اختي العلوم ...انت هلأ بمرحلة صعبة بس اهم شي بناتك , لو ما كان عندك بنات كنت قلتلك هلأ اتركيه ما بيلزمك , بس حرام البنات يوئعوا بسبب غلطة ابوهم...قبل ما تقرري انك تروحي لبيت اهلك أو انو بدك تتطلقي راجعي نفسك أول...شوفي شو قصرت بشو دايئتي ...اكتشفي سبب تصرفاته هذه وحاولي تعالجيها بهدوء....جربي تعملي كل الشخصيات وكل الادوار حتى لو كان من برة قلبك ....غيري بشعرك ,مكياجك , لبسك , عطرك ,وكلووو للأحلى طبعا...طريقة تحضير السفرة ,غيري ترتيب البيت غرفة الجلوس ,غرفة النوم , مرة البسي وشخصي واغري بدون ما تقربي منو ,يمكن يشوف فيك شي ما شافو او ما انتبهلو من قبل ,يمكن يصحى على حالو , ومرة نامي وطنشي عالآخر أو اسهري مع بناتك مع لعب وفرفشة وضحك , مرة بينيلو انك حزينة بس ما تلجئيلو ,تقصّدي انو يسمعك وانت بتحكي عنو اشياء منيحة مع بناتك او عالتلفون بس بلا ما يحس انك قاصدة , هيك كل فترة شخصية بس اهم شي تبعدي عن العصبية ,كمان بناتك الهم دور خليهم يتقربو من ابوهم اكتر ,يجيبولو هدايا , يلعبو معو , يطلعو معو مشوار ,يشغلو وقتو شوي ويهتمو في ويدلعو عليه....الخ
وانت ادرى شو ممكن تتفنني كمان .....وكلو مع الصبر والصبر والصبر....وهذا دعاء فرج الكرب(اللهم اني عبدك وابن عبدك وابن امتك , ناصيتي بيدك ,ماضٍ في حكمك , عدلٌ في قضائك ,أسألك بكل اسمِ هو لك ,سمّيت به نفسك ,أو أنزلته في كتابك ,أو علمته أحدٌ من خلقك , أو استأثرت به في علم الغيب عندك ,ان تجعل القرآن ربيع قلبي ونور صدري وجلاء همي وذهاب حزني ) داومي على قرائته مع الدعاء وقراءة القرآن في البيت .....والله بأذنه سيخفف عنك ويزيل حزنك ان شاء الله
بالتوفيق يا غالية
العرض العادي
