انا بجنبك لاتقول أنت وينك،،،غايب ولاكن تارك القلب وياك
لو الغياب يطول بيني وبينك،،،صابر وقلبي يحتري يوم ملقاك
وشلون ابنسى دام قلبي سجينك،،،ولاضن غير الموت يجبرني أنساك
يامروي قلبي بغلاك وحنينك،،،،ياجعلني مافقد عيونك ولا أظماك
انا على خبرك ولاخلفت دينك،،،وباقي على عهد الوفا دوم وياك
انا فدى قسوت عتابك ولينك،،،،ياجعلي ماعيش عمري بلياك
ماعاش منهو في كلامه يدينك،،،ماعاش منو سب اسمك وطرياك
ابيع انا كل الملا لجل عينك،،،،ولاأرخصك لو الكل عافك وخلاك
معك انا في شين وقتك وزينك،،،والخاطر عيونك لو تبي العمر يفداك
انا بجنبك لاتقول انت واينك،،،،،غايب ولاكن تارك القلب وياك

السهر والخوف
نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا

.



اعذب كلام الحب كلمة احبك
لي قلتها ياهوى النفس بأحساس
وأرق كلمه ياحبيبي بقلبك
انسى بها نفسي على طول والناس
احب تنطقها ليا جيــت جنبك
اربع حروف عطرها فوق الانفاس
ينتابني فيها شعور بقربك
حروفها عقد منظوم من ماس
اسلوبك اللي شدني فوق دربك
يطرد عن ايامي معك نظرة الياس
ياخف دمك قلبي اللي يحبك
فيك الغلا يافاتني ماله قياس
من صادق احساسي احبك واحبك
من حافت اقدامي الى هامة الراس..!