بسم الله الرحمن الرحيم شـكــ وبارك الله فيك ـــرا لك ... لك مني أجمل تحية .

عزيزتي انا ارى انك تثقلي وفي نفس الوقت حاولي توصلي له رسالة بأي طريقة تبين له أنك متضايقة من هذا التصرف يمكن يحس وأحب أوضح لك يمكن يكون من النوع الخجول وفيه ناس كذا عشان كذا لا تستعجلي الامور شوفي اقرب الناس له ووصلي الرسالة من غير ما احد يحس مثلا قولي لاخته كيف حاله لأني ما قد سمعت صوته من يوم الملكة وغيرها ما راح تغلبي تدوري سبب حتى توصلي له الرسالة والف مبرووووووووووووك وعقبال الذرية الصالحة ويارب يوفقك في حياتك معاه

ألف مبروك وبارك الله لكما وبارك عليكما وجمع بينكما في خير
والله ياقلبي أنا نفس اللي صار لي صار لك وسويت حركة غبية بعد الملكة بفترة وسمعت كلام الناس طبعا الغير متخصصين اني أنا أبدأ وأتصل واتصلت عليه وصدمني بكلمته قال : شكرا لك سمعتيني صوتك الحلو بس لاعاد تتصلين لأني ماأبغى الاتصالات.. بصراحة انصدمت وبكيت وبغيت أسوي مشكلة لكن قلت أبغى أهدأ وأتصرف بنفسي..بأشوف الموضوع يوصل لحد فين.. وتزوجت وتفاجأت بأشياء وأشياء حتى الجاهل يعرفها وهو كأنه بزر قالوا له انت رجال وفتحوله بيت .. مايعرف شئ في الرومانسية والحب .. أبدا ما يعرف يعبر عن الحب وما يعرف كيف يطلب أي طلب <<يعني أسلوب طلب الأشياء>>لايروح بالك بعيد..احم احم
وكان مسوي فيها رجال وفاهم وهو من جنبها
وحبة حبة بديت أعلمه مرة بالتلميح ومرة بالتصريح وأحيانا أجيبها بمزحة.. مثل ما قالوا: مزحة برزحة.. والله يبارك بها المنتدى..استفدت منه كثير..
والحمد لله الان فهم أشياء كثيرة وتعدل الحمد لله وكان يتحسف عالأيام اللي راحت وما استغلها بس الحمد لله انه تداركنا الوضع ولو اني بأسمع كلام أقرب الناس بيقولون وش تبغين فيه هذا مايبغاك هذا مايحبك هذا ...........الخ الخ
وما أخفيك سر بحياتي أنا كنت مخطوبة لواحد قبله وكان يحبني بجنون ورومانسي ودايم يسأل أهله عني ويكلم أخواته يوصلون لي سلامه.ويرسل لي حلاوة من البقالة .. بس كان مو محافظ على الصلاة .. ولما رفضوه أهلي قعد يبكي وعلى طول أمه اتصلت علينا وقالت ليش رفضتوه وهو رجال يبكي و يوعد انه راح يتعدل في دينه بس أهلي مارجعوا في كلامهم.. وبعد فترة بسيطة انخطبت لزوجي الله يحفظه لي وكنت زعلانة وأقول فرق كبير بينهم .. في الرومانسية والشكل.. وهو خطب وتزوج وسافر وأنا مكانك سر مارحت الا أبها ثلاثة أيام حتى مكة وهي جنبنا مارحت
والان لي أربع سنوات متزوجة وحياتي الحمد لله والشكر مستقرة واللي كان خاطبني هذاك الرومانسي محاكم وقضايا ومشاكل وبنات وصار مخدرات اللهم لاشماتة يارب لك الحمد
فالرومانسية يا أختي العزيزة مو شرط النجاح في الزواج لكن انتي ممكن تجعلين نفسك سعيدة أو تعيسة
أنا ما أقول ان زوجي الحين مرة رومانسي بس تغير كثيير عن أول وأنا أطالع اللي أقل مني ما أطالع اللي أحسن والمرأة الذكية هي من تفعل ذلك..
وأخيرا أسأل الله لك التوفيق والسعادة في الدارين
أختك:
أم تييييييييييييييييييمو

لا تهتمي الامر عادي جدا
كم وحدة تمنت الفكة من مكالمة خطيبها واعرف ناس كثير تصير بينهم مشاكل بسبب ها المكالمات ريحي مخك وتوكلي على الله

مرااحب
تصدقي حياتي أنا مريت بنفس الحاااله اللي مريتي فيها والله العظيم كنت اعاني معاناه
خصوصا اني ملكت انا وأختي مع بعض كنت اشوف زوجها داااااايم يكلمها دااااااااااااااااااااااااااااااايم وانقهر اقول ليش الثور حقي مايكون زيييه حتى كانوا اللي حواليه يحسون بالحزن وأنا ماقدرت اتصل حتى مررررررررره مرضت وجلست في المستشفى يومين كمان طلعت ع مسؤؤؤؤليتي وماعرف الأخ الا من ولد عمي حبيبي الاول ههههه راح يسأله
بعدين كلمني وما عطيته وش لييييه لأنه مادرى عني ولايسال حتى والله العظييييييم إني كم مرررره فكرت اتطلق منه قبل الزواج لكننننننننن بعد الزواج الف حمد وشكر يااااااااااااااااااااااااااارب عن جد الحمدلله والله اني سعيده مرررره والله اللي كانوا يكلمون في الملكه إنهم ندموا بعد الزواج
حيااااتي أنا اكثر وحده حااااسه فيك لأني عشت اللي تعيشينه؛؛
الله يوفقك لاتفكرين وتعبين نفسيتك وانشالله اذا تزوجتي تعيشين احلى حياااااااااااااه ياااارب
تقبلي مروووووووري