اشكرك اخوي عبدالمحسن على الرد الطيب

وهذا من طيب اصلك اخوي

انا أمرأه متزوجه وعندي اخوان متزوجين واكيد مو كامله بس عادة اسعى للقياس في حياتي الزوجيه

سواء احط نفسي او احد اخواني بمكان زوجي

انا اقول لو ابتعدنا في حياتنا الزوجيه عن ثلاث شغلات ارتحنا

الانانيه والغرور و الالتفات للغير

هلابك اختي..
والله يصلح حالك..
وحال زوجك..

كل اللي ردوا عليك اعطوك المفيد,,
لكن لاحظت ان المشكله فيك يا جودي مو بزوجك..
انك تحبين تبينين انك مو مقصره معه..
حتى لما انفجر..وكان عنوان موضوعك انفجاره؟؟
كمان ما اقتنعتي..بالكلام..

بقولك شي..
ورب البيت ما ينفعك لا مال..ولا صديقات..ولا اي شي تفكرين انك مستغنيه عنه بزوجك..!!
ترى ما احد يهمه بهالدنيا غير نفسه وبس..
يا جودي انتي عطيتي زوجك فلوس وبعدين..!!
ليش المنه..!!
ليش تذكرينه دايم انك انتي اللي مدبره اموره وانه لولاك بيضيع..!!
الناس لناس والكل بالله
شلون بزوجين..!!!
ليش كل هالثقه الزاايده..
عشانك موظفه وعندك فلوس...
عشان هو ضعيف واستغليتي هالشي فيه..
انتي ليه واثقه انه مستحيل يتزوج !!!
وش هالثقه العمياء..
ليش تخلين زوجك يوصل مواصيل انه يتهور عشان يقهرك..
وش هالعيشه..!!
اذا ما احب زوجي وش مجلسني معه
عشان اذكره اني انا اللي بنيته!!!
واذا حبيتيه وانجنيتي عليه مالك فضل..
هذا زوجك وهذا المفروض يصير!!!
لازم يكون بينكم حب,,وموده واحترام..
اذا نقص من هالاشياء شي واحد مافي حيااه..
يا جودي..
اعذريني باللي بقوله بس انتي مغروره..وواضح من ردك الثاني..
هذااااااا زوووووووووووووجك
اكسبيه لصالحك..
اتركي عنك كلام فلانه وعلانه..
احلف لك بالله عنهم وانا ما اعرفهم
الي تقولك طنشيه سويله او تحرضك..
..وهو اصلا ما غلط عليك..او انتي ما وضحتي حقيقة الي صاير بينكم..
اتحداه هي تسوي كذا مع زوجها..!!!
مشكلة مجتمع المدرسات يا كثر الكلام اللي ماله معنى..
واذا الوحده واثقه من نفسها وشايفه انها مومقصره وبقرارة نفسها تحس بذنب
..وشافت زوجها تغير قالت بس عين..!!!
عشان تخلص نفسها وضميرها..
اي عين يا بنت الحلال...
زوجك قالك وش يبي..
من هنا انتي ابدي الحل..
وغيري نفسك مثل ما طلب..
ولا هو عيب ولا حرام او يهز بكرامتك شي..


انتبهي لزوجك..
ترى الرجال مهما صبر بيجيه يوم ينفجر..
وما هو مجبور يعيش نكد..ولا مع زوجه..تتمنن عليه
وتحسسه دايم بالنقص..

جودي..
كل الكلام اللي سبق اذا ما اعجبك انا اعتذر عنه..
واعتبري انه ما انكتب..
لكن يعلم الله اني كتبته لمصلحتك..
والصادق اللي يرد عليك بصدق..ما يجاملك..

الله يسخر لك زوجك ويصلحه ويهديه..
ويهدي بالكم ويرجعكم مثل اول واحسن..

معليش اغلب الازواج فيهم انانية يحب المصلحة اولا واذا اخد مصلحتة خلاااااااااص

من حبكم يازين عزلنا تصدقين اختي انك شريفة لانك تريدين المحافظة على زوجك لكن هذا زوج خاااائن ما يستاااااااااااااااااهل انك تتعبني نفسك معة ممكن يتعدل ويرجع الى صوابة في النقاش معة اتمنى لك التوفيق تحيااااااااااااااااااااااتي واشووووووووووووووواقي

لاحول ولاقوة الابالله ياأخت جودي الله يهديك قولي آمينانا معاك ان بعض الرجال والله ماينطاقون بس عليك بالصبر انتي عندك اولاد فكري فيهم وش بيصيرون هذولا اذا كبروا وانتي وابوهم بذا الشكل ترى الاولاد يكرهون يشوفون امهم تهين ابوهم او تذله وعلشان ايش علشان وصخ دنيا الفلوس احنا الي نجيبها مو هيه الي تجيبنا......

