زوجي اتعبني

[اتعبتني]

يسعدكم ربي
على ردودكم
بس اخوي الفاوس

انا ابيه عو اللي يسال عني وهو اللي يرسل
لانس ارسله بس هو بالسنه مره يرسل

[الفاوس]

اختي العزيزه خليني اقول لك شي وخاصه فينا الشباب
اغلبنا مهمل دائما بمعنى كلمه مهمل يعني غير مبالي بما حوله حتى لو كانت اشياء مهمه والتزامات مهمه غير مبالين حتى نوصل لمرحه الحاجه لها ؟
بمعني بقول لك انتي اول شي اذا ارسلتي واذا تواصلتي معه واذا بس انتي اللي ترسلين فهذا موب عيب ولا خطاء بس شكلك ترسلين له يعني من فترات مو متواصل على العموم اسمعيني انتي كملي طريقتك بالرسائل وخليها بزياده واتصالات وعيشيه قصه جديده معك وشوفي كيف يتغير وانشالله ربي يسعدك ويوفقك انشالله دنيا واخره
وحبيت اقول لك ترى ماينفر الازواج ويبعدهم من زوجاتهم الا الثقل لا تكوني ثقيله هذا مجرد راي ولا تكوني خفيفه مره . واي استفسار انا جاهز

[اتعبتني]

اخوي الفاوس
انا احب زوجي لدرجه ماتتخيلها
وهو عارف هالشي
وانا يوم سالته ليش مايرسلي بستمرار
قال انا احبك وعارف حبك لي بس مابيك تتعبين من فراقي ابيك تتعايشين الوضع لاني دائما بعيد عنك وهذا بسبب ظروفي
(اخوي الفاوس المشكله الحين مو بالرسايل المشكله اني احس زوجي توه عاش حياة العزوبيه وهذا الشي اللي قاهرني ياليته يخليني اروح معاه ونعيش بمدينه وحده ونرجع زي اول بس كيف)من جد تعبت الحين انا وياه متزاعلين مايكلمني

[فتى زهران]

أختي الغاليه

دعيني أتكلم معك وكأني أعيش مرحلة حياتكم الزوجيه

فانا شاب مثلي مثل زوجك

لعل إيجار الشقق هذه الفتره هو السبب في فرقاكم عن بعضكم البعض

وعلى حسب كلامك إن راتب زوجك قليل فلا بد منك تحمل الوضع الراهن إلى أن يفرجها الله من عنده

وهو عندما إستأجر مع عدة شباب شقة عزوبيه فهذا دليل على أنه رجل لا يستطيع إستئجار شقه بمفرده

فعندما نقول أن أجار الغرفه الواحده بالشهر قرابة ( 2000 ) ريال ومعه عدد ( 3 ) شباب يصبح مجموعهم ( 4 )

فهذا يعني بأنه يدفع ( 500 ) ريال شهريا وهذا معقوووول جدا حتى لو كانوا عددهم ( 3 أو 2 ) بالشقه

الواحده فهذا يعني بأن كل واحد منهم عليه دفع مايقارب ( 500 إلى 600 ) ريال شهريا إيجار شقه ومستلزمات الشقه

( شاي ، قهوه ، كهرب ، أثاث ، ماء ، معيشه ، ....... الخ )


فهذا شيء طبيعي جدا


لكن لو نظرنا إليها بمنظورك انتي لماذا يستأجر شقه مع أخوياه ومايستأجر لي شقه واجلس انا وهو فيها

يعني لو دفع كل شهر ( 500 ) أو ( 600 ) ريال شهريا ويجمع الباقي مو أفضل من إنه يدفع ملبغ وقدره

( 2000 ) أنتي وهو في الشقه ولا يستطيع أن يجمع باقي المبلغ لإنهاء مستلزمات البناء وما إلى ذلك

أختي كل شيء في الدنيا إرتفع ( الحديد ، الرز ، الطوب ، الأسمنت ، .... الخ ) بالله عليك بكم يكلفه

لو بس بيسوي بيت دور واحد عظم <<< ركزي على هالكلمه

والله لا يقل عن 600 الف ريال تكفيه


خلاصة الكلام

ضروري تتحلي بالصبر أختي لأن الحياة صعبه ليست كالسابق العماره كل أبوها تقوم عظم بحدود 600 الف

الحين الدور الواحد مايقوم بأقل من ذا المبلغ





الله يعينكم ويصبركم

[الفاوس]

اختي العزيزه
يمكن كلام اخوي مقارب للواقع اللي عايشه زوجك ............

