نسيت اقولك اني اخذته وانا ماشفته وهو اللي كش على قولته لماشافني لان الكوفيره حسبي الله عليها سلمتها نفسي فحطتلي مكياج برونزي ونفشتلي الشوشه ومن الخجل مارفعت راسي فماشافني زين وانهبل وماشفته بعدها الابد3شهور ياحرام مصدوم ووصلني الكلام وقررت اني ما احط مكياج ابد خله يشوفني علي طبيعتي وفعلا لما دخلت علي كان يقرا كتاب ففتح فمه والله ماني ناسيتها قال انتي مين طليت فيه بقهر لان من استهتاره فيني جايني بثوب وسخ معدوم بالله احد يقابل خطيبته بهالمنظر واول كلمه نطقها بتكبر والله اثريكي حلوه والله ماحسبتك انتي توقعت وحده من اخواتك وكان معيد وقتها بالجامعه وضغطت عليه الين اخذ الماجستير والدكتوراه ليته مااخذها زاد تكبره على وانا اللي كنت اسجله واتابع واساعده الين خلص مادري ه يرده فعل ابي شي يعوض عن شي المهم 9سنين محاولات ومايأست الحمدلله الان بدأ يتغير وصار يهبل بعد مااستلمته مزبوط الاهتمام وعدم الاستسلام يغير وان شاء الله انه يتغير اكثر للافضل وككنت دائما دعائي(اللهم زين زوجي في عيني وزيني في عينه )والله لها نتائج عظيمه وانتي جربي واتركي الخرابيط الزايده عنك وانتي ماتحبيين زوجك لو تحبينه كان ماتشوفين غيره وشوفي رغم كل اللي في زوجي عمري مافكرت اخونه بنظره وهالوسيمين لاقامو ولا قعدو عندي فالمعامله اهم شي فادحري ابليس وحافظي على زوجك قبل لاهو تزيغ عينه

الاخت طفش خلينا نقول ان الوضع اوروبي او غربي بصحيح العباره طيب شفتي شاب وسيم خلينا نقول ان زوجك طلقك وتزوجتي هذا الوسيم طيب بعد فتره شفتي شاب اوسم من زوجك الثاني شو رح تساوي تتطلقي وتروحين له وهكذا يعني مرح تنتهين ............................. مافيه استقرار عندك على فكره اذا حطيتي الشي هذا في بالك مرح تستقري ولا رح تنبسطي بحياتك مهما ساويتي حتى لو كان وسيم وفكري بعد لو كان زوجك عنده نفس التفكير اللي عندك ؟؟؟؟؟؟؟؟؟؟ عيشي حياتك وارضي بقسمه الله ونصيبه ..... لا يسخط عليك ربي بحظ عاثر تندمين عمرك كله عليه ..........
مع امنياتي لك بالتوفيق والنجاح .

ياحرمة اعقلي
على قولتهم

الرجال لو فحمة للحرمة رحمة

وبعدين الجمال ماهو اساس كل شي
المهم معاملته معك
وطيبتة وأخلاقه

وهذا انتي تعترفين بأنك تبين لة الزلة ومنتي لاقية

احمدي الله على النعمة اللي بين يدك
وربي يجعلة بعيونك قمرررر يارب

انتي في نعمه ومن زود النعمه بديتي تصحين ماهو حلو
بعدين احسن لك ويش تبين في رجال مزيون وحلو تقعدين خايفه عليه لا يتزوج او يلعب من وراك
نقطه اخيرة العينه من هذا مخلص لمرته يعني لو طحتي يكون وفي ويصبر عليك , لكن شوفي المزيون مغرور او ينكر العشره اذا حس بانه بداء يكبر يفكر في الزواج او يقعد يقهرك بقولت والله اني افكر في الزواج , اخيرا احمدي ربك على النعمة فيه بنات طايحين يدورون وجه عطارد وبلوتو وزحل

والله هذا من الشيطان خلاص تزوجتي وانجبتي لماذا تزوجتي اذا كان تريدين الجمال مانتظرتي لين يجي الجميل الحلو الرجل ليس بجمال تجاعيد وجهه الرجل بافعاله واقواله المراة هي الجمال ولاكن الافضل من الجمال ذات الدين خلاص الله كتب لك هذا الرجل من نصيبك فاستغفري وانتبه من ابليس وتصرفاته احمدي ربك فيه نساء ملي البيوت يبون نصف رجل وانت بعد هذه السنين من الزواج تبحثين عن الجمال في الرجال ياما نساء متزوجات رجال جميلين ولكن لا اخلاق ولا رجوله هداك الله