اختي
كل اللي ردو معاك ما قصرووو من حبيبة مزعل واميره وعبدالمحسن وقائده وغنوووج .. الله يسعدهم .. ولا يحرمنااا منهم ..


بس انا شفت ردك الثاني وعرفت فيك شي .. انك مغروره .... اي وربي مغروره ...
خييييييييييير هوو الرجال .. وانتي الحرمه يا حضي ..
الرجال مهما كان جاهل ولا متعلم له هيبه في البيت ... ولا يحب الحرمه اللي تتفضل وتتمنن عليه . تراني جبت .... ؟؟؟ تراني حطيت ؟؟؟ هذي فلوووسي .. .؟؟وانا سويت ؟؟؟ وانا اللي وراك ...
طبعـــآآ بيكرهك ويشوفك اصلا ولا شي .. وعلى قولته انتي اكبر غلطه بحياته ...لانك كلامك معاه واسلوب التمنن هذااا شيييييييييين مره ...؟؟؟

انا مره بعت اسهمي .. وبفلوسهااا قلت لزوجي يالله نسافر خارج المملكه ... طبعااا زوجي رفض وقال خلي فلوسك لك ... وانا اخرجك .. انا سويت انهاا هديه له ... المهم .. سافرنااااا وانبسطناااا .. بس انا خربتهاا اختار هوو فندق .. وانا طبعاا ما عجبني اللي اختاره .. واخترت انااا واحد فخم مره .. وكان غالي مررررررررررره
قالي حرام ندفع فيه ... وهي كم ليله وناقلين بعدهااا على شقه .. المهم
انا عصبت وسويت نفس سواتك .. قلت تراااا الفلوس فلووسي سامع ولا لا .. وانا اللي بدفع .. انت حي الله ضيف ..<<<<<<< ام لسانين ..
تدرين وش سوااا
حجز ثاني يوم على السعوديه .. وقالي خل فلووسك تنفعك ..
وربي بكيت بكيت وندمت وكان ودي اني انطميت ..وقتهااا

يعني بين قوسين الرجال مايحب اللي تتمنن عليه .. خليه هوووو كل شي وانتي بس المستقبله .. يعني مثال ... شيلي الافكار ,, اللي مال امهاا داعي ... انا اللي سويته اناا اللي اداري وراه .. انا اللي اصحيه .. ياختي خليهاااا بأجرهااا عند رب العالمين .. وكل شي ما يضيع ان شاءلله ... بس خففي شوي

خلي زوجك براحته

وبعدين تراا الرجال انسان مثلك له مشاعر واحاسيس يمووت قهر .. اذا شاف حرمته ازود منه .. وهوو ولا شي ... اصلا يكرهها ... الا اذاا هووو مصلحجي .. هذااا شي ثاني ..
وانتي تقولين مستحيييييييييييييييل يتزوج وكمان متأكده هههههههههههههههههاي لا ياعمري .على قول جدتي ... الرجال ماجاب لحرمته المجمره لكن جاب لهااا المره ؛؛ << شفتي وش معنى المثل ...
يعني هووو ما اهتم فيهااا ولا حتى جاب لهاا مجمره يعني المبخره وهي ارخص شي ... بس جاب لهااا المره .. يعني الحرمه يا عمري وهي اغلى من المبخره ... ترا ابدن مو صعبه على الرجال انه يتزوج ويهني نفسه اذا هووو اصلا مو سعيد معاك .... وربي يفزعون له خويانه ولا اقرب الناس له .. واو حتى ياخذ قرض ويتزوج وحده لو اجنبيه ... انتبهي بس ...
الله يهونهااا عليك .. وان شاءلله ينصلح حالكم ..

ولا تزعلين مني يالغلا ترااا كلامي لمصلحتك .. خذي اللي عاجبك واللي مو عاجبك اتركيه ..


تحيـــــــــــــــآآتي /
ورد الحربي