كل" يعـود لاصـل جـده ومربـاه
راعي الشرف يشرف والانذال يهبون



الفرع من عـوده شرابـه ومسقـاه
والحنظله مره ولو تشـرب مـزون



الطيب كايد ميـر المناعيـر تقـواه
والهون هين تدنـع النفـس وتهـون



ناس على كسب المراجـل مضـره
وناس على كسب الفشيله يضـرون



هذا على وضح النقـا كـل ممشـاه
وهذا الى شافـوه ربعـه يصـدون



لاتامن الخوان لـو زخـرف حكـاه
من خان بك مره يبي باكـر يخـون



وافطن ترى زول الرجاجيل تـواه.
.كم واحد يعجبك زولـه وهـو دون



ياطيب الشارات مـن يـوم منشـاه
احذر عدوك لايغدرك علـى هـون



ترى عـدوك غايتـه فيـك ومنـاه
يزرع فصدرك من قنا رمحه طعون



واللي رضـع لبـوة عـدوك توقـاه
الجرو ولـد اللبـوة اللـي تعرفـون



للطّيـر يالصقّـار بالرّيـش مغـواه
الجاهل الى باكثر الريـش مفتـون



للحٌـر والشّبـوط ماكَـر ومجنـاه
والفرق بالافعـال لوهـم يطيـرون






خالد الفيصل الله يطول بعمره

فزّ الخفوق وقلت يالله عسى خير

يامل قلـــــــب تله الـــــــود تلــي:::::تل الرشاء من فوق ملحا جلالـــــه
في غربها تسعين شق ومشــلي:::::تجفل ليا سمعت ضريس المحالــــه
من واحد"طـــرق عليه يهـــــلي:::::ألحق بواقي القلب مع ماجرى لـــه
يطرق برمش" للمحـــاجر مظــلي:::::ظافي على بيض المحاجر ظلالــه
هرجه لبن بكــــر"ردوم متـــــلي:::::مابينت فيها رسوم الشمــــــــالــــه
يابنت خلي واحد" مايصــــــــــلي:::::تارك عمود الدين مالك ومـــــالــه
خلي ملعــــن والدينـــــك يـــــولي:::::تلقين في نجد المســــــمى بدالـــه
حتى أيش لويفرش لك البيت زلي::::من لايخاف الله حرام حـــــــلالـــــه
عليك باللي للجماعه يهـــــــــــلي:::::اللي كما النثله منارة دلالــــــــــــه
في الرجل ثنتين"حداهن تــــــدلي:::::من كبهن ماهوب ويا الرجــــــــاله
ليا صار مابه دين مع زين دلــي:::::جعله من الدنيا تقطع حبــــــــــــــاله

لو عرفت ان الغدر هو من صفاتك .. لودريت انك في لحظات بتخون
كنت ابنسى وانسحب من حياتك .. قبل ما قلبي تعذبه الظنون

غرني حلو الكلام مو هو حلاتك .. طاف بي بين الاماني والشجون
لا تدور باقي الاحساس فاتك .. من بخل بالحب هجرانه يهون

احترق وانت اسير بحب ذاتك .. واشكي من جرح يعاني بالعيون
ما تغير حبي إلا من سواتك .. وانتهت قصة غرامي والفتون

من يقول الزين ما يكمل حلاه =
كل شــي ٍ في حـبـيبي اكتمل
الله الـلي كمله واللـه عطاه =
مــابقي للزين في خلـي محل
العيون احلى من عيون المهاه =
شافهـا قلبي وصفق واحتفل
نظرته من فتنته شعله حياه =
والجفون من الحيـا فيها كسل
ساهم رمشـه على الخد وسناه =
كن لمـعـة وجنتـه ورد وطل
والشفايا كنهـا جمر الغضاه =
تحرس الـريق المحـلى بالعسل
والشعر ليل نقل حمرة مساه =
اجـعـد حول علـى صدره همل
مايجي من فوق متنه ما طواه =
لـون شــلال مع المغرب نزل
انطلـق جيده يمـارى في بهاه =
فـوق مـياس تعزل واعتدل
بالرشاقه فيه من ظبي الفلاه =
لى مشى كنه على الريح انتقل
ريـحته مـن كل زهر منتقاه =
والـزيـاده للخـزامى والنفل
صافي مثل المطر فوق الصفاه =
بـاسم ٍ مثـل البشاير بالامل
جـامع مـن كل زيـن منتهاه =
مستحيل الوصف في خلي سهل
كايد ٍ مـاهو يلين لمن بغاه =
يرتفع عن كل سقطات الزلل