لا اريد ان اخسره

[♡ sαяσиα]

الله يستر عليك يا بنت الحلال..

مشكله ان الزواج اللي مفروض يكون ارقى واسمى علاقه..
صار بهالطريقه..
يعني..كل من تعرفت على شخص تزوجته..!!
انتي كذبتي عليه..بشي مهم..
وما تدرين هو وش مخبي عليك..
العلاقه من البدايه مبنيه على الغش والخداع..
الصراحه سيدالموقف حاليا..
لان الزواج مسئوليه..واحترام..وصدق..واخر شي يجي الحب..


انا ما ادري اذا اهلك عادي وانتوا عادي عندكم العلاقات..
او ايش بيكون موقفه اذا جاء يخطب..
يعني بيقول انا صديق بنتكم من فتره؟؟

فكري مليووون مره قبل تاخذين اي قرار..
ولا تضمنين اي احد بالدنيا..

اشوف علاقة غلط..ويمكن تجر لك مشاكل..
لا يعميك الحب او بالاصح الفراغ اللي عايشته..

الله ييسرلك ياختي..

[الحصنيه]

غاليتي

رايي ان مابني على خطأ فهو خطأ ..

زي ماقالولك الاخوان والاخوات عليك انك تصارحينه اولا

راجعي نفسك غاليتي وتخيلي حياتك بعد الزواج منه كيف بتكون ؟؟

هذا رايي واتمنى ماكون قسيت عليك ..بس هذا مجتمنا وانتي ادرى

[قمريوسف]

تبين رايي اقطعي علا قتك بها الشاب انتي اعترفتي وقلتي كذبتي عليه ،،
الله العالم هو وش مخبي لك ..وبعدين وش يقول لاهلك لا جا وخطبك وهم مايعرفونه وهم مايعرفونه ... هاذي نصيحه من قلب محب واتمنى ماتزعلين من صراحتي الله يقدم لك اللي فيه الخير

[بخور]

فعلا اذا هو كان يريدك لن يتخلى عنك بس عادي مثل ما قالو اللي قبلي لازم يعرف انتي من بنته واسم عايلتك وانك خفتي من البداية انو يكون وهم مو حقيقة لكن بعد ما عرفتيه بلغيه دام راح يكون فيها خطبة وفقك الله

[smaaaa]

قوليله الحقيقه واذا شاريك راح يفهمك ويعذرك واذا موشاريك فهو بيفرح بكذبك عليه عشان يخليك ويدور غير لاتزعلين بس هذا واقع لازم تفكري فيه عشان لو صار ماتنصدمين والله يستر عليك