( ترى درب الهوى متعب يبي له قلب ما يتعب لجل يقدر على المشور و ما يضعف )

مسافر و القلب يخفق يناديك ...
وين ما بتروح الناس تحييك ...
تشتاق لك و تبغي ترضيك ...
تبيع كل ما تملك و تشتريك ...
رجل شهم و الكل يقتدي فيك ...
قدرك كبير و تصرفاتك تعليك ...
يا زين حظ اللي ساكن خيالك و ملهيك ...
ماخذ كل عقلك و حنانك و مرضيك ...
بايع كل الدنيا عشانك و شاريك ...
الصراحه يا حبيبي انا واحد معجب فيك ...
تعجبني تصرفاتك و أخلاقك و أهنيك ...
و الله إنك تستاهل لو بغيت عيوني أعطيك ...

الغالي اللي كـل ماجيـت بيته
...................... أتخيله من قبل يرحـل ويخليه


أجيه وأدري لو أجـي مالقيته
...................... لكن كذا أرتاح لاجيـت ماضيه


والله لا اموت وغايتي مانسيته
...................... حتى بصلاتي اطلـب الله يهنيه


الحاره اللى تفتخـر في مبيته
...................... نامت كما طفلٍ فقد حضن اهاليه


حتى في غيابه للشـوارع شكيته
...................... قالت تصدق عاد مثلك انا اغليه


يشهد جداره من حنينـي بكيته
...................... ودي أضم جدار بيته وأنا ابكيه


ياما بصدق أحساس قلبي عطيته
...................... وياما خذاني من التعب بين اياديه


أذكر في ذاك اليوم مـره لقيته
...................... يبكي وضايق ياصاحبي مـن لياليه


جيته بدون شعور لهفه خذيته
...................... وساعه أنا وياه جالس اواسيه


وشرد خيالي من دموعه نسيته
...................... جالس أفكر في دموعه وناسيه


أثـره يناظـر دمعتـي مارأيته
...................... قام وسألني ليش تبكي وأنا فيه


مسح دموعي ياصاحبي واحتويته
...................... مثل الغريب اللى تضمه غواليه


واليوم انا والدمع وجـدار بيته
...................... نسترجع الذكرى قبل لا يخليه