اييييييييييه ورد لليلهااا طووويل

انتم بس غيروو العنوان وانا اطب عليكم .. ومعاي عفشي ..

وسلامتكم ..

حياااااااااااااااااااااك ربي ياورد واحنا بانتضااااااارك



الماااايك لك

الو الووو :132:

عمليات عمليات حوووول ... < هههههاي فرحانه بالمايك ..

< سين سووعال ؟؟؟ ليه الطقاقه اذا مسكت المايك في العرس قالت ...؟ الوووو الووو ؟؟؟ << طيب هو مايك مو سماعه تليفون ؟؟ :hul:

<< سوعال متعوب عليه ؟؟ صوووح
<< لاتلومونهاا البنت سهرانه من امس ... ولازلت سهرانه ... وسأضل سهرانه للابد حتى يموت نصف سكان الارض وسوف ينقرض اكثر من 100000 الف حيوان وهذا المخلوق عبارة عن اداه قاتله مكيفه من قرون ويجب محاربتها من قبل الامم المتحدة لانها تحمل اسلحة كماوية وبيلوجية ومفاعلات نووية<< وحتى القذافي ماقدرنا عليه ملعون الجدف لذالك يجب الاسراع في حرقها والى سوف يموت اكثر من مليون مواطن ومقيم....!! وقد اعذر من انذر:157:


< شطحات ورديه ... كــآآآآي


المهم ندخل بالقصه ... ادري طووولة عليكم << حديث مع النفس ..


اسمعوو يالنشامااا .. :132:

انا انسانه مزاجيه وراح احكي عليكم حكايات ورديه حسب المزاج حقي
عاد انتم وحضكم وياي .. :115:

بس للاسف اليوم مزاجي اسسسسسسسسمه دموووع ...
اضححححك واكركر بس ثواني اقلبهااا بكى ونياح ..
تدرون ليه اذكر نوره واصيح ..

اكيد ماعرفتو منهي نوره هذي اللي معذبه ورد ..
نوره ذي اغلى انسانه عرفتهاااا من صغري .. طول عمري لازعلت رحت وشكيت لهااا
ولا فرحت ولا عندي خبر جيت ركض لهاااا

تدرون منهي نوره

هذي جدتي ...
جدتي ام امي .......
يعني ميمتي
ماتت يوم الثلاثاء الموافق 5 شهر 3 عام 1432 هـ
الســآآآآعه 10 و15 دقيقه الصباااااااااااح في قسم القلب العنايه المركزه
جدتي عمرهاااا ... 68 سنه .....<<< تدرون انهاا اصغر من ابوي ... هههههههه ماشاءلله عليك .. يا ابوي .. فللللللللله ماخذ بنت امهاا اصغر منك ..
<<< شطحه ...

انا مابي اسولف معاكم وابكى ....
بس ابغاكم تعرفون شوي عن نوره
يااابعدي ياا نوره

جدتي نوره .... اذكر ايامهاااا الاخيره كانت عجيييييييبه رغم قسوتهااا
كنت ازورهااا تقريبا كل ماجيت لااهلي يعني تقريبا في الاسبوع ثلاث مرات ....
اذا جيت لمي لااااااااازم اروح لبيت جدتي ..<< هو قريب من بيت امي يعني مسافه 5 دقائق مشي ....
اروح افك بابهاااا بشوووويش وامشي على الهون ... ومن عند الباب اشيل الله يكرمكم صندلي .... اخاف لامشيت بصوت وتكون نايمه وازعجها ...
افتح باب غرفتهاااا واشووفها تقولي ... ياهلا باللي لفانااا ياهلا ...... << بنغمه بصوتهاا كانهااا تنشد لي .... اجي واقرب من راسهااااا واحبهاااا واشم ريحة العود في طرحتهااااا
بس اجلس عندهااا تقولي ... يااابنيتي عساك طيبه وعسى رجالك بخير وولدك وينه مو معاك

ببرود اقولهااا مابي اجيبه ماغير يزعجك يااا جده .... << تتغير نظرتهااا لي وتقول ياويلك من الله ... هذا طير من طيور الجنه والله مايزعجني وللله البيت من دون صوتهم ماااينطب .....

