اتهمني اكلم شباب والسبب خواته تكفون شورو علي

[مرافقةالأمـل]

والله يا أختي عورتي قلبي بقصتك بس لازم تتخذين قرارك يا زوجك يا اهلك ولكن اهلك أدوم لك من زوجك اللي اسمحيلي مايستاااااهل ظفرك يطعنك في شرفك وتحبينه انسيه انسيه هذا رجل عديم الشخصيه أهله متحكمين فيه وراح تكون حياتك كلها معلقه بين اخواته وامه فلا تهيني نفسك اكثر من كذا لا عاد تتصلين عليه ولا تراسلينه وان كلمك او ارسل لاتردين عليه أبدا أبدا عندك رجال يتفاهم معاهم ماعاد بعد كلامه بينك وبينه كلام اللي عمله فيك اكبر من انه كلمه او تصرف منه يمحيه بسهوووله،،،،،
الله يجبر كسرك وييسرلك اللي فيه خير لك يااارب

[فايض حنآني]

مشكوره مرافقة الامل لكن انا ابي اوصل له اني مظلمه هذا قصدي مابي يطلقني وهو مقتنع اني فعلا اكلم ابيه يقتنع اني والله ما اكلم ولا لي بهالطرييييق ما اعرف كيف اتصرف اذا طنشته متوقعه الف بالميه تجيني ورقة طلاقي بعد ولادتي وبنفس الوقت ابيه يحس بطعم الظلم اللي ذقته ابي اثبت له برائتي لكن عماته وخواته مقنعينه انه فعلا اني اكلم لان هو اول الموضوع كان يقولي ابيك وماركضت ورا كلام الحريم قلت اي كلام قال بكل شي قال ماركضت وانا عارف انك ماتكلمين بس كنت بختبرك وبعدها يتقلب مزاجه مره يسولف ويدلعني ومره يعصب ويهاوش طبعا كلها مكالمات وانا عند اهلي الى الحين ساحب علي مايرد ويقول ماغلطت بس ابي افهمه اني مظلومه ابيه يصدق وانا ام اطفاله ماخاف على سمعت بنته بعدين وش راح يقولون لها بيقولون ابوك طلق امك لانه شاك فيها اه والله شي قاسي وصعب ابي شوركم ابي اوصله كيف ابي اقوله ظلم ظلم والله ظلم حسبي الله ونعم الوكيل

[مرافقةالأمـل]

بأي طريقه تبين توصلين له انك مظلووومه ما اعتقد فيه اكثر من الحلف بالله والقسم ،،،،انت قلتيله انك مظلومه ووضحتيله كل شي ،،،،

[همسه دفآ]

تدرين الغلط على مين ؟ انتي اساسس المشكله والغلط كله عليك ماحطيتي
لنفسك قيمه ولاكرامه يغلط عليك ويهينك وبكلمه يراضيك وتنسين كل شي !!
يتهمك بشرفك وترجعين تكلمينه ولاكانه سوا لك شي وفوق ذا كسرتي كلمه ابوك
بقول لك هو عارف انك برئيه ومظلومه لكن يمثل دور الجاهل وبعدين انتي واثقه بنفسك خلاص مايحتاج تبررين له وضحتي له مره ومرتين الين متى !!
أدعي ربك والزمي الاسستغفار وتبغين الصدق زوجك لازم يتأدب معطيته وجهه بزيادة
وخليتي نفسك شماعه لاخطاءه هو يغازل ويرميها عليك ويغلط وتنسين غلطه بسرعه الرجال لما يشوف الحرمه ضعيفه وتمشي وراه بكل شي والله يدوسها
ولايفكر فيها لانها مشت وراه بدون ماحطت له حدود
حبيبتي اول شي لازم تغيرين شخصيتك وتقوين نفسك وتاخذين حقك بيدك
ولاتسسمحين لاي احد يدوس لك على طرف عزي نفسسك
والله يعين اشباه الرجال كثروو

[كتكوتة حمود]

حبيبتي اعانك الله وربط على قلبك


انتي ارخصتي نفسك وهو اذا اتهمك في شرفك وانتي واثقه انك ماسويتي شئ المفروض ماتكلمينه ولا تبيني شوقك له ولا تحاولين تقنعينه انك برئيه لانه بيتوقع انك ترقعين لنفسك بس اذا كنتي ثقيله وماارسلتي له ولا كلمتيه ولا رديتي عليه فراح يعرف بعزة نفسك ويعرف انه طعنك في اعز شئ وانه ضايقك لكن انت اخطاتي والمفروض من اول ماكلمتي ولا ارسلتي حتى لو هو دق ماتردي هذا مع احترامي مافيه خير حتى لو وقع الطلاق وانت مضلومه فتيقني بان الله بيبتليه ومن ضلمك ويعوضك خيرا لا تخلي نفسك رخيصه و لا تهربي من واقعك للنوم وتهملي بنتك

عيشي حياتك وحاولي تنبسطي مع اخوانك واهلك واخر اهتماماتك هذا الرجل الذي لا يتستحق كلمة زوج


وحتى امك لا تكلم لا عماته ولا احد هذا تجاوز حدوده وقولي اذا انت تتهمني اني اكلم بدون دليل وكلام فاضي فانا شفت الرساله في جوالك



والله ماادري وش اقول بس انت تساهلتي معاه من البدايه واسفه اذا كنت قاسيه معاك بس الحق انه مايستاهل ولا ضفر منك

خلي لنفسك كرامه مو تسعي وراه حتى لو تحبيه خليه هو الي يركض لك والحين حتى لو راضاك وحاول يرجعك وحتى لو وصل انه يكلم ابوك وياخذ بخاطره فلا تبيني له فرحتك ولا ترجعي له بالسهل عشان يعرف قيمتك

واذا رجعتي قول له ترى مارجعت عشانك ولا عاد تهمني رجعت عشان عيالي لا يتشتتون وخليك ثقيله خصوصا في الايام الاولى ولا تبيني حبك ولا شوقك

ولو ولدتي وجاء يزورك فلا تعطينه وجه ولا تبتسمي له حتى لو بين لك انه زعلان ومشتاق لانه بوجهين وماعاد تعرفين له

الله ييسر لك