والله ياااخوي ابو لمى
ماشاء الله كفوو ووفو الإخوان ,, بس انا حبيت طرح رأيي بس
احس لو نظرت للموضوع بالمنطق بعيييييييييييييداً عن العواطف ,, علاقتكم
مستحيل يقبلها عاقل !!!!! يعني علاقة خطأ من الأساس
كيف بتكمل بسلام (مابني على خطأ فهو خطأ)
علاقة من بدايتها ماهي صح وحرام شرعا كيف بتتوفقون بزواج؟؟؟
غير كذا انا في سؤال محيرني نفسي تجاوبنا عليه ,,
قبل زواجك ليش ماخطبت اللي تحبها ,, ورحت لغيرها؟؟
نقطة ثانية ,, يوم تقول انك حسيت بالذنب لما
رفضت الخطاب اللي جوها ,, ترى انت مالك ذنب ,,
هي رفضت اللي خطبوها وماكان
عندها علم بحبك لها ,, على اي اساس تحمل نفسك الإحساس بالذنب؟؟؟
نصيحتي لك من اخت والله اتمنى لك ولعيلتك التوفيق بإذن الله
دور بهـ الدنيا اللي يحبك ولا تدور اللي تحبه
وترى اخلاص ووفاء زوجتك صدقني يسااوي اضعاااااااف اضعاااااااااااااااف حبك السابق
الحياة الزوجية اووول ماتقوم عليه الاخلاص ,, اما الحب ينولد تراه
تخيل معي هذي اللي دقت عليك وذكرتك الحين ,, لو فعلا ارتبطت بها ,, هل فعلا
تآمن تقفل عليها باب وتروح مشوار؟؟؟
هل تضمن ان حبها لك يدوم ؟؟؟
ماتتوقع انها بكرة ممكن تحب غيرك وتروح ترفع عليه سماعه ,, وتسوي مثل ماسوت
معاك؟؟
ارجوك لا تفهم اني اغلط عليها ,, بس هذي كلها احتمالات واردة ماهي
مستحيلة ,, احس الواجب منك الحين تفهمها
انك ربي تمم عليك نعمته وجاك نصيبك وانك راضي ابقسمة رب العالمين ومرتاح
بحياتك وتحب زوجتك ومستحيل تفكر تتزوج عليها لا هي ولا غيرها ,,
حتى ماتحط زوجتك براسها وتفهم ان زواجك متماسك وعلاقتك بزوجتك خط احمر
مو مسموح لأي شخص يهدم هذا الرباط المقدس
و قول لها انك تتمنى لها ولد الحلال اللي يسعدها وينسيها حبك وعسى ربي يوفقها مع غيرك
اعذرني لو اطلت ,,
عسى ربي يجازيك على طاعتك له بترك العلاقة هذي ,,
ويسخر لك زوجتك ويرزقك منها الذرية الصالحة ويجعلها دوووم مخلصة لك لآخر العمر يارب
تحياتي,,
04-16-2011, 01:59 AM
رد: رجعت لي بس بعد ماتزوجت .. ياناس وش اسوي
المواضيع المتشابهه
العرض العادي
