موقفي آخر الليل ...
الله يسلمكم هالموقف كان في ليله من ليالي الصيف الرائعه ..
كنت انا وزوجي وانوس ع الوجهه البحريه بالخبر يمكن الوقت كان 3 الفجر
واحنا في هاللحظه صايره معارك مع انوس مايبي يمشي الموهم وابوه يشيله ورايحين للمواقف اللي بجنب ماكدونلز اللي قدام جسر المشاة ..
وابي اركب الا اللي قدامنا مو بعيد تجوفيهم زين الرجال واقف عند مقدمة السياره والبنت تبي تبوسه وتدف جسمها عليه انا في هلحظه يمممه ارجف
وكنت اقول يلا نبي نروح البيت تعبانه مو قصدي مابي زوجي يجوفهم لانه
لازم يسوي له بصمه هههه الموهم لمحهم وقالي جوفين اللي اجوف وانا اسوي نفسي ماجوفهم المهم قلتله ايه جفتهم قالي يلا اركبي يمه انا هنا قلبي
خلاص بس يرجف وع قوولتهم جتني ام الركب ..
مرهم وقال للولد السلام عليكم .. يمه ..الولد رد بخوف وتردد وعليكم السلام
في هالموقف البنت كانت واقفه عند باب الولد تبي تودعه يعني مو راكبه معه
قاله زوجي ترى مايصير تسووون انت وزجتك الحركات هذي قداام الناس
مولايق ..الولد قام يرجف ويقول موشغلك زوجتي الا اختي
قاله زوجي اشك انها زوجتك والبنت لازالت واقفه عند باب السواق
قال لزوجي طيب اوريك اذا زوجتي الا لا قالها اركبي يلا
وهي راحت للباب وركبت وقال لزوجي اتبعني
هناااااااااااااااا انا خلاص جلست اصيح وقول وشتبي فيهم الله يقلعهم
وزوجي عندي الا يثبت له انا موزوجته وهو فعلا واضح انا صاحبته
ويتبعه زوجي واحنا بالطريق قلت له لو دق ع اصحابه ووعدهم قالي مراح يسوي شيء والشوارع مليانه ناس رايحه جايه ..
ايه وصلنا للشقق قريبه من الكورنيش ودخل زوجي اللوبي وهو راح معها فوق يقول بجيب الاوراق الثبوتيه..
السوداني اللي ع الكونتر ميت خوووف مرعوووب
وجاء وجاب جوزواتهم قاله زوجي ماتثبت انكم متزوجين
ويطلع دفتر عايله وبسرعه يراويه زوجي وماخلاه يمسك بيده
وقعد يقول لزوجي والله انك رجال طيب واني اخطيت عليك وسامحني
وترى ماصار شيء ..
لانه يوم كنا في المواقف قال الولد لزوجي بروح اعلم عليك الشرطه انك تتهمني انها مو زوجتي قاله زوجي يلا انا معك وبقولهم اللي شفت وبطلب الهيئه
هنااااا الولد خلاص بلم ماقدر يقول شيء وجالس يقول كلام حلو لزوجي وانه مابيننا شيء وتكفى ومن هالكلام ..
عاد يوم بغى زوجي يطلع من الشقق المفروشه قاله ان شاء الله يكون لك درس
وخاف ربك وقال الود ابشر وهو مرعووووووب ..
طلع زوجي بعد ساعه وانا بسياره ومقفلتها ..هههه.. ميته خووووف
ويوم ركب زوجي قلتله خلينا نبلغ الهيئه قال لا صدقي مارح يجلسون سوى
لانه يخافون اني بلغت عنهم يكفيه ماجاه من رعب ....
يممممه وانا وقتها رحنا للبيت وانا مو مصدقه اللي حصل ...
فييييييييييييييييييييييييييييييييييييلم ههه اكشن ..
وانتهت القصه ....
ملاحظه ,,
زوجي لويجوف شيء مايسكت يجنني بعض الاحيان ..
الولد ابين انه 20 سنه واضحح
والبنت امبين من شكلها واحجابها وخوفهاااا لما لزم زوجي عليهم كانت بتمشي
بس الولد قالها اركبي ,,
والوقت كان متاخر بس الخبر يالبى قلبها بصييييف تصير زحمه للفجر ..
ًًًًًًًًًًًًًًًًًًًًًًًًًً
اتمنى انكم استمتعتوااااا واستفتوووا معي في فترة تواجدي بالاستضااااااااااافه
واشكر قوووووووووووووووووووووووودي ع الاستضافه الرائعه
العرض العادي
