاتقول استنتاجك انت وزوجه الوالد كنت حاسه ان الحرمه مالها ذنب احس الشايب العايب هو الي ينقل كلام للبنت يبيها تترك بس لا والف لا البنت شاريتك لاتبيعها مهما كان ولاتشتكي اخذزوجتك وراسك طويل وماعليك من احد ليش تخلي واسطات بينك وبين زوجتك اتصل عليها مباشره وقلها كل الي بخاطرك لاتشتكي ولاتشين العلاقات مهما كان خوال عيالك والحرمه ماراح ترضى على ابوها لكن فهمها ون مافهمت حيل الله اقوى

حياك الله اختي توفي


والله ماقد دست على طرف لها بالعكس انا أحبها وأحترمها

ولا أرضى على نفسي إني أغلط عليها مهما كان حجم الخطأ اللي حاصل منها

لكن هي إنسانه حساسه وبزياده ماتبيني أزعل ولا أتكلم إذا شفت الغلط

وأنا ما أقدر بصراحه أشوف الغلط وأسكت عنه

لكن الله يعين



أبوها والله ثم والله ما أعتبته الا في مقام الوالد

ولا أرضى إنه يغلط علي مهما حصل من خلاف لأني رجل ولا أرضى أحد

يدوس على كرامتي مهما حصل

البنت في أمور كثيره تقدر تسويها أقل الأمور إنها تتكلم مع واحد عاقل من أهلها

خالها أو خالتها أي واحد

وتخليهم يجبرون أهلها بأنها تبي ترجع مهما كانت النتائج

لكن عزة النفس و وسوسة الشيطان لها ولأهلها جالسين يماطلون

ويطلعون كلام غير الأول



الحين أنا سئلتكم بالله أعطوني حل


لأني والله من كثر ما أفكر صدعت

جاني الهم جاني الغم كل ما جيت أبغى أنام شوي أشوف عيالي كأنهم قدامي

أو كأني أسمع صوتهم في البيت

إلى حد إن شعري راسي طلع فيه الشيب والله حتى شعر صدري بدأ فيه الشيب

من كثر التفكير والهموم

أقسم بالله إني أروح لأهلي في الرياض وأشوف عيال أخواني

وأروح أمسك لي زاويه أبكي على عيالي



أسئلكم بالله وش ذنبي يعذبوني بعيالي




أسئل الله العلي القدير أن ينتقم لي ممن كان السبب