هل من مغيث ؟؟

[فتى زهران]

والله كلامكم عين العقل


البارح وتحديدا على الساعة 10 بالليل تقريبا

كنت مع أخوياي قبلها ولما رجعت على هذا الوقت

جلست معاها وقلت لها كل شي

وصار الحوار التالي

قلت أول شي يا بنت الناس أنا ماتزوجتك الا وأنتي

عارفه كل شي عني وإني متزوج وإن عندي عيال

ومن الممكن زوجتي الأولى ترجع في أي وقت

وإذا مارجعت فالله يستر عليها دنيا وآخره

هذيك زوجتي زي ما انتي زوجتي على سنة الله ورسوله

أنطق أسمك عندها وأنطق أسمها عندك

واللي ماترضى ماني مجبر على رضاها لأن كل وحده

منكم زين عين في الراس

شوفي أنا كنت معاك صريح من البدايه ولا رضيتي

بالزواج مني الا وأنتي عارف كل صغيره وكبيره عني

فإما إنك ترضين بالواقع اللي موجود أو حددي موقفك من الآن

لأني بصراحه ماني ناقص يجيني بزران منك وتسوين زيها

فقالت هي يوم الأربعاء ودني بيت أهلي خلاص أنتهت العلاقه

بكلامك ذا


قلت لها أوكيه خلاص




بس المفاجأه اللي ماكانت على الخاطر ولا في البال


اليوم الصباح جت تصحيني على الفجر

والله ثم والله يا أخواني وأخواتي إني قمت زي المفجوع

البيت ريحته بخور والغرفه ريحتها عطور

وأحلى كلام وحمامي الله يكرمكم ذيك الشموع والورود والعطور

بصراحه تفاجأت أنا طلعت من البيت والله زي المصدوم

من المفاجأه

وفطوري جاهز وعلاجي جاهز على الطاوله

ودلة القهوه جاهزه ( كالعاده للدوام ) خاصه لي

بصراحه صبحت عليها وأفطرت وأنا ماني داري وش أقول

جهزت لي ثوبي وشماغي وعوده وأحلى كلام


أنا ما أدري وش أقول



إلى كتابة الكلام ذا وأنا بصراحه متفاجيء من اللي حصل




أنتم وش تقولون باللي صار لأني أنا ماعاد عندي مخ أفكر فيه

[تملكني غلاك]

الله يديم عليك السعاده 0000وهذي ردت فعل طبيعيه منها وانا قلت لك اذاناقشتها بتقول بروح بيت اهلي طلقني بس علشان تنفذرغباتها لكن وقت الجد ماراح تروح وخليك متمسك برايك موباليل تسويلك حفله ولاسهره حمراء تخق وتقول ان شاءالله حبيبتي بسوي اللي تبينه نصيحه خلي كلمتك هي اللي تمشي وتعامل مع الاموربحكمه شد وقت مايتطلب الامر وارخي وقت مايتطلب الامر ترى الرجال اذا ترك المراءه على كيفها ومشى كلامها على كلامه حتى لوماكان مقتنع بس علشان يرضيها ترى والله تركبه وماتحترمه وماراح تفسرالتصرف هذا نبل اخلاق لالالا بتفسره على انه ضعف
وبتووفيق خيوووو

[نوااارة]

انااا مع اغاااااااااانيج كلامهااا عين العقل

مداامك انت كذاا وهذاا اسلوبك مستحيل يتغير في حيااتك شيئ

بتجلس في دواامه ملهاا نهاااااااايه

غير اسلوبك وانت ترتاااااااااااااح

[أغ ـــانيج]

يااالله مبروك اخوي فتى زهران

قلنا لك من البدايه شد بعقل كل امورك تضبط

عساااه دوووم لكن على قولة اختي تملكني

خلك على موقفك مو في وقت ثاني تستهين بهالموضوع لأن فيه ظلم للزوجه الاولى ولعيالك

وترى كيدهن عظيم ما اخوفك منها

لكن ما فيه حد يقدر يركب على ظهرك اذا انت ما انحنيت له

وانت ابوها وسمها ..

الله يديمها عليك وعلى كل زوجين

[فتى زهران]

الله يجزاكم الف خير يا اخواتي

وأخواني


لكم خالص إحترامي