لا تجرح خدودك ترى الدمع يجرح
ان ما جرح خدك جرح قلب مغليك
ما للبكا في عينك اليوم مطرح
قلّي وانا ابكي عنك يا عل ما ابكيك
ما احتاج اقول لك انت واعيد واشرح
ان الغلا يا اول غلا هايمٍ فيك
وشلون يبرح قلّي اشلون يبرح
حب تمكن في خفوقٍ يباريك
الخافق الي فيك بالحب يسرح
كنّه سفينه من بحرك لموانيك
يحب..يهوى..يعشق..الق لب مسرح
لحبك عسى قلبي مع الروح يفديك
واعرف تراني فيك اضيق وبك افرح
وازعل على شانك وازعّلك وارضيك
بس انتبه للدمع لا سال يجرح
قلبٍ يضمّك مابه احدٍ يسا ويك..
ما قدرت أختار بيت واحد.....الله تخطت كلماتك هذه كل الإبداع ....وو كأنك عبرت بها عن شي بداخلي عرفت أنت انك توصفه وتعبر عنه ....شي جميل جدا ...حسيت بالراحة يوم قريتها...
شاكرة لك أخوي إبداعك المتواصل...
تقبل تحياتي...
العرض العادي
