لكل اب وأم تفضل واعطنا من خبرتك في اسلوبك مع اطفالك

[أغ ـــانيج]

ذكو يا لبى قلبك يالغاليه

شاكره لك مرورك الغالي

الاطفال اكيد يبيلهم سياسه لأنهم ما يفهمون المطلوب منهم زي ما نفهمه

كم عمره ولدك لأن فيه سن الطفل فيه يحب التملك

دائما حاولي في العابه تكون يبيلها طرف ثاني يشاركه

بتضحكين علي بس وربي حقيقه

بناتي كانو كذا

جبت لهم كيرم >>يا قدمك خخخخخخخخخخ

لا جد والله برضه اونو والعاب بلايستيشن تحتاج شخصين للعب

وانتي حاولي دايم مثلا تقسمين من اي شغله معااك له يعني مثلا شيبس او شوكلاته اعطيه النص

عشان يتعود العطاء

طبعا هالمعلومه برضه قريتها بمجله ونفذتها والله جابت نتيجه حلو صحيح اوقات تجي هالشغله

بس قليل ..

حياااك يالغاليه

[أغ ـــانيج]

كتكوته الشقاوه الله يعين عليهم بهالسن مرحلة الاستكشاف
انتي حرصي كل مكان فيه خطر قفليه

يعني زي المطبخ مثلا دايم مقفل والحمام اكرمكم الله

بس تكفين الضرب لا والله ما ينساها

ولا تقولين صغير وما يتأثر تأثيرها على المدى البعيد

مو الحين

تبين ولدك مهزوز الشخصيه وغير واثق من نفسه مستقبلا

فكري فيها وقرري

الله يعيننا ويعينك

[أغ ـــانيج]

اميره فتره وتعدي حبيبتي

انتي فهميهم نفسيتك هالايام

وقولي لهم تبوني اتعب منكم هم ما شاء الله فاهمين ويمديك تكلمينهم

اطلبي منهم فترة هدنه واوعديهم بشي يحبونه نهاية الشهر

وقولي لهم اللي يصيح راح يعاقب بحرمانه من الكلام لمدة ساعه مثلا

تصدقين طبقتها الاسبوع الماضي

كنا بالسياره وما شاء الله ماوقفوا قرقره عن المدرسه واللي صار فيها والبنات

طلبتهم يسكتون مره ومرتين الثالثه حلفت اللي بتتكلم قبل تخلص نص ساعه تنحرم من الطلوع المره الثانيه

طبعا والله مو كارهه كلامهم بس ما ابيهم يتعودون يقولون كل شي

وراهم مستقبل مو بس المدرسه

جربي ممكن تجيب نتيجه..

[أغ ـــانيج]

يا ورد يا عمري يا قلبي

ضربك له هو السبب وربي

خلى شخصيته عدوانيه

فاقد اليء لا يعطيه

انتي تحبينه هو كيف يفهم هالحب اذا ما حسستيه به

تصدقين اوقات اعصب عليهم بس عودت نفسي بعد نصيحة الشخص اللي استشرته وما ادري اذا دكتور او اخصائي

سألني سؤال صعب ما عرفت اجاوبه

قال انتي تضربي بنتك تنتقمين لنفسك ولا تأدبينها

ما عرفت اجاوب

لأني فعلا اربكني سؤاله

قال اذا كنتي بتنتقمين فهذي طفله ما راح تدافع عن نفسها وهي ما قصدت انها تضايقك واذا كنتي تبين تأدبينها عمر الضرب ماراح يخليها تتأدب

فيه طرق كثير احسن وافضل

الضرب راح يخرب اكثر مما يصلح

راح تهدمين شخصيتها

وهذا للي حصل يا ورد مع ولدك نواف وبنتي الكبيره

المطلوب منك الحين تقربين له وتوقفين معاه بدون ضرب ضد اللي ضربه

خوفيه وقولي له ان ضربته مره ثانيه لا تلوم الا نفسك

لا تهددينه بتكفخينه ولا بتكسرين راسه

هدديه وبس

والاطفال اللي بسن نواف انتي اهديهم شغلات وكأنها من نواف وقولي لهم نواف يحبكم ويبيكم تلعبون معااه

اشتري لهم صلصال مثلا وخليهم يتسابقون مين يصلح شكل حلو وانتي جالسه معاهم

فتره لين يتعود نواف على المشاركه وهم يتعودون عليه ويحبونه

الله يرزقك طوووووولة البال والصبر يالغاليه

ويشفيك من السكر والضغط

استعيني بالله هذا نواف يا ورد نواااف ^_^

[أغ ـــانيج]

القائده والله العظيم لو اقولك من اعظم الاسباب اللي ساعدت بنتي على تذكرها الصلاه

يمكن ما تصدقين

بس اقسم بالله اني لاحظت هالشغله

تتذكرين موضوع الفارس ابو باسل الله يوفقه ويجزاه الجنه

اللي دائما تقولين بعد كل صلاه ربي اجعلني مقيم الصلاة ومن ذريتي ربنا وتقبل دعاء طبعا ان قريتها اذا كنتي تقصدين بها دعاء تقولين وذريتي عشان يصيبرون كلهم بأرادة الله

تصدقين جاب نتيجه خطييييييره

الكل يسألني عنها يوم يشوفونها حريصه

حتى بطلعات البر والاستراحات تحرص تجيب شرشف الصلاه حقها عشان تصلي وتتذكر وتبكي لو فاتتها صلاه وصلتها متأخره

كانت تزعل مني اذا شافتني اصلي وقت العذر الشرعي

اضطريت اعلمها بأن فيه فتره تمر على الحرمه ما تصلي فيها لأني ما ابيها تتساهل بهالشغله

ولا ابيها تحقد علي

ربي اجعلنامقيمين الصلاة وذرياتنا ربنا وتقبل دعاء