دخل الغرفه خليت الباب مفتوح اخاف يبي شي انسدحت ونمت مارتحت في نومتي اسمع صوت في الصاله طلعت اشوف لقيت هشام قاعد
كادي/وش فيك
هشام/ابد بس مااعرف انوم وعلى تيشيرت
كادي/طيب افسخه
هشام/انتي تقولين كله غبار
كادي/طيب تعال نوم في الغرفه
مشى معها وقال
هشام/ننوم على السرير
كادي/ايه اذا ماتبيني انوم معك عادي بنوم على الكنبه
هشام سكت وبعدين قال/لانومي على السرير فسخ تيشيرته وعلقه على الشماعه ونسدحنا على السرير عطاني ظهره ونمنا
===الصبح===
فتحت عيوني وقومت هشام علشان الشغل قام لبس تيشيرته وطلع جلست ماعاد جاني النوم وقعدت لما الظهرعاد اليوم الخميس يوم جمعه اهله
دق علي وقال انزلي بسرعه ركبت السياره ومشينا لما وصلنا البيت تجهزنا على طول تروشت ولبست بنطلون اسود فاتح بلوزه فوشي كلها رسمات بدرجات الفوشي توصل لركبه وصندل فوشي وميك اب فوشي وغلوس فوشي شعرها استشورته وحطته بوف طبعا ماخذت عبايتها خذت بس جلال لان بس بينهم مزرعه طلعت من غرفتها لقت هشام يلبس صندله البني وكان لابس سبورت بنطلون جنز بني وتيشيرت سماوي عليه رسمه جمجمه كبيره وكتابات انجليزي بالبني
هشام/تعرفين تزينين شعري
كادي/وش اسوي به
هشام/استشوريه
كادي/ايه اعرف يالله
دخلنا غرفتي وجلس على الكرسي وستشورته اصلا هو ناعم بس شباب
كادي/حلو
هشام/ايه يالله تاخرنا عليهم
طلعنا حطيت جلالي على كتوفي اخاف احد يمر من الشباب ولا السوق دخلنا الصاله كان الاهل كلهم فيها رجاجيل وحريم تغطيت
كادي+هشام/السلام عليكم
الكل/وعليكم السلام
سلمنا عليهم وجلست جنب البنات كانوا كلهم يسولفون ازعاج الكل يبي يتكلم
ابوماجد/والله البنات الي منورين البيت
الشباب/لاااااااااااااااااااااااااا
ماجد/والله محد منور البيت الا الاولاد الرجاجيل
امل/اقول بس يبه حنايا البنات الي مخلين لرجال الحياه ولا كان ماعشتو بدونا صح ولالا
كل النساء عامه/صح
سامي/مساكين يالحريم مصدقين انفسكم واااااااااجد
منى/اجل من الي جابكم مو الحريم كلكم يالرجال
يوسف/والله عاد الي جابنا الحريم بس لو مافي حريم من الاساس كان جينا بدونكم
الكل/هههههههههههههههههههههه
وديان/والله شكلك مفووووت ياخالي يوسف
ابوماجد/الحريم يحبون الرجاجيل اصلا محد يقدر على فراقنا
طبعا الي فهم قصده مات ضحك ولا مافهم يحاول يفهم
كادي/وش السالفه ليش تضحكون
لينا/اسكتي لحد يسمعك قصده الزواج فهمتي
كادي/لا
لينا/اصلا انتي قد فهمتي بعدين
هشام/عيب يبه في بزران خلنا نطلعهم
شذا/طلعوا اول وحده كادي عقاب لك علشان ثاني مره لاتتكلم وبعدها اثير ووديان هاذولي اصغر المجلس
اثير/لاياقلبي انتي الي اطلعي
ابوماجد/مدري وين جبت هالاحفاد كل واحد لسانه اطول من الثاني
شوق/ماينفع الحين الا اللسان الطويل طول لسانك تلقى كل شي
ابوماجد/ياعيال نسيت اقولكم ترا المزرعه بنروح لها السبت
هشام/مزرعه جدي
ابوماجد/الساعه 12الظهر ماشين الي يتاخر لاعاد يجي
طبعا كلمه ابوماجد مسموعه محد اعترض ولاشي قاموا للغدا الحريم لحال والرجال لحال ولما خلصنا جلسنا في المزرعه والشاهي معنا
ام ماجد/عرفتوا ام الجران الي بيتهم اخضر
الكل/ايه
ام ماجد/بتسوي عرس لولدها وهي تقول مامعنا قرش