انا بقولك تحليل شخصي يمكن يكون دقيق ومقارب مقارب للواقع ولازال تحليل شخصي لحاله زوجك وللمعطيات اللي عندي حسب ما اعرفه من كلامك ...
اول شي انا بقول لك بخصوص عامه الشباب كل واحد يفكر بالزواج مايجي بتفكيره الا ابي لي وحده حلووه وفيها وفيها يعني مواصفات خياليه وبعد مايلقى الشي طبعا هذا طلبه ويعتقد انه رح يكون اسعد انسان بتوفر طلبه والناس اذواق ....... بالتدريج وبطريقه غير محسوس فيها يبدا لا شعوريا يمل من حياته الزوجيه وانسجام بنظام تجديد تفكيري ومحاولات لكسر الروتين بلا جدوى لان طول عمر كسر الروتين تأثيره لحظي .......... مهما كان الحب بين شخصين مستحيل يجلس على وضعه لمده طويله لازم او غصبى عنهم يملون عن بعض كنوع من التشبع من اي شي او اي مجال خاص او عام في الحياه الزوجيه ....
وحياتهم الزوجيه تمشي بس بنظام اخر وروتين اخر ........ لكن بعد الاكتفاء من الخروج من مسار الحب ترجع المياه لمجاريها كما كان الاول واحسن بكثير ورح يرجعوا لوضع الملل وهكذا هذي هي الحياه تكون
...... مسأله الحب ( الحب ) انا بقول لك شي مهم عن الحب الحب وحب العشره والتعود هذا اجمل واريح واحسن نوع من انواع الحب وهو اللي يدوم وخاصه بين الزوجين .... السبب لان لو كنتي تحبيه على شكله او على طوله رح يكون هناك ملل سريع وتلاشي للحب هذا مع الايام بسبب تعود على شكله او او .....
ويكون انواع كثير منها وبصريح العباره اي انسان بالدنيا قلبه يتسع لحب سكان العالم كله ولكل شخص مكان بالقلب ونوع خاص لحبه كما وضعك في مجتمعك وتقسيمه حبك لاقاربك واهلك ؟؟؟؟
على العموم حن خرجنا عن موضوعنا بس ارجع واقول لك
ترى العزوبيه تعني ( الحريه ) كل انسان بالدنيا يعشق الحريه .
واي شخص يتعود على العزوبيه اي الحريه وينقطع عنها يمل بسرعه من حياته الزوجيه ويحاول جاهدا بالرجوع للحريه ... هذا في الاغلب من الشباب ...
كلمته لك انه مايبيك تتعذبين لبعده اعتقد انه غلاطان 100% بالعكس هو ما يعبك اذا تواصل معك بالرسائل او الاتصال ..... يعني المفرض وكما اغلب البشر بمثل ما تعامل عامل الناس ... كيف تترك انسان مهتم فيك وتهمله ...ما ابيك تناقشين هالموضوع هذا معه مهما كان اني حاولي تفهمي منه وتحاولي تحلي ما تحاولي تشعلي النار ...
وبأسلوبه بالطريقه هذي معك صراحه هو بالاصل يعذبك والله يعينك انشالله حاولي انتي تعرفي من وين يؤكل الكتف علشان تعرفي تحلي هذي المشكله معه وزي ماقلت لك حتى لو قلتيله يشيلك معه رح يبحث عن عذر يقدمه لك ... ليش لانه تعود على العزوبيه ........ في هذي الحاله ... عندك حلووول كثير منها انك تطنشينه حتى لو شهرين من دون اتصال وحتى بدون تفكير فيه ..... وشوفي هو شو يساوي واذا سألك عن الاسباب قولي لاني حسيتك تبغاني اكون كذا .....هذي تقريبا لما قد اجده نافع لك من وجهه نظري ... عاد الباقي انتي امها وتسميها ... يعني انتي اكيد اعرف وافهم من اي شخص بالدنيا حول مشكلتك ..... انتي فكري وحاولي بالطرق السلميه ولا تحاولي تشدي او تشعلي مشكله اخرى السكوت ابلغ وسيله للنجاح من وجهه نظري واتمنى لك التوفيق من كل قلبي ومهما كان انا بطبعي لا احاول ان انصح بالشي اللي يمكن يزيد المشكله بينكم ؟
اتمنى لك التوفيق الابدي
وانا جاهز لاي استفسار وتحياتي للجميع