عاد اناا احب اتفنن عند جدتي وكل مره اجيب لهاا طبخه اذكر مره قائده قوات الحب نزلت هناا في المنتدى عصيدة اهل الجنوب بالمرق واللحم ... وجدتي تحب الاكلات هذي وربي اني شفت الطبخه من هنااا واروح احوووس ام الاسواق ادور مسوواط للعصيده .. علشان سمعت اميره الاحلام تقول انه العصيده بلامسواط ماااتصلح
ههههههههههههههاي << عاد اختكم في الله لااازم تكون دقيقه في الطبخه وما احب اسوي شي مختلف في الوصفه لازم اطبقهاا بحذافيرهااا
المهم ..
سويت العصيده وزبطت معاااي ... وغرفت لجدتي صحن وجيتهاا ركض ..
دخلت عليهاا وهي سكرهااااا منخفض مررررررره وكانت ميته جووووع .... بس يااعمري السكر هاد حيلهاا ولا عاد فيهااا حيل تقوم ..... رغم انه بيتهاا مليان حريم خوالي وعيالهم وبناتهم ... بس مهما كان احسهم مالهم الحق بخدمتهاا دامنا احنى بناتهاااا ....

جيتهااا وحللت لها السكر وكان لازم تاكل ... ركزتهاا شوي على السرير .. وقلت يااجده جبت لك عصيده قووومي . يابعد حيي ..
قالت لي ....<< يازين ريحتهااا .. وينهاااا .. ما اشوف عطيني الصحن ..<< للعلم جدتي عميااااااء .. وسبب عماهاا هو السكر ...
حطيت الصحن بيدهااا وكان حااار ... بس هي ماتحس الحراره لانه اعصاب يدهاا والاحساس عندهاااا تعباااااااااان برضوو بسبب السكر لانه يتلف الخلايااا والاعصاب اذا اتمكن من الانسان ...
وربي وهذي اللحضه اني اذكر جدتي وهي تاكل العصيده مرررررررررره عاجبتهااا .. تقولي .. انا اشهد انك نشميه وسنعه .. هذا الطبخ مايطبخونه بنات الحين
هذا طبخ حريم اول ... راعيات الشغل الزين والسنع
ماتدرون قد ايش فرحتي حسيت راسي وصل للسماا .. ودي اصرخ عليهم كل ابوهم واقولهم جدتي تقول كذاااا لي .....
ياعمري ياانوره

بعد ما اعشيهااا .... لازم ادهن جسمهااا بالزيت وامشط شعرهااا واظفره لهاااا ... في كل مره اقولهااا جده شعرك خلاص قصيه طووويل ماشاءلله ويتعبك وانتي ماتشوفين تمشطينه ... تقولي ياابنيتي هذا شعري من ربي خلقني ولاعمري حطيت المقص فيه ....... والبنت زينهااا الشعر ... وان شاءلله انه يسترني لامت ....

يالله .. كأنهاااا حاسه ...

اخر ايامهاااا تعبت حيييييييييييل وقلبهاااا كلماله يضعف والسبب كله من زكمه ..
اي وربي زكمه ..زكمت وانكتمت وبعدهااا صارت تحتاج كل شوي اكسجين ....
رجعت بيتهاااا والبيت ملييييييييييان اهلي كل ابوهم والكل يقوم بواجبه معاهااااااا

كنت اجيهاا لاراحو كلهم ... علشان ااجلس معاهاا براحتي ......
قربت من راسهااا وقلت شلونك يااااا جده .... قالت الامانه بياخذهااا راعيهااا ياا بنيتي
ااااااااااااااااااااااااااااااااااااااااااه, خنقتني العبره وقتهاا وقلت ياااا جده لاتقولين كذااا الله يطول بعمرك هذي زكمه بسيطه بكره تروح وترجعين احلى نوره في الدنيااااا
وارجع اسوي لك العصيده .. ههههههههه ولا ماتبين عصيدتي .. هاه
كنت امزح معاهااا
قالت الا يا يابنيتي منو يرد عصيدتك .... ههههه وضحكت ...< يالبى الضحكه ليتهااا دامت بس ......