عهود/لاتصدقن حكي الحريم ترا هي اكبر كذابه
خلود/تذكرين يوم عرس يوسف وش سوت قامت تقول اثر عندكم ذوق وانا ماادري رديت عليها قلت مخلين الذوق لهله
منى/اصلا هي تستحي تقولها في الوجه تزعلين ترضين مافي مشكله
امل/بنتها معنا في الجامعه بثره بثره تنشب لي
شوق/لاعاد ترا هي فلتها واجد صار مزحها طينه
لينا/وش شكلها
شذا/ذيك الي تنورتها مقنزعه وبلوزتها لركبه
لينا/اهاااااااااااااااااااااااا عرفتها
كادي/عن اذنكم
راحت داخل اجيب لي مويه لقيت خالي ابوماجد في الصاله
ابوماجد/تعالي ابيك
كادي/ان شاءالله
جلست في الكنبه الي جنبه
ابوماجد/شخبارك مع هشام
كادي/الحمدالله
ابوماجد/يضايقك يضربك قولي لي ترا انا اعرف كل شي
كادي/مايضربني بس هومايبيني
ابوماجد/صح انتي بغرفه وهو بغرفه ولالا
كادي/ايه بس المشكله مو بكذا المشكله انه مايحسسني اني زوجته حتى قدام الناس
ابوماجد/امشي نروح برا
مشيت معه وجلسنا على الطاولات
ابوماجد/طيب انتي وياه في البيت تتكلمون تحاكون بعض
كادي/الا نحاكي بعض مره ومرات بس لا
ابوماجد/اسمعي يابنتي اكيد الحين تقولين خالي السبب هو الي زوجني وصار كذا وكذا
كادي/لاوالله ماقد جاء ببالي هذا الكلام
ابوماجد/طيب
قطعت عليهم ام ماجد والبنات
ام ماجد/وش السالفه
البنات/هااااااااااااااااااااااااااه
ابوماجد/موضوع خاص
قعدوا لهم في حلوقهم لكن الجد ماقال ولا كلمه هو وكادي
لما تعشوا وكل واحد راح لبيته
هشام/وش كنتي تقولون انيت وابوي
كادي خافت/مانقول شي
هشام/علي هالحركات
كادي/هاذي خصوصيه
هشام/بعد تعرفين خصوصيه
كادي/................. مقدر اقولك
هشام/على راحتك بس لاتسوين نفسك مهمه وانتي موب مهمه لحد
دخلت غرفتي ودموعي على خدي ونمت وانا اصيح
^^^يوم السبت^^^
هشام/جهزتي شنطتك
كادي/ايه خلاص خذها
هشام/طيب فستانك وشلون تلبسينه
كادي/البسه هناك
هشام/خلاص
العوائل كلها مشت ولما وصلوا كان العصركانت مزرعه وبيت بس كبرها فضيييييييييييييع بشكل ماتتورصينه دخلنا والكل راحوا يلبسون في غرفهم كل شخص متزوج له غرفه الي ماتزوجوا الشباب مع بعض والبنات مع بعض دخلت كادي غرفتها كانت عباره عن سرير ابو نفر ونص ودالوب صغيروكمدينه بس والحمام برا مشترك يعني
هشام/وش فيك مو عاجبتك
كادي/الا عادي
هشام/اكيد عادي لان مستواك مستوى الغرفه هاذي
كادي/شكرا
هشام/عفوا
فسخت عباتي وطلعت فستاني
كادي/ممكن البس
هشام/شسوي لك يعني
كادي/تطلع برا شوي
هشام/ماني طالع
توني بطلع من الغرفه
هشام/وين انتي وين وش تبينهم يقولون
كادي/طيب انت ماتبي تطلع وكيف البس
هشام/البسي هنا ولا عمرك مالبستي
فتحت باب الدالوب وصرت وراه ولبست فستاني كان المشكله تسريحتي لازم احد معي يساعدني حالت وحاولت لكن مانفع معي
كادي/هششششششششششام هشام
هشام/نعم
كادي/تعال شوي ساعدني
جاء وكان الفستان توه مادخل اصلا بس شسوي
ساعدني في لبسه وكانت يده تمر على كل جسمي لاني انا بس رافعه يدي فوق وهو يسحب ويزينه وكانت مفتشله مرررررررررررررررررررررررررره اول مره البس قدامه مو البس يلبسني بعد
هشام/خلاص
كادي وهي مغمضه عيونها/شكرا
هشام/بس تصدقين عليك جسم روعه
خلاص انا شوي ويغمى علي
