‏انت .. اقرب .. قلب لو كنت البعيد
وانت اغـلا حـلـم و اغــلا امنية
وانت اجمل بيت ب ابيات القصيد
وانت احلا شعر و احلا اغنية"

عسى الله يالغايب يصبحك بالخير
يالي تمدنتو بوسط المدينة
ما شفت لي هاتف ولا شفت لي طير
راع البريد أمسى يسحب يدينه
مدري على المشراف ولا على السير
يعيد بأرقام المسافة حنينه
حتى المدرس لو كتب بالطباشير
سجل تواقيعه وغابت سنينه
يوم الخميس إلي مضى حزة عصير
وأنا خلاوي في ديار العيينة
سقت الركايب كلها ذود وبعير
من كثر حمل خطاه تسمع ونينه
حمل الهموم وزايدة حمل تفكير
يالله لا تكتب لروحي غبينة

هذا انت
كل ما ضاقت بي الدنيا تغيب ...
وكل ما ضاقت بك الدنيا تجيني
هذا انت
ان كساك الهم صرت أوفى حبيب
وان نساك الهم تتباهى بـ أنيني
مثل منت .. دايم تجي فـ وقتك حبيبي
بعد ما وقتك يروح
يا آخر دموعي وشجوني ..
وأول إحساسي جروح
ما بقالي من عذابي يا حبيبي .. الا انت

كنت اسولف للصباح العذب .. عنها ..

واحتريها ..

كنت اقول ..

(( الله لو ألمس يديها ))

إيه .. أبيها ..

ترسم الإحساس في صمت العيون ..

ولو أخون ..!

تغفر وتسمح .. ياويلي عليها ..

كانت أشهى من رحيق !

كانت أبهى .. من بريق !

كانت الحلم / الأغاني .. كانت العمر / الصديق ..

وعايش ٍ منها ... وفيها .!

ياصباحي وش بلاك !؟

قول !

وش عنّي ... خذاك !؟

آآآآه منّك ياصباحي !!!!

أنت مثلي تحتريها !!؟