بعدهاااا تدهورت حالتهاا وصارت من جرف لدحديره ....
تنومت وصار صعب خروجهاااا .. وماكنت ازورهااا كثير ..... لاني صعب علي اترك نواف لوحده في البيت ومافي احد يجلس عنده كنت ازورهااا بس عشر دقائق ... وماجد ينتظرني اسفل
اخر مره زرتهااااااااا وهي في المستشفى يوم كانت بوعيهاااا جلست معاهاا وقصصت لهااا اظافرهااا وقلت لهاا جده راحت الحنه من اظافرك ......<< ردت علي وقالت ... ماعليك ياا بنيتي لارجعت البيت حنيهاا لي ...<< قهر ماتت ولا حنيتهااا ...

خرجت من عندهااا واخر شي قالته لي ...... قبل تدخل الغيبوبه .... روحي يااااا ام نواف الله يعطيك لين يرضيك ... الله يعطيك لين يرضيك ... << خرجت وانا اقول .. اللهم امين ويخليك لي يااا ميمتي ....

ثاني يوم اتصلت على امي وكان صوتهااااااااا غييييييييير .. قلت يمه وش فيه جدتي شلونهاااا ... غصت امي وقالت جدتك جاتهاا جلطه والحين هي تحت التنفس الصناعي في العنايه المركزه ....
رميييييت الجوال ودخلت غرفة النوم اجري مره اجلس ومره اقوووم ومره اصيح ومره افتش في دولابي اطلع لي عبايه .... ابغى اخرج ابغى ارمي نفسي من الشباك ,,,,
جاني ماجد ركض يقولي وش فيك ... قولي لي وش فيك ..... تكلمي ... قولي ؟؟
جاء جنبي وحضني .. وجلست اصيييييييييييييح في حضنه .... ماني قادره انطق حرف احس الكلام صعب مره صعب ... قام قلي جدتك وش فيهاااا؟؟ .. اكيد تبكين عليهاا قولي ؟؟
انا مررررررررررررررره ماتكلمت بس اصييييييييييييح ... اخذ تلفون البيت واتصل على امي وامي قالت له.....

جلست ابكي واقول تكفى ياااا ابونواف ابغى اروح لهاا الحين .. قالي مستحييييييييييل هذي عنايه مركزه شلون تروحين
قلت له لو ماوديتني لهااا تراني بروح مشي .....
قالي يالله البسي عباتك
نزلت ركض وربي ما اشوف الدرج انزل مثل المطفوقه مرات اشطح اربعه درجات ومرات اخذهاا سحابي ....

رحت لهااا ودخلت بواااسطه زوجي حبيبي .... لان هو كان في بدايه عمله في المستشفى هذي ....
دخلت عليهاااا وكانت مااااااااااااااااااهي جدتي ...... وحده غير اصلا ماشفت وجهااا كان كله اجهزه تخووف واصوات مرعبه .... والاسلاك ولانابيب في كل مجرى دم فيهااا
كنت اقول عذبوهاااا الله يحرقهم ..<< ماودي اشوف جدتي والابر في جسدهااا
لو بيدي شي كان شلت كل الابر منهاا ماودي تحس الام
جيت وقفت على راسهااا وقلت ... انتي قلتي انك راح ترجعين البيت علشان احني يدك ..... والحين انتي ماوفيتي ولا جيتي ....
قومي يااا بعدي ... معاي << كنت اكلم نفسي مثل المجنونه هي لاتدري عني ولا هم يحزنون .......


