ساعدوني بحل الله يجزاكم ااجنه

[ميمي التميمي]

لاحول ولاقوة الا بالله .

اختي الله يهدي زوجك ويصلح حاله ويهدي بالك .

عزيزتي :: لا تستغربي كلامي او تتضايقي لا ..حاولي تفهميني :

انتي وش اللي خلاك تقولي يخوون غير انك من النوع اللي يفتش ويدور ..

ياقلبي اتركييه ومثل ما قالت الغلا جوجو مصيره لك يعني اللي يكلمها احسن منك لا بل هو في قراره نفسه يحتقرها ..

اذا بتسمعي نصيحتي ::

عليك بالدعاء له في هذه الأيام المباركه ادعي له من قلب انه يعصمه من كل ما يغضب الله ..

اكثري من الإستغفار وسهام الليل عليك بها ..

اختي الغاليه والله اني صادقه في الحياه الزوجيه يا حلو التغابي نعم ترتاحي وتريحي ..

مو كل مكالمه او رساله تخليني اغضب واعصب واقووول اكيد من وحده لا ياعمري كذا بتتعبين واعصابك تكون متوتره طووول الوقت وهو بيمل ويزهق ويلقى عندها

الراحه ..

حبيبتي خليك عاديه ومو مهتمه واتركي عنك مراقبته وكوني واثقه من نفسك ..

اهتمي بنفسك وبيتك وزوجك وشوفي وش اللي ناقص عندك يمكن فيه شي انتي ما تعرفيه .

يدوره عند غيرك فيه بعض الزوجات تغفل جانب مهم وهو الكلمه الحلوه والإستقبال الحلو عند دخول الزوج وخرووجه من المنزل .

فيه امور كثيره مع الوقت تهملها الزوجه بس الزوج يحتاجها اكثر الزوج مثل الطفل الصغير يحتاج للرعايه والأهتمام الداااائم .

ربي يوفقك ويسخركم لبعض ويهديكم لما يحبه ويرضاه لاتزعلين مني ياقلبي انا اختك ونصحتك من قلب واي شي تحتاجيه عيوني لك .

[نجمةالفجر]

حبيبتي في رجال هذا الشي فيهم طبع
وأحسن شي تطنشيه وتبينين إنك ما تغارين منها
وخذي رقمها واتصلي لها من تلفون عام وكلميها عشان تنصحيها

[ادوي قلبي المجروح]

بصراحه ماقول غير الله يعينك

شوفي ياقلبي من كلامك واضح انك ماقصرتي معه بشي

فالله يخليك اهم شي ثقتك بنفسك لاتهتز وتقولين طيب وش الي اسويه علشان مايروح لها وانا معطيته كل شي

هذا نوع من الرجال مايملا عينه غير التراب وانتم بكرامه وسامحيني على هالكلام انتي قايمه بواجباتك كلها ومومقصره

خلاص طنشيه ولاتحسين بالنقص لان انتي الطاهره وهي النجسه انتي مرضيه ربك وهي مغضبته فحاولي تهدين نفسك بهالشي

انتي افضل اطهر منه ومنها فلاتضيقين صدرك ولا تنبشين وراه والله بتتعبين طنشيه وعيشي حياتك وانا اختك

خليك قايمه بواجباتك كلها وكثري من الدعاء واستغلي هالايام والله يسخره لك يارب ولايشوف غيرك

وماعليك منه اكثر البيوت كذا والله يهدي رجال المسلمات يارب ويعينك يالغاليه

[ريشه خضراء]

وردة الوادي متأكده وإلا شاكه
وفي كلا الحالتين انصحيه وعوضيه وحبيييييه وووومدري
لاكن لاتتسرعين بشي وتندمين
ساااااعديه قد ماتقدرين وادعي له بالهدايه
وربي يوفقكم ويسعدكم ويارب مايحب غيرك
اللهم سخرها له وسخره لها

[ورده الوادى]

الله يعطيكم العافيه ويجزاكم كل خير