نخيتكم لا تخلوني حيران

[فتى زهران]

رجوعها عن قناعه..ولا مغصووبه..؟؟
وعندي فضول اعرف وش صاار..اذا ممكن..

والله أختي الكريمه رجعتها كانت قناعه ومو قناعه

يعني وش اقول ما ادري

لكن دخل فيها احد المصلحين في الديره وحكموا علي

مبلغ 5000 ريال رضاوه لها مع إني ماسويت لها شي

لكن كلها لأجل أولادي دفعتها والله



لا ما عليها خلااف ان شاااء الله..
ومو لازم تروح كل خميس وجمعه,,اذا مره خاايف عليهم..
يعني كل شهر شهرين..معقوول..

أنا أروح الرياض كل شهر تقريبا مو كل اسبوع





اخووي...معليش بس ليش تخااف ما يرجعونها؟؟
وهي توها رااجعه؟؟!!!
والله ياا بن الحلال حيرتني معااك..
عيشتك بهذا الشكل..مو صح ابد..
لازم تكون لك كلمة ببيتك وعلى اهلك....
خيير يعني تهددك انها بترجع مثلا او بياخذونها..؟؟
سلامات عايشه بالاسر هي ولا مع زوجها..
وش ذا الاعماام وذا العااايله.....؟؟
وانت قبل ما ترجع كنت تدعي انها ترجع لك..؟؟
والحين تشتكي منها....!!!

معليش اخووي تحملني شووي بس بجد صرت احس
العيب فيك مو بزوجتك..

أختي الكريمه فيه مثل يقول اللي ينقرص من الحيه يخاف من اللي

الكلمه دائما تنكس في بيتي والله بعض الأحيان الشيطان يقول لي طلقها

لكن امسك نفسي واتغاضا عن حاجات كثييييييييير

العايله هذي أنا احترت معاهم فما بالك بغيري

وصحيح اني كنت ادعي انها ترجع والى الآن اقول الله يهديها

لكن ما احس اني عايش مع حرمه أحس اني عايش مع رجال ثاني بالبيت

واذا العيب فيني قولي لي في ايش

لأن بصراحه طفح الكيل عندي والله ماعاد لا ابغى عيال ولا حرمه دام الحياه كذا



لكم احترامي

[فتى زهران]

انا مع كلام اختي اميره الله يسعدهااا وصح لسانهاااااا

حياكم الله جميعا


يا اخي انا والله العظيم من كثر ما اشوف مشاكلك بالمنتدى واشوف معاناتك... وربي انو قلبي يوجعني ....... << شلون اصحاب المشكله ...

صبر جميل والله المستعان

ياخي خلاص تنازل وضحي وعيش سعيد باللي تقدر عليه ..<< ولا تدقق ولا تتعب نفسك ومشي حياتكم ..

أنا خاصة بعد مارجعت ماصرت ادقق عشان هذا الشي امشي حياتي الين الله يفرجها

وزوجتك اذا شدت الحبل من جهه انت هووون من جهه ثانيه علشان لا ينقطع الحبل وتخسرون حياتكم وحياة اطفالكم ...

وهذا اللي اسويه والله

وتذكر انه كل مشكله بتكبرهااااا بتكبر .... ولو صغرتهاااا بتصغر بعد


فكر زين .... واستخير الله ..
واحنى للحين من عام 2008 من بدايه طرحك لمشاكلك ....
ماسمعنااااا الطرف الثاني علشان نحكم عليهااا مثل ماااتقول انت ....
ممكن حتى هي عندهااا مشاكل منك وتتضايق منك ....
<< الا اكيد .. بعد لانو مافي حرمه تسوي كذا شبعه بطره ....

كلامك صحيح ولكن يعلم الله وهو خير الشاهدين إن ماعلي أي شي

إلا إذا إنها بتختلق شي من نفسها هذا موضوع آخر

من ناحية شبعه وبطره فقد سوتها في المشكله الأخيره اللي راحت لبيت

أهلها ، مافيه ولا شي صاير ومسكت معاها تروح لبيت اهلها

ما ادري انا اسميه تخلف أو سموه انتم ماشئتوا


الله يصلح الحال ويسعدكم ...
انتبه لبيتك .. وخليك محافظ عليه ....

