الي يرد علي ربي يفرج له ويسعده ويرضى عليه

[سماااااااااح]

السلااام عليكم
اول شئ غيري نظرتك لنفسك ولا تقولي انك مسكينه
ثاانيا معروف اللي يتنازل من البداايه ويعتذر ويذل نفسه خلاص الله يعينه لانه كل مره بيعتذر ويذل نفسه
وثالثا طنشي زوجك ولاترسلين له ولا شئ ومصيره يرجع وكفايه ذل واهانه لنفسك
الرجال مايجي الا بالشده لكن الضعف اللي انتي فيه ماايفيدك بشئ
ورابعا كماتدين تدان ربي بلاه في اخته اللهم لاشمااته سبحاان الله
ونصيحتي لك خليك ثقيله واهتمي بعيالك وعطيه حقوقه وواجباته كامله وحاافظي على كرامتك
واهتمي بنفسك من لبس وكشخه وعطور وبيتك دايم خلي جوه حلو وهادي
وطنشيه الا في حقوقه وواجباته اغراضه واكله واي شئ يطلبه خليها كامله على احسن وجه
وانتي اثقلي وفرفشي ولا تضعفين ولاتنسين ان لك رب كريم
واكثري من الاستغفار والصلاة اخر الليل
والدعاء
ودايما قولي ربي استودعتك على قلب زوجي بان لايسكنه احد غيري والله يسخره لك
ولاتجعلينه همك
وعيشي حيااتك وشوفي يوم يرجع لك وينسى حبيبته واللي خلفوها
وطمنينا عليك اول باول
اختك سمووحه

[لحن القمر]

هلا اختي

بصراحه انا رايي انك ماتعتذرين لانك ماغلطتي عشان تعتذرين خليك ثقل

وراح يدورك هو ؟؟

بالعكس انتي نبهتيه لشي ممكن يصير شي لاسمح الله ==الله يحفظ بناتنا وبنات المسلميين

دزي له مسج تطمنين عليه ومن دون ترجي لاتذلين عمرك وذكريه بعياله وانه باي وقت يقدر يجي يشوفهم

او تعبرين له ان عياله مشتاقين له حتى يحس فيك من دوون انك تذليين عمرك ..

وربي يوفقك ان شالله

بس طمنيني علييك ياقلبي..

[مسكينه]

الله يسهلها لكم ويفرجها لكم ويسعدكم دنيا وآخره ويثبتكم ويثبتني معكم على الحق ياربالله يجزاكم خير ويستر عليكم ارتحت من كلامكم شوي والله يسهلها والله اني اقوم واقعد اقول يارب تستر ويارب تسهلها
بس حبيت اقول لكم اليوم كلمته كذا مره على الجوال مارد علي ابدآ امس كلم على البيت رد عليه ولدي قاله حبيت اسأل تبي شي انت واخوانك قاله لا قاله خلاص اطلع لي عند الباب عطاه خبز وقال سلم على اخوانك وراح مادخل البيت
وخواته اليوم كلمو على البيت يدورونه ويقولون لنا مده ماشفناه ولا شفنا سيارته عند الباب استحيت وش اقولهم اقولهم اني علمته على اختكم وطلع من البيت رديت عليهم انه طيب وبخير وطلع الصباح من البيت كذبت عليهم
وش اسوي الله يعين طيب اجلس في بيتي ولا اروح عند جدتي واذا جت المدارس ارجع انا هنا ماحولي احد غير خواته وهم بيسافرون يوم الاربعاء وجدتي مره بعيده عني وماحولي احد ولاجيران ولاشي اجلس اكمل ولا اروح معليش طولته معكم وخواته لو سألو عنه وش ارد عليهم
آسفه طولت بس نوروني الله ينور عليكم ويفرجها لكم ويجزاكم عني خير يارب

[♡ sαяσиα]

لا تتعبين نفسك...

هو براسهـ شي..

وبيطلعهـ اتركيهـ على راحتهـ

اتصالك عليه، ما راح يجيب فايده..
هو اكيييد يأنبهـ ضميرهـ ومو قادر يواجهك باي شكل..
وقاعد يراجع حساباتهـ
لو ما يبيك طلقك وخلاص..
فترهـ وتعدي..

وانتي اذا حاسهـ بخووف روحي لجدتك..
ولا خبريهـ برسالهـ
انك طالعهـ من البيت لانك خايفهـ تجلسين لحالك..
بس المشكله عيالك.. اذا عندهم مدارس..؟؟


ولا تخبرين احد انك تكلمتي على اختهـ
صدقيني بالاخير بتطيح على راسك..
كفايهـ اللي انتي فيهـ
انتي قلتي اللي قلتيهـ وخلاص..

محد لهـ دخل..
واذا احد سأل قولي مدري
اذا عرفتوا شي خبروني..

خليك واااثقهـ من نفسك..
وانتي قويهـ ماشاء الله عليك..


الله ييسرلك

[مسكينه]

اسعدك الله ياقائده انتي والاخوات وحرم الله عليكم وعلى والديكم النار الله يفرجها لكم دنيا وآخره
الله يسعدكم والله اني ماادري وش اقولكم وش اشكركم والله انكم اجاويد إن شاء الله بعلمك ياقائده انتي والاخوات عن اخباري وربي يسهلها يارب ويفرجها
تكفون خليكم معي لين ربي يفرجها ابي احد معي وبجنبي تكفون بس ذا الفتره لين تخلص مشكلتي هذي وتهدا نفسي انا خايفه يسوي فيني شي وإن شاء الله مايسوي شي