كلمه من عندي وبيت شعر من عندك

[إحساس فوفو]

ترسل رسايل عشان انك تراضيني @ يازين خل الرسايل وسط جوالك
النفس طابت واظن ماعاد تعنينـي @ دربي لحالي ودربك خله لحالك
مانـي مـداري وليفـن مايداريـنـي @ لو كان كلك حلا والزين منزالك


(نكر الجميل)

[سوياعات الاصيل]

من هو اللي علم عداي نكران الجميل
ومن هو اللي خان خلي وحاول يقنعه

كل عاذل ردني عنك يالطرف الكحيل
ياعسى الله يقلعه ياعسى الله يقلعه

يامعرض قلب الاحباب للدرب الطويل
السعه لا بارك الله بالضيق السعه

والله ان الوقت قاسي وانا ماني ذليل
واشهد ان الرجل مرات ظنه يخدعه

وانتم اتعذلون خفاق بعيون العديل
مارحمتم نار جرحه وحيرة مدمعه

والسوالف ليلها ليل والحايل يحيل
والمشاكل مشكله بمشكله متجمعه

مشكله لا خانك الوقت بالحمل الثقيل
لو زرعت الزرع هوج العواصف يشلعه

ومشكله لاصار عاذلك مايبرد غليل
لا ترده طيب كلمه ولحد يمنعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه








الكذب

[انثى حالمة]

*

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

ببعد بعيد واوعدك ما احني
ابشر اببعد ومع حبيبك بخليك

وابي مماتي ياخذ الروح مني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك



( وينك )

[السفير ماااجد]

وينك حبيبي مبعـدٍ عنـي هنـاك؟
وين اتصالك يا بعـد كـل غالـي؟
ان غبت عني .. غابت الروح ويّاك
تسهر عيوني مـا تبـات الليالـي
يا شين وقتي يـا غناتـي بليـاك
عمري بدونك .. لا حشا ما هنالي
ياكـم اردد ونتـي زود فـرقـاك
تدري حبيبي ضاق دونك مجالـي
ارحم بوصلك من يحبـك ويهـواك
أسأل وليتـك تستجيـب السؤالـي
والله عمري لومضـى .. آتريّـاك
اصبـر ولا ابـدل بغيـرك بدالـي
قلبٍ يحبك يسعـد ابيـوم لقيـاك
تدري مرادي بس .. لحظة وصالي
عينٍ بشوفك تشرق بشمس روياك
وشوقي تعدّا يـا حياتـي خيالـي
صدّق حبيبي ما معي حد يسـواك
ارجع دخيلك .. يا بعد كـل غالـي




سافرت حبيبي

[انثى حالمة]

*

كلّ ما سافر حبيبي سافرت عيني معاه
ترتجي كلّ السلامة في غيابه والرجوع

هو حبيبي .. هو غناتي.. مالي من دونه غناه
واكتفي به من غلاته عن غلا كلّ الجموع

كلّ هذا الحب ياللي عاش بإحساسي .. رعاه
حبّنا بستان يانع مزهره فيه الفروع

يأمر وينهي حبيبي..عشت أنا أطلب رضاه
يأمر وينهي وقلبي عاش في أمره خضوع

صافيٍ في الحب وافي..ما قصر عنّي عطاه
من حنانه.. من دلاله..والغلا من كل نوع

كلّ عمري ينتهي به ويبتدي لحظة لقاه
يكفي انه ساكنٍ بي في الحنايا والضلوع

انتظرته..والنوراس..تنتظر طلعة سناه
وانتظرته..كانتظار الشمس في حزّة طلوع

السفر طوّل..ولا ادري..كيف؟..وش آخر مداه؟!
والسؤال اللي ذبحني: من بيمسح لي الدموع؟!

ليت يدري في غيابه مدمعي يا ما بكاه
أظلم الليل بغيابه..وأظلمت كل الشموع......


الحلم