&~ أحبك ّّ يابعد كل القصائد والحكي والبووح ّّ ~&

[** احساس ** عاشــق**]

أنا معك .. هذا المهم .. أنا معك
لا صرت أشوفك وأسمعك ..
باكر متى صار الألم .. ليل وبعاد
اتذكرك فوق الدموع / كثر السهاد :-
وجهٍ أحبه .. وأبتسم .. : )
هذا المهم ..!
هذا المهم ..!

[** احساس ** عاشــق**]

المشلكة ماهي حناياي والجوف

ولا هي بحزني وابتسامة جبيني..

/

المشكلة وين ما ألد بالشوف..!!

ألقاك في كل الأماكن ..

تجيني

[** احساس ** عاشــق**]

انا لو لا مداهيل الغلا .. ما جيت ذاك الدرب
ولا كحّلت عيني من بقايا .. اول علاقتنا

لكن جيت اتمشّى .. لين شفت اطلالنا عن قرب
وجاوبت الهبوب اللي تسولف .. عن حماقتنا

متى صار العتب بين القلوب .. اعلان حالة حرب
ومتى عشنا كذا .. وادنات شي يسد فاقتنا

تفاهمنا على مبدا المحبه .. والكلام الذرب
وضيّعتي الكلام الذرب .. وانهيتي محبتنا !

[** احساس ** عاشــق**]

وآدعتها من شان اريّح .. ولا ارتحت!
واقْفت .. وعيني دمعها اللي فضحها
حاولت اوقّف وقفة الصامل .. وطحت
حتى الشموخ يقول: طيحتك .. طحها
منت اول اللي دنق بنظرته .. تحت
متذكّرٍ له .. لمحةٍ .. قد لمحها
قلت البلا اني من هوى البنت .. قد صحت
قدام احس بذنب جرحٍ .. جرحها
عشقتها والعشق من بيننا .. بحت
ماهيب جره .. من وطاها مسحها
كلٍ يقول اني تغيّرت .. واصبحت
قصة غرامٍ .. ذمها من مدحها

[لكن]

عندي ثقه فيني وفيها .. بعد رحت
اما ذبحني الشوق .. والا ذبحها !

~

[** احساس ** عاشــق**]

يالرياض شوفي حزينك ضاق بهمومه
وفاض إرسمي الفرحه بعينه
يرحم أمك يالرياض