الشوق ياسيد المزايين لك أنت



أنت الذي شوقي وقلبي ملكته



وحدك من احساس المشاعر تمكنت



ومعك طريق الحب وحدك عرفته

سلامتك والله يحفظك ويبقيك

ويقبل دعاتك في صلاتك وصومك

ياجعلني ماذوق حزنك ولا ابكيك

يافرحة سنيني عسى الله يدومك

ليت التعب فيني حبيبي ولا فيك

وياليت يومي ينتهي قبل يومك

ودي اضم ايديك واقبل ايديك

وافرش لك ذراعي مخدة لنومك

وان قمت من نومك وعيني تراعيك

سولف عن احلامك وعطني علومك

استأذنك لحظه دقايق بخليك

بروح ابشر عالمي في قدومك

في غيبتك احلم اشوفك واحاكيك

سمتني الدنيابعدك محرومك

ياما تخيلتك بدربي واناديك

واقول !!وشفيها تردت عزومك

لك وقت متغيرعلى قلب مغليك

ماكنه الي شال عنك همومك

ابيع من عمري على الناس واشريك

لو باعتك دنياك مارخصت سومك

ماهو على شانك على شان ماضيك

مهما تسوي اعذرك ماالومك

هذاخيالي كل ما مر طاريك

والا الحقيقه عايش ارجي غيومك

اضحك على نفسي اذا قلت مابيك

انت القمر والناس هذي نجومك

حببتني في كل حاجه حواليك

مانيب من قومك واحامي لقومك

ماقول غير الله يحفظك ويبقيك

وياجعل يومي ينتهي قبل يومك



</b></i>

يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر

العيد عمًت فرحته كل الاوطان




ثم اشرقت شمس المحبه سناها


يهدي من الفرحه تغاريد والحان



ويرسم على البسمه حلاوت شفاها


وحد جميع الناس صدقان وخوان


والنفس وصلها لغاية مناها


كلً يقول العيد مبروك يافلان


الله يعيده رب الارض وسماها


ويجمع قلوبً عقب فرقى وهجران


على الفرح والطيب يكسب رضاها


ويطيب شوف اللي للاحباب ولهان


نظرات عينه بالموده ملاها