[mark=#000000]

حبايبنا .. وش الدنيا بلاكم؟

ملاه الشوق..قلب ٍ ماسلاكم

يضيق ابه الفضا بعض الليالي

الى دورّ .. نديم .. ولا لقاكم

حبايبنا.. ترى الفرقا صعيبه

على مثلي.. مولع في هواكم

حبايبنا .. الى يوم اجتمعتوا

ومر الذكر..في سيرة لقاكم

فلا تقولون(يمكنّه نسانا)

حرام الظن.. فـ اللي ما نساكم

ترى يمكني أذكركم واغني

" ملاااه الشوق .. قلب ٍ ماسلاكم" !

تعب اشكي تعبت ابكي تعبت احكي مآسي الروح
قتلني الوقت بصروفه ذبحني وجفف نهاري
اخبي علتي واسكت وانا في داخلي مذبوح
اجامل وارسم البسمه وانا قلبي على ناري
احاول والله يعلم بي اداري دمعتي لا ابوح
اداري الجرح واتجاهل عن اللي ينشد اخباري
اقول بخير لكني جرررررريحه وفي حشاي جرووح
صداها لو دفنته يوم يبين سنين بأنظاري
صرخت بحسرتي يكفي صرخت بصوتي المبحوح
ألا ياوقت وش ذنبي عشان الفيك باعذاري
تبعثر حلمي قدامي وغديت بدنيتي منزوع
وقفت ولاقدرت اجمع مغير مشتته افكاري
امني النفس واخدعها واقول ان كربتي بتروح
وهي والله مولوده قدر في ارحام اقداري!!
قتيله والبقا براسي في دنيا مابها مصلوح
قتيله والقهررر قاتل من اللي ياخذ بثاري؟؟؟
انا ببقى ضحيه وقت اعاني والعنا مجروح
دعيت اللي خلق يرحم رجيته ربي الباري
ابي اسعد انا بلحظه قبل نزعه توافي الروح
قبل ماارحل عن الدنيا واروح لاخر دياري
انا بحمل صديد الجرح في باقي وقتي المسموح
واذا وافتني القدره ترى الدمع تذكاري
رثائي دمعي الطاااهر في صمته مارضى بالنوح
رثتني قسوه الدنيا رثتني حتى اشعاري
لجل مااضعف بعين اللي نشدني كيفها اخباري!!!

كتبت الحرف لأجل أنسى هموم البارحة واليوم

لقيت الـهـمّ فـي حرفـي تربّـع يـوم خـطّـيتــه

يقـولـون الملا ظـالـم وأنا بلـسانـهـم مـظـلـــوم

وأنا المشــتـاق والموعـــد علـى بالي تنـاسـيـتــه