{ وقـــع ولـو بــكلمـــة } على جدران المنتدى..

[ابو فتون]

http://www.youtube.com/watch?v=y2PVUuxUwWg

[ج ـــلــنار]

ترقبوا فرجاً

وان كنتم لـا ترون سُحباً

فَـ كمْ من سمَاء قد أَمطَرت بَغته

ومن تحتها قد يأسَوا

*

[ميمي التميمي]

[ميمي التميمي]

[ابو فتون]

كان يا ماكان في سالف العصر والاوان ...


وعشان الترجمه .. ياحز حزيكم


محمد وخالد وصالح وفيصل يتعشوون بالمطعم فجأة يتصل عليهم سعيد .. شباب مادريتو


فلانة عطتني صورتها بالمسن بعد ما اقتنعت اني احووبها


محمد : ايووووووووووه يابطل انت كذا


خالد : ها بشر حلوة والا لا ؟؟؟


صالح : ياوااااااااااااد ياشديييييييد قدرت تجيب راسها


فيصل : ارسلنا الصورة بسرعه بالوسائط


سعيييد : ههههههههههههههههه عشان ماتشككون في قدراتي مرة ثانية ...


بس يا شباب صراحة البنت قطعه ماعليها اي كلام


مرت الايام ...


سعيد : يابنت الناس اقوولك تطلعين معاي والا والله افضحك


فلانة : حرااام عليك انا احبك انت ليش تسوي فيني كذا


سعيد : اي حب الي انتي تقولين عليه والله ضحكتيني
تجين اليوم المكان اللي قلتلك عليه والا صورتك بالنت


الساعه 12 بالليل .. يشبك سعيد بالنت .. وينزل الصورة بالنت


بنفس الموقع الي نزل سعيد الصورة ... كان عبدالعزيز يشوف الصورة


يااااااااااااويل حالي من هالمزيوونه <=== ويحفظ الصورة بجهازة


على طول يمسك تليفونه ... الوووو تعرف اسير الغرام منزل صورة بنت قطعه بالشات


اسمع انا بس برويك اياها انت وسالمين وعبود وفرج وكرامه وعوض ....


تعرف يا محمد اعراض ناس هذي ومابا اشيل ذنب احد ....



وتوته توته خلصت الحدودته ....



قصة يمكن تكون مكررة في حياتنا نسمع عنها كثير


اللي ودي اقوله يابنات ويا شباب ....


قبل اي شي اتقوا الله خافوا ربكم في بيتكم يا شباب خافوا ربكم في اهل بيتكم


ترى اي تصرف تتصرفون فيه مع بنات الناس تدور الايام ويرجع لاهل بيتكم ...


لا تقول انا ذكي انا شاطر .. انا حريص على اهل بيتي ولا اعطيهم نت ولا تليفون


ربك فووق يمهل ولا يهمل ... كم في واحد كان احرص منك ورجعت فيه في اقرب الناس له


وانتي يا اختي ... خافي ربج .. اتقي الله في شرفج وعرضج ..


اهلج يوم حطوا النت في البيت قدامج كانوا يثقون فيج ويراهنون بثقتهم عليج


لا يجي يوم تخيبين فيه هالثقة وتندمين فيه وصدقيني وقتها ماراح ينفع الندم ...


الشات ... والمسن .. والمنتديات والنت بكبره .. سلاح ذو حديين


استخدميها بحدود لا تخلين عواطفج تأثر عليج .. لا تصدقين كل من يقولج كلمتين حلوة


لا تصدقين كل من قالج انا ارتحتلج .. وانا حبيتج .. انا من شفت اسمج فز قلبي


لو يبى يدق باب بيتكم .. لو هو جد يحترمج اساسا ماراح يحطج في هالموقف


اقول هالكلام من خوفي عليكن يا بنات ... ترى انا ماني معفية عن الغلط


ولا احسن منكن ... بس اذكر نفسي واذكركن ...


نقطة ثانية يا بنات .. مب كل من كان لونها وردي تصدقين انها بنت .. لايغركن الوردي ترى


تحت البراقع علوم ...


بعدين يا جماعه لين متى بنتم نتباهى بتصيد الاخبار .. فلانة سوت وعلانة عطت فلان وجه


وفلانة تراها تحب علان ... الله امرنا بالستر .. واللي يستر على مؤمن بالدنيا ربي يستر عليه


بالاخرة .. اما من يجاهر بمعصيته خلونا نقول ماله اي قبول من بينا ...


انصدمت بواقع مجتمع يحب تصيد الاخبار .. ياليت يكون فكرنا راقي اكثر ونرفع نفسنا عن


هالمستوى ...


اخواني وخواتي ...


الله يعافيييكم كل حرف تكتبونه هنا تذكروا ان فيه رقيب وعتيد يسجلون كل شي نسويه


تذكروا ان فيه يوم ماراح يفيدنا فيه الندم ...


خلونا نبسط الصورة شوي كنت بالسوق وفرضا عجبك شي وخذته ولا حاسبت عليه نسيت


او لا قدر الله سرقت .. ماكشفوك ماحد راح يحاسبك عندك فرصة تتوب تستغفر ربك


بس بيوم القيامة مافي اي مجال انك تهرب من اي شي .. ولا في توبه ولا غيره راح يكون


هذا يوم الحساب .. وتذكر بيكون حسابك على الملأ


يا جماعه .. رسولنا الكريم كان يتوب كل يوم وهو مغفور الذنب .. فكيف فينا نحن المساكين


همسة اخيرة



لي ولج وله .. اناماقلت هالكلام الا لان الذكرى تنفع المؤمنين ...


فخلونا نذكر بعض دائما باخطائنا ونحاول نعين بعض ع الطاعه ...


اعتبرها رسالة من


امك .. اختك .. بنتك .. زوجتك