للأسف هم الآن يلعبون وأنا أقول يا هلا ومرحباً باللعب
كلمني عمي أبوها وقال والله حاولنا في البنت وتقول معاد تبيك فرديت عليه
1 - أنت كلمت عمي الكبير وعطيته شروط والبنت كانت موافقة ووافقت على الشروط
2 - أنت تعرف تمام إن الغلط منك ومن بنتك وتعرف إني ما أخطيت بكلمة وحدة
3 - لكم إلى يوم الأربعاء القادم وبأجيكم إذا بنتك تبي ترجع أهلا وسهلاً وأنا رجال شاري حرمتي وإذا ما تبي ترجع فخلها تجهز ولدي وتجلس عندك حتى يطيح إلي براسها وبعدين جبها أنت يا عم مثل ما أخذتها وبأتزوج وبأعيش حياتي لعب عيال مو عندي يا عم
فرد علي من اليوم حتى الأربعاء القادم يحلها رب السموات السبع

الله يردكم حق بعض



ليش ماتتفاهمون مع بعض الموضوع يخصكم انتم



من رأيي انكم تجلسووون لحالكم واتفاهمووو لا افلان والاعلان ايش دخلهم هذا شئ راجع لكم انتم


واذا اتفاهمتوو يصير خير

حرام ولدكم فكروه فيه

الله يهديكم ويهدي عمكـــ


والله يكتب اللي فيه خيرهـ

يا الله الله يعينك
اسكت عنهم وطنشهم ولا تتصل ولا ترد عليهم لكن حرام تحرم الولد من امه ولا تهددها بالولد
لأنها مو رجولة ابد ولا تقول إن هددتها بترجع ترى بعضهم يعاندوا وبتكبر السالفة للمحاكم طنش
احسن شئ والله يهديهم ولاتكدر خاطرك تراك على حق والحق عند رب العالمين ما يضيع
والله يردكم لبعض

اليوم كلمني عمي ويقول البنت تبيك يعني كل يوم مزاج وعندها شرط الدراسة لازم تجلس حتى شهر 7 وتستلم شهادتها بعدين تجي تأخذها
وشرطها الثاني تجيب لها خدامة فلبينية
قلت له بنتك ما أبيها كنت أموت فيها وكانت أحب الناس لي وألحين أبغض إنسانه على وجه الأرض وولدي جاي آخذه
واليوم رحت طلقتها في المحكمة وأخذت صك الطلاق وجمعت أغراضها كلها وحطيت معها 10000 ريال وبأوديها لها يوم الأربعاء والحمد لله على كل حال نصيب ومكتوب
والله يعوضني بإنسانة تعوضني حياتي إلي راحت أشكر كل من مر على هذا الموضوع وكل من أبدأ رأيه
حاولت معهم بشتى الوسائل ولكن كانوا يأخذون الموضوع بالهزل والتعالي وأكثر ما عورني في الموضوع اليوم دموع عمي وهو يكلمني ما توقع ردة الفعل تكون بهالطريقة
اللهم لك الحمد حتى ترضى ولك الحمد إذا رضيت ولك الحمد بعد الرضى