خرجت من عندهاااا ورحت بيتي واكمل صياحي ودعااائي لهاااا كنت اسئل ربي سبع مرات ان يشفيهااا في كل سجده

سبحان الله صحيت الصباح وقمت اطبخ لغدانااا واجهز واصور طبخاتي كالعاده
وبعدين حسيت بضيييييييييقه الله لايوريكم شي يخليني ودي ارمي نفسي مع الشباك شي يقولي جدتك صار فيهااا شي
يالله
كنت حاسه انهااا بتودع .....
قبل هذي اللحضه كنت اكلم بنت اخوي على المسن وقالت لي .... انتي لاتتأملين انهاا بتعيش ... هي بتموت ... وراح تنصدمين ...؛؛
وفعلا كلامهااا صحيح ومنطقي وانا اقولكم ليه منطقي لانه جدتي وهي في العنايه فشلت كل اعضائهااا وماتت دماغياااا وبعدين خلاص

وبنت اخوي كانت تمهل علي الخبر والصدمه اللي عمري ماانصدمت قدهاا

يالله شوي بعد ضيقتي حسيت اني ابغى انام لو غفوه بس اريح بالي شوي من التفكير فيهااا << رغم انه مستحيل بالي يرتاح ونوره بعيده عن عيني ...

اللحضه اللي نمت فيهااا جوالي رن .. يالله خفت من هذي النغمه لانهاا نغمه امي تتصل علي وامي مو عادتهاا تتصل على الساعه 10 و15 دقيقه الصباح
قلت هلا ...
قالت... هلابك
قلت ... يمه وش فيه
قالت ... امي ماتت اليوم ...
قلت لهااا ..... تكذبين ..
قالت .. لاااااا اسمعي ..
واناا اقفل الخط .. واقوووم اجري .. في البيت تقول مخطووفه ..
ادور شي .. مادري وش ادور ..... مابكيت .... لالالا والله مابكيت .... للحين مخنوقه...
اتصل ماجد وقال ...... ورد انزلي انا اسفل قومي البسي وانزل .... انتي معاي انزلي ... ؟؟
الوووو ورد انزلي بوديك لجدتك .. علشان تسلمين عليهاااااا ...
يالله ..... اسلم على جثه ..... |< اقولهاا بنفسي

نزلت معاي نواف حاااااااااافي ولا البس غير البجامه ....
وانا الله يعلم بحالي بدون برقع وحتى الله يكرمكم نزلت بالخف حق البيت القطن ..
حرك ماجد السياره لحي الاسكان ... مكان مغسله الاموات ....
يالله طول الطريق وانا اقول انتم تمزحون ..... انتم كذابين .... انتم كلاب ... وربي كنت اسب والعن في الجميع نفر نفر .... ماجد يقول بصوووت خافت .. انا لله وانا اليه راجعون .. وانا اقوله لاتقوووول كذااا جدتي حيه ..... ماماتت ....

وقف السياره ونزلت وانا ماني عارفه ووووين اروح ايت قسم ولا ايت باب ولا ايت ناس اروح لهم ...
يالله اول مره احس اني ضااااااااااااايعه ...
كنت احس غثيان شديد شوي واطلع كل اللي بطني ... وصوره مشوشه ما اشوف عدل... ليه ؟؟؟ ما ادري ....؟؟؟
دخلت المغسله .......
واول مره ادخل مغسله اموات .....<< الله لايجعل احد يدخلهاااا ...
كان فيه حرييييييييييييم كثير ..... مره مره كثيييييييييييييير ..
صرت امشي لحدا الحريم ذولا ..... ومريت من وجه كل وحده فيهم و .. ماعرفتهم ..
لالالا ذولا مو اهلي ..
طيب.. فين اهلي ؟؟؟ وين امي واخواتي وخالاتي وبنات اخواتي ويييييينهم ؟؟
انا غلطانه ولا وشوو ؟؟
هنااا جاني احساس بالامل انه جدتي لازالت حيه .. حسيت انو الخبر منجد كذب واصلا جدتي مادخلت المغسله ... لانه ماشفت احد من اهلي ... واكيد اذا جدتي ماتت راح اشوفهم كل ابوهم هناااا ..