الله يكتب لنا مافيه الخير وهذا ما احاول جاهدا فعله


وتحياتي /
ورد الحربي


مرحبا بك أخي ورد الحربي

[فتى زهران]

هلا فيك فتى زهران

حياك الله اختي الفاضله

بالنسبه للشق الاول من السؤال .. اذا كانت روحتك للرياض بس خميس وجمعه

فماله داعي تآخذ زوجتك معاك .. لأن كلها يومين وان شاء الله مابيصير فيهم الا الخير

طيب هذا اللي صار مره من المرات لكن لو تعرفين وش قالت لي وانا خارج

رفعت صوتها وتقول والله لعلم أبوي على اللي تسويه ذا ؟؟؟؟؟

انت وفر لهم احتياجاتهم وأكيد عندك جيران والا أصحاب طيبين وصهم عليهم لو صار ظرف لاقدر الله وخلاص انتهت المشكله ..

وهذا ما اقوم بفعله يعلم الله


بالنسبه للعيد فمادام والدك محرم عليها تدخل بيته وانت خايف من اهلها فماله داعي تروحون لاعند أهلك و لاعند اهلها عيدوا هالمره ببيتكم ورزقكم على الله مو لازم هالعذاب دام فيها مشاكل وتعب

والله صعبه يا أختي الكريمه لأن أنا ماهمني أي واحد من العائله كثر ماتهمني

أمي الله يخليها ويسعدها ياااارب

فسعادتها عندي ورضاها علي عن الدنيا كلها


وانت انتظر فتره لين النفوس تهدأ والمشاكل تنسي شوي وبعدها كلم والدك واشرح له ظروفك وحاول تستعطفه واطلب منه انه يكفر عن يمينه أو انك انت تكفر عنه وكلها 100 ريال وارتاح من هالهم .

مستحيييييييييييل الوالد يوافق اصلا لو ايش ما يكون

والوالد عارف كل ضروفي ولكن لو اكتب موضوع عن هذا الشي لما كفته

عشر مجلدات خليني ساكت بس



بالنسبه للشق الثاني :
انا مستغربه ليه تصوم الخميس وهي مو قايمه بواجباتها .!! الله يهديها ياارب
أخوي انت لازم تفهم زوجتك انو اذا كان صيامها تنفل وانت مو راضي فهو لايجوزانا ما أقولك امنعها عن الخير لأ .. حاشالله لكن اذا كانت بتهمل زوجها وبيتها وواجباتها فماله داعي تصوم لانها
بتأثم في تقصيرها والله سبحانه وتعالى يعطي على النيات مثل مايعطي على العمل .

بصراحه وبكل امانه هي قالت لي بتصوم فقلت مافيه مشكله ماني حارمها

الأجر ، لكن تندمت لما قمت اليوم الثاني لأني صحيت من الساعه 9 وهي

ما صحيت الا على اذان الظهر ويوم قلت لها تقول انا صايمه ولا نمت الا الساعه

6 ونص ، فقهرتني والله حسبي الله ونعم الوكيل بس




الله يصلح حالكم ويعينك يااارب

آآآآآآآآآمين

[الهاوِي]

أتمنى منك أخي الكريم أن تجلس معها جلسة مصارحة تضع فيها النقاط على الحروف ،وتحدثها بأن حياتك معها لاتعجبك وأنها يجب أن تغيّر من طباعها وسلوكها تجاهك حتى تستمر المودة والمحبة بينكما ،أما سكوتك ورضاك بهذه الحال سيجعلك تعيش بقية حياتك معها وأنت حزين حائر ثائر ،لأنك ترى منها ماترى من تصرفات لاتعجبك ،وفكن شجاعا حازما واجلس معها وقل لها مافي خاطرك وطالبها بتنفيذ ماتريد بالتي هي أحسن ،وعليك بالدعاء بصلاح الحال .

[( أبو مشعل )]

أسألك بالله ان تحبها وفيه ما يشفع لها

كن صادق مع نفسك أولاً

أن كنت تحبها وفيه ما يشفع فاصبر وأنا حاس إن عندك خلل

إذا مافيه ما يشفع

تزوج الثانية وراح تتعدل الأمور إن أرادة و إن كانت حريصة على عيالها وبيتها

أما إن كانت غير حريصة فسوف تطلب الطلاق وهو أخر الحلول

ونحن هنا لم نسمع الطرف الثاني

فتش عن نفسك

هل أنت عزلنجي ؟ ارجو منك اخوي ابو مشعل الاحترام والرد على الموضوع وليس الشخص
ذيب نجد
هل تتأخر في البيت ؟
هل انت ما تقدرها أمام أهلك واهلها ؟
هل بعض طلباتها ما تلبيها ؟
هل جرحتها أمام أخواتك ؟
هل تخصص لها يوم طلعة عشاء وألعاب في الأسبوع ؟
هل تخصص لها مصروف شهري ؟
هل هي ماسكه عليك شيء أو موقف وتخاف تفضحك ؟

لكن ما أقول إلا عسى الله يصلح مابينكم ويجعلكم أسعد زوجين ويسعد جميع المتزوجين والمتزوجات .