يا قلبي ..

الله يعينك وينصرك..
ومالنا غير ندعيلك..

وصدقيني يهمنا نعرف اخباارك..

الله يوفقك ويكتبلك اللي فيه الخير..

بسم الله الرحمن الرحيم

اعزائي ماقصرتو بس عندي نقطة بعيد عن اطفالي لو عاشو مع ابوهم بينفق عليهم غصب عليه بس انا لو رجعت راح تتكرر نفس المأساة والظلم والقهر وش ضمني انه بيعدل اصلا الكتاب باين من عنوانه ماراح يعدل هل المفروض اني اتنازل عن حقوقي كزوجة واصبر ؟ ماذا ان كنت احلم بحياة طبيعيه حياة سعيده من دون حسرة والم هل حلمي مستحيل ام لأني انجبت اطفال فواجبي هو التضحية بكل احلامي ! لاتفهموني غلط انا احب ابنائي جدا لكن متى سأحب نفسي متى سأعيش مرتاحة البال انا من برج الحوت ويقولون ان صاحبه يكون انسان حساس ورومانسي ويعيش في عالم خاص .
لم اكن اتوقع ان يكون الزواج بهذه القسوة والمراره هل هذا بسبب الزواج المبكر؟ نتزوج ولانعرف ماعلينا ومالنا من حقوق وعندما نفهم الدنيا نكون انجبنا ابناء وتكون مسؤليتنا تجاههم وتجاه انفسنا اكبر انا الان اطالب بحقوقي وبكل قوة او الانفصال شرعه العزيز الجبار اذا كانت الحياة مستحيلة سأكون انسانة قوية لن اسمح لاحد ان يخطط لحياتي ويجبرني على شيئ لااريده لقد اكتفيت !!!!!!!!!

اشكركم دمتم بحب

اختي نصيحه لله

اتركيك من الابراج وش تقول لك

هذي خرافات وخرابيط

كل انسان في هالدنيا المفروض يحب نفسه ويحب يعيش صح وسعيد

بس فيه شغلات تضطرنا نتنازل عن بعض ما نرغبه في سبيل سعادة اخرين

انتي بتتنازلين عن حياتك لعيالك

مو لاحد ثاني

ومن ترك شيئا لله عوضه الله خيرا منه

تبين تتطلقين وتتزوجين من جديد ما ادري

بس ما فكرت بعيالك ووضعهم وش بيكون

طيب خلينا نفكر سوا

مع ابوهم وزوجته راح تخاف من زعله وما راح تأذيهم

طيب هل راح تهتم بصحتهم هل راح تهتم بمستقبلهم زيك

خلاص بنقول راح تخالف هالقاعد وبتسويها
انتي وين مكانك بحياة عيالك اللي بكره بيكبرون ويشوفونك مو موجوده بماضيهم

انتي راح تضمنين الجديد ما احد يقدر يضمن احد

عشان كذا اقولك بلا حب بلا وجع قلب

وش جانا من ورا هالحب غير الالم وغير الجفا وش جانا ؟؟

ما كذب من قالها وربي

عيشي بقلبك مع اللي يستاهلونه

هذا رايي وبس

اختي الكريمه انا مع اختي اغانيج كلامهاا عين العقل

وعليك باالدعااء والصبر

والله يوفقك ويهون عليك

اعزائي
لقد حاولت ان اتواصل معاه بالرسائل جس نبض زي مايقولون فقلت له في سوق افتتحوه عندنا وانا والعيال ودنا نروح محتاجين ملابس وشوية اغراض قال لجيتي وديتش محل <رخيص جدااا>اشتري منه قلت له ماابيه ابي الي قلت لك عنه وبعد تراني مديونه مصاريف الاولاد .
المهم استمرت الرسايل بينا اخر شي قال (سبحان الله جوال ولااب توب عندك) وتقولين عليك ديون؟
انا الله يعلم شريت هالاب توب على حساب خوي واسدد له اقساط وبعدين ياجماعة الخير هو يستخسر يشوف عندي شي متعود اني مااطلب شي ولاعندي شي يعني كل تقشف والعكس اشوفه مع زوجته الفلوس في يدها وحتى لاب توب شرا لها (مع انها لاتعرف القراءه) والهدايا اذا ولدت وانا العكس في كل شي في المعامله في المصاريف في السفر في الدلال وتقولون لي رجعي انا احس لني لرجعت بفعل الضغوط الي حولي بنفجر بستخف الله مايرضى بالظلم ولا ابي اعيش بقهر زي قبل انا بعيده عنه احس براحه نفسيه بس اقوم اتواصل معاه احس بضيقه واكتئاب ولا اتخيل اني بنام معاه بسرير واحد اشمئز من هالشي واخر شي يقول اذا ماجبت لك الضغط اذا ماوديتك مستشفى الامراض النفسيه !
قمت احس انه عدو مستحيل يكون اب او زوج وتلوموني!!!!!!!!!!!!