لو وفيت وجيت يـومٍ زرتنـي
لو صدقت أفنيت روحي في هواك

لو سمحت بنظرتـك وأمهلتنـي
أحضن عيونك بقلـبٍ مانسـاك

لو لمست الوجـد بـي ولَّعتنـي
وأهتديت بنور قلبـي وأفتـداك

لو نظرت بعين قلبـك شفتنـي
مامعي مخلوق يستاهـل غـلاك

ليتك مـن الحـب ماخوَّفتنـي
كان أعيش ألفين عمرٍ في رجـاك

ياقليـل الحـظ لـو رغَّبتـنـي
كان أبخجل كل بدرٍ من ضيـاك

فمان الله يا أول من سكن بين الضلـوع العـوج
عسى دربك سفير و يا عسـى الله مـا يخلينـي

صبور ؟ أي و الله اني ما ثنيت العزم قبـل أدوج
بريضان الجفا و أظمـا لوصلـك ليـن تسقينـي

كريم ؟ اي والله اني ما عرفت الشح قبل تـروج
دموعي في عيوني ثـم أشـح بحسرتـي فينـي

دخيلك لا تلتفت رح بفالـك و أتـرك المرجـوج
تغانم ما بقـى لـك و لا أنـا مـا عـاد يمدينـي

فمان الله سق ركبك على درب السنيـن العـوج
و لكن طالبـك لا أقفيـت عنـي .. لا تخلينـي
للشاعر ضيدان بن قضعاان

فمان الجرح لا والله فمان أحزاني الكبرى..!
..........فمان أغلى ثلاث شهووور مت إبها عشان أعيش..!
فمان الحب وأحلام القلوب البيض والخضراء..!
..........فمان الآه من كثر الزعل والشوق والتطنيش..!
فمان عيونك اللي مالها بين العيون أخرى..!
..........فمان غروري اللي علم الطاؤوس نفش الريش..!
فمان عطورك اللي تسكن أنفاسي وبالأحرى..!
..........فمان أنفاسك اللي تسكن عطوري وماأدري ليش..!
فمان الليل وأحضان الدفى ومصافح القمراء..!
..........فمان الباب ودفى الأحباب يوم نطيش..!
فمان التوت والرمان وأحلى فاكهة حمراء..!
..........فمان الضحكة اللي كنها من مبسمك بخشيش..!
فمان غيابك اللي ماترك لمواصلك بشرى..!
..........فمان الشك وضنون الخطأ والكذب والتشويش..!
فمان الله يا قلبي مع إنك جرح مايبرى..!
..........كتب ربي علي أعيش من دونك وأنا ماأعيش..!


للشاعر محمد الشهري

انا الي بيوم تمنيتك
ترجيتك وناديتك
انا اللي قلتلك
كل الفرح بيتك
تعب صوتي ومليتك
تعب قلبي وخليتك
انا اسف..... انا اسف
اذا في يوم حبيتك