الله يعينك ويفرج عليك

اختي الغاليه

موضوعك يعور القلب

اسأل الله ان يفرج ضيقك و يجلي همك

ما راح نعيد الكلام اللي قالوه غير ان كلام القائده واميره عين العقل

انتي كفايه تحملين نفسك فوق طاقتها

وتشيلين هم ضميرك

انتي ما غلطتي انتي اكدتي له المثل اللي يقول

دقه بدقه ولو زدت زاد السقا

هو مستحي يقابلك بعد ما كسرتي عينه

خليه يذوق الطعم اللي شربك اياه سنين وتحملتيه عشانه

انتي عيشي لعيالك الحين ان جا هلا وسهلا وان راح مع الف سلامه

ومن وجهة نظري بلاش تروحين لجدتك وتعودي انك تكونين قويه وتتحملين مسؤلية عيالك بدون مساعده من احد

وربي عيالك على الخير هم اللي بيشيلونك بكره راقبي الله في تربيتهم هم اليوم الطويل

وسالفة اخته سكري عليها ولا تفكرين بيوم تطلع مره ثانيه من فمك مهما ان هذا عرض والشماته حراام

بس مصاريفكم خليه يجيبها ولا تفكرين بجلوسه في البيت

يعني من زين وجوده وش انتي لاقيه منه

مصيره يحس واذا حس هلا به

وتعاملي صح

اما اسلوبه الاول ارفضيه مو بالطقاق ورفع الصوت

لا بالتجاهل وبس

الله ياجرك على صبرك

اغانيج الله يسعدك ويوفقك ويكبر حظك جعلك في عين الناس كبيره وجعلك الله من التوابين الطاهرين يارب نزلتي دمعتي من جملتين الاولى في قولك خليه يذوق الطعم الي شربني اياه سنين
والثانيه عيالي هم بكره الي يشيلوني ان شاء الله
ياجعل ايامك كلها حلوه ويجعل عيالك من عباد الله الصالحين يارب
خواتي جميعكم من غير ذكر اسمااء من قائده واميره وسماح وكلكم وسر المهنه وناساب ولوزه وشوشو ودانه والدنيا والفارس ولحن القمر والغاليه سمر وبدائع والله دنيا الكل الي في المنتدى رحم الله والديكم ووالدى والديكم والله يخلي لكم اهل بيتكم ويصلحهم ويسخرهم لكم الله يستركم فوق الارض وتحت الارض ويوم العرض ياجعلكم ومن جابكم ومن جبتو الجنه الله يفرج همكم ويزيل كربكم الله يسعدكم يارب يعينكم على تربيه اولادكم ويعين اولادكم على بركم
ياجعل ربي راضي عنكم يارب يمحي خطاياكم وذنوبكم الله يرزقكم الله يرزقكم ويشفي مرضاكم ويعافيكم ووالديكم واولادكم من كل شر
والله اني ادعي لكم من كل قلبي والله اني ابكي ورب البيت وجعل ربي يحرمني عافيتي اني ابكي حاسه اني اول مره اكون قويه ومرتاحه اول مره اكون في صف نفسي الله يسعدكم ويستر عليكم الله يفرج همكم انا ماخلصت مشكلتي بس اذا قريت ردودكم احس انها ولاشي سهلتوها علي الله يسهل امور حياتكم آسفه اني طولت عليكم بس اول مره احس ان لي احد يوجهني لنفسي ولبيتي ولعيالي والله اني ابكي والله الله يرضى عليكم وجعله في ميزان اعمالكم الله يفرجها لكم اختكم مسكينه

ادعو لي تكفون

اختي اسأل الله ان يفرج همك وان يعيدزوجك فقد عانيتي الكثبر ولكني ارى انك قدكسرتي رجولته و استعجلتي بكلامك عن اختة نعم هو قد اخطى في حقك كثير وقدكان من الممكن ان تحلي مشكلتك دون ان تحدثي مشكلة اخرى وهي اخته واظن كان ممكن تنصحيها وتستري عليها مثلا اعطيها كتب واشرطة او جعلي احد ينصحها يكون ثقة واخيرا لاتترك زوجك حاولي بكل الطرق وانت قوية مادمت تطلبي رضى الله ثم زوجك ولاتنسي الدعاء