انا وشلون أبتغلى وكل اللي معي يفداك
وأنا وشلون أناديلك ومثل الروح تسكني

وصفتك للخيال .. وفز من طوله يبي لقياك
وترى عن وصف باهر وصوفك عجز فني

حبيبي وين أدورلك شبيه بس في طرياك
وأنا ياوين ألقى لك كلام بك يجملني

أبسكت دام كل اللي بقوله فز وجاك
تصور هالكلام اشلون من حبك هرب مني

رحمت البدر بوجودك
حشا ماهوب متهني

تصدق ... لودرى هالنحل عن طعمك وعن ملفاك
ترك كل الزهور وجاك وخوفي انه (يشاركني)

تعال ... أبجمع الحسبه
وبحلف بالذي سواك
إذا موتي على يدينك أنا طالبك تمهلني ..

يمين الله .. ما زاحم مكانك بالحشا .. مخلوق ..
..............لحالك .. مستبيح القلب .. تذبحني وتحييني


تسلطـنـتْ بحنايا الروح .. وشرّعت الخضـوع طروق ..
.............. رغم طول المسافة .. كـنـّك بجنبي .. تباريني


وفيتْ لحبك الطاهر .. ولاّ خالفت فيه حقوق ..
.............. كأني في ( يراعك ) .. حرف .. تكتبني وتمحيني


تطـمّـن يانظر عيني ..معك .. لين الزمان يروق ..
.............. مسير العشق .. يجتاح الفراق وغصب .. يدنِـيني


أنا لكْ .. رغم كل آهات بعدي .. والعنا والعوق ..
.............. ومدامك داخل ضلوع الغلا - من جد- تكفيني

خيَم بك إلصمت .. وقلبي يحتري بوحك ,,
واشوف كنك .. تصد وتخفي الضيقه .!!

ليتك تسولف .. وتشرح لي .. عن جروحك ,,
ماطيق حزنك .. وصمتك صدق ماطيقه .!!