بس يااحسافه ....
وانا خارجه ... جاتني حرمه وقالت مين تبين .. قلت يقولون جدتي ماتت وينهاا ؟؟؟<<كذا بعفويه ...
قالت و ش اسمهاا
قلت نوره ؟؟؟
قالت تعالي هناااا ..
يالله يعني الخبر صحيح .. جدتي ماتت ...
جلست في غرفه ... باااااااااااااارده .... رغم اني ماشفت تكيف ولا حتى مركزي ...
بس تردون من شنو البرد ... هذي رهبه المووووت ...
كنت ارتجف ....
جاتني مره ثانيه الحرمه هذي وكانت نظرتهااا حزينه ... قالت تعالي قلت لهاا جدتي وين ؟؟
قالت لي شوفيهااا جنبك
يالللللللللللللله ...... انا من اول واقفه هناا ولا دريت انه الغاليه هنااا ..
انا عمري مااشفت انسان مكفن ولا عمري دخلت مغسله ...
اثاري جدتي مغسله ومكفنه وحاطينهاا على طاوله جنبي وانا احس اللي جنبي زوليه او سجاده ملفوفه ............؟؟؟؟؟؟
شهقت .... ورميت نفسي على رجولهااااا وشفت اسمهااا بورقه على الكفن ..
بكيييييييييييييييييييييييييييت وصحت وصرخت بأعلى صوتي ... وكل الحريم اللي في المغسله جوني ....
مسكتني بقوه حرمه عجوز وقالت هذي امك هذي امك ... قلت لهاا هذي ميمتي ...
ااااااااااااااااااااااااااااااااه يااا ميمه ... ااااه...
قالت لي لا تبكين عليهاااا .. قلتلهاا بصوت خشن شلون ما ابكي ...
هذي الصدر الحنون ..... هذي ضحكتي ... هذي كل ما املك ..
والحين راحت ....
قالت تعالي شووفي وفكت الكفن عن وجههااا
ياللله جدتي تضحك يااا ناس
وربي تضحك ضحكت بدوووون شعور وابتسمت وقلت ليه تضحك وهي ميته
يالله ياهي منوره والفرحه في وجهها
قالت لي الحرمه علشان كذا اقولك لاتبكين .. اللي زيهاااا نادر ..
تعالي شوفي بنتي انا ..
قلت لهااا مابي اشووف احد
يالله اثاري الحرمه العجوز هاذي بنتهاا ماتت مع جدتي ..
ماتت في عرس امس اللييل الساعه 4 الفجر متزوجه وعندهاااا 3 اطفال ...
تقولي هذي يابنتي اللي نبكي عليهااا ماتت وهي بصوره مابعلمهاا غير الله ماتت وهي ترقص بيننا ... فجاءه ... كذااا ماتت وهي كانت بعافيتهااا
وشايفه الصغار اللي يجرون من المغسله ذولا عيالهااا يتامى من بعدهاااا..
ماتت وهي في الثلاثين ...... شوفي عيالهاا صغار يجرون ويلعبون ولا يدرون انهااا هذي جنازة امهم ...

كانت تهديني شوي .... بس والله من شفت الحرمه هذي وانا اقول ياااا حضك يا جده ..


جدتي مااتت .... خلاص هي ماتت .. يعني معاد اشووفهاا ولا اشكي لهااا همي ,.
كانت في كل مره اشكي لهااا تمسح على صدري وتقول ... الله يبعد عنك كل هم ..
كنت اضحك معاهاا واتعمد اسمع ضحكتهاااا كنت اسمع قصصهاا وحكاويهاااا كنت اقولهااا ليه ياجده ... ماتجين تعيشين معاي والله اشيلك بعيوني ..