هشام/بس ترا مو معنى اذا مدحتك حبيتك .....بسرعه لان هنا عادات وتقاليد لازم الزوج وزوجته مع بعض الحين العين علينا لاننا تونا متزوجين اوكي حاولي تصيرين عقل ورزانه والصقي فيني بس عندهم قدام نضرهم ونحاول نوضح لهم اننا نحب بعض سامعه لان اذا ماسويتي كل هذا راح تصير مشكله كبيره مو سهله
كادي/طيب
زدت غلوسي ولبست صندلي والطقم الالماس
كان فستاني عباره عن حرير احمر ومدخله معه لون
الذهبي كان ناعم مره بس فخم في نفس الوقت خذت معها جلالها طلعوا من الغرفه ولما وصلوا عندهم مسكو يد بعض
هشام+كادي/السلام عليكم
الكل/وعليكم السلام
جلسنا جنب بعض وكان الحريم مع الرجاجيل وحررر ومتغطين المشكله ياليته يعني الحريم على جهه والرجال على جهه لا كل واحد جنب حرمته و ما اعرفهم بس اعرف اهل هشام
كلمت هشام في اذنه/هشام انتو يالرجال منتو طالعين ابدا
هشام/ايه بس اوقات الصلاه ومرات نطلع
كادي/طيب حر ابي اتنفس وشذا زحمه
هشام/اسكتي الله يقطع بليسك
شديت على يده وهو شد حسيت بشعور الامان وانا جنبه بشعور غريب
لما اذن راحو الرجال يصلون وهم متعودين على الحر والخياس وانا على طول
كادي/اوووووووووووووه مابغو يروحون
تغزتني لينا/بس وين تحسينا فيه انتي
الجده/تعالي يابنتي تعالي
راحت لها كادي/سمي
الجده/وش..... اسمس...... نسيته
عاد عجووووووووز منتهيه مدتها بس سبحان الله ربي مطول بعمرها
كادي/كا دي
الجده/كيري
كادي/ههههه لاكادي
الجده/كاااااا د ي
كادي/صح
الجده/والله انس.....عاجبتني وجه ...... وجه بنيه حليوه وبنت ناس
كادي/الله يسلمك
الجده/قوميني اروح اصلي
كادي/ان شاءالله
ساعدتها وودتها غرفتها وساعدتها وزينت جلالها الصلاه وصلت بعد كادي وجلست معها لما خلصت
كادي/جده
الجده/امري يابنتي
كادي/ابي منك طلب
الجده/اطلبي الي تبينه ويتنفذ
كادي/قولي لرجال يروحون مجلس ثاني مايصلح نصير سوا نبي حنا يالحريم ناخذ راحتنا في السواليف ونفتش ولا كلامي غلط
الجده/والله انس صادقه يابنتي انا كذا ودي من زمان بس الجد معيي ومحد اقترح علي هذا الاقتراح ووقف معي هم دايم يخافون يتكلمون البنات بس تصدقين احب البنت لي تعطي رايها مو أي راي الراي الصحيح
انستانست كادي
الجده/الحين اقولهم غالي والطلب رخيص
طلعوا من الغرفه ولقوا الرجال كلهم جالسين
الجده/انتو مالكم مجلس تجلسون فيه خلوا الحريم ياخذون راحتهم يالله قوموا يالله
الجد/لا الجلسه العائليه حلوه
الجده/حلوه بس نبي ناخذ راحتنا الجلسه العائليه موب 24ساعه
الجد مايرفض طلب الجده/خلاص الي تامرين عليه يالله ياعيال
طلعوا كلهم وخذنا راحتنا حنا يالحريم في كلش
ام مازن/انا اخت ابوماجد الكبيره
كادي/ يؤيؤيؤيؤيؤ عجووووز
لينا/انتي شكلك اليوم بتخربينها
كادي/أي والله كبيره في السن
لينا/وش تحبينها اجل بنت امس
كادي/لا بس توقعتها ام 50 او55موب في الثمانين
لينا/خلاص انتي اسكتي بس
كادي/ههههههههههه
ام مازن عرفتهم على الكل
كادي/بناتهم متزوجات ما شاء الله
لينا/يعني عمرها ثمانين وش بيصيرون عيالها
كادي/ما شاءالله
ـــــــــــــــــــــــــــــــــــــــــــــ ـــــ ـــ
توقيع
ريحة عطر..:: تاج المنتدى و كبار الاداريين سابقآ ::..