اين تفضلين ان تقضين فترة النفاس ولماذا ؟؟

[ذكريات مكان]

موضوع رائع يعطيك العافيه

انا اشوف ان تروح عند اهلها عشان خاطر امها لنها بتنشغل عليها وافظلها تكون عند اهلها عشان تكون لها طله لما ترجع لبيتها ويكون زوجها مشتاق لها اما لما تكون عنده يكون الوضع عادي ومافيه لهفه لها

[اميره بكلمتي]

ذكريات مكان هلابك حبيبتي ..........وجهة نظر احترمها ....
اشكر مرورك العطر

[~ النـــــــــــــــهر ~]

مشكورة امورة عالموضوع النايس

انا عني افضل اقضي هالفترة في بيتي اكيد لاني بصراحة خلاص تعودت عليه وصرت حتى لما اروح عند اهلي احس اني متضايقة وبرجع بيتي خاصة اني في مدينة واهلي في مدينة ثانية

[ضيَ]

انا نفاسي عند امي لاني حتى ترويش البيبي ماعرف له احس اني بفغصه ويكفي آلام الخياطه وآلام الرضاعه إلي تحسينها امك تعينك باكلات شعبيه تسند لك عافيتك وصحتك وتساعدك في كل شي من يوم تولين حتى تخلصين
بس مشكلتي الحين زوجي رافض إني اروح لاهلي هذي المره يقول اولدي في بيتك وانا متردده وجالسه لي الحين شهرين اقنع فيه ومافي امل والحين انا بالثامن
والمشكله إني بمدينه غير مدينة اهلي واهله يعني مدري كيف بسوي شكلي بحوس هالمره والبيبي بيصير فار تجارب بالنسبة لي
دعواتكم

[اميره بكلمتي]

هلا وغلا النهر .....
مشكوره حبيبتي على طلتك
وانا مثلك ارتاح كثير في بيتي واحستحي من اهلي ابوي واخواني ...بيتي اريح متى ما حبيت اخذ دش متى ما حبيت انام ....متى ما حبيت استقبل ناس ...
وزوجي يكون جنبي ويجيب طلباتي وطلبات عيالي...