تضحك وتقول .... يابنيتي من خرج عن داره قل مقداره ...
يالله ... راحت نوره ...
في عزاهاااااااااا دخلت البيت وكان مررررررررررعب وكله اسود وكله حريم وصياح وصريخ انا دخلت غرفتهااا وقابلت بنت اخوي ابرار ... حضنتهااا وبكينااا سوااا ... قالت لي ياااعمه .. قلت لك .... قلت لك انها بتموت ...
ااااااااااااااااااااااااااااااااااااااااااااا اااااااااهـ
خلص عزاهاااا ....... بس انا قبل ما اخرج من بيتهاااا .. اخذت معاي .. عصاتهااا ... وشرشف صلاتهااا .... واخر ثوب لبسته وهي حيه ......
وبعدهاااا قلت حرام بالله اني مااااراح اطب هذا البيت ....
والى يومكم هذااا انا ماطبيت لهاااا بيت .....
ولا حتى ماقويت امر من عنده ..... وحتى عند اهلي اجيهم في الشديد القوي بس ....

يالله عساها بالنعيم الخالد .. و عساها في جنة عدن سكناها
يا فضو هذا الكون يا هو خالي .. يا ضيق هذي الدنيا يا ما اقساها
يا مر طعم فراقها يا مره .. ماني مصدقه أرجع وماالقاها
و شلون أجي غرفتها ما هي فيها .. وش عذري لسبحتها ومصلاها
وش اقول انا لدولابها وشنطتها .. واذا أسالني مشطها وحناها
وعباتها ومي زمزم ومصحفها .. والمبخره .. ورشوشها ودواها
الكل في غرفتها متفقدها .. حتى الجدار متفطر و يرجاها
الكل يبكيها مهو ناسيها .. يالله صبرني و شلون انساها
ياليتها ياليتها ماراحت و خلتني .. أو وسعت لي بالقبر وياها..



في صلاتي اقول يارب مثل ماشلت نوره من قدام عيوني شيلهاا من قلبي .... ويارب ارزقني نوره صغيره ... تقولي يااا يمه ...

اللهم امين .....


وسلامتكم ..
ورد الحربي

يااااااااااااااااااااااااه ياااورد عشت معك كل اللحظات ..بكيتني....

الله يرحمها ويغفر لها ويسكنها فسيح جنااته يااارب ويصبر قليبك ع فرقاااها,,

والمواقف الجاايه نبيها تفرح أو تضحك ^_^ بانتظااارك..أسلووبك مره رهييييب!!

ليييه ياورد مت من البكاء عجزت اسكت والله ما اشوف زين من الدموووع تذكرت جدتي الله يرحمهم اجمعييين ..

ورد حبيبتي لو كان البكاء بيرد غاااال كان بكينا ولكن لا نقول سوى ما يرضي ربنا

اللهم لك الحمد ومن صبر ورضي فله قصر بالجنه اسمه الحمد ..اسأل الله الا يحرمك منه ..

ورد حيااااتي الله ينزل على قلبك الصبر والسلوان عليك حبيبتي بالدعاء لها لأنها الأن تنتظر دعوه منك تفرحها ..

ورد الغاليه تقطع قلبي من القصه كنت راااائعه في سردك لها ولأنها من القلب دخلت القلب ..

اللهم ابدلها داراً خيراً من دارها واهلاً خيراً من اهلها ..اللهم ابدل سيئاتها حسنات

ووسع لها في قبرها ..واجعل الجنه مستقرها والفردوس الأعلى مكانها ..

اللهم انزل على قلب حبيبتي الصبر وارزقها بمن تملئ عليها حياتها واجزل لها المثوبه .