سجل دخوولك لقسم الشعر باروع مانبضت به القلوب ..؟

[ج ـــلــنار]

من عادتي لا عكر الوقت جـوي
... اخفي دموعي عن نظر كل غالي

ما ابدي تناهيدي ولو شب ضوي
... وادفن همومي بين فكري وبالي

وش عاد لو بركان حزني يدوي
... والا يهد بداخلـي كـل عالـي

الله بلاني ب(العقل)و ش أسوي؟
... دربي يميل ولا يميـل اعتدالـي

حيرت في ممشاي حيلة عـدوي
... لين اقتنع في طيبتي وانثنا لـي

هذا وانا في سكة الحـب تـوي
... باول خطاوى رحلتي وارتحالـي

من عافته عيني ..هفا من علوي
... ومن حبته نفسي ..سكن بالعلالي

[سيــــدة الغيــــد]

يهزني الموت وطاري وحشة قبوره
وتطري ذنوبي علي وربي ادرابي
واحس في داخلي هالروح مذعوره
وايمم الوجه للخالق ولا القابي
سوى امنية شاعره خجله ومغروره
وخوفٍ وطريق وبقايا طيبة اصحابي
واحساس لو اكتبه بتعاتب سطوره
حظي وطيبي وعقلي واول احبابي.:111:

[♡ sαяσиα]

" صوتك وحشني " ماسمعته عسى خير؟؟؟
وينك!! رفيقي ..... وين !! غابت لياليك
كم واحد لاغبت يذكرك بالخير
وكم واحد قدام عينك وناسيك
<< يالله بسيطة >>
كل شي مقادير
مااقول الا الله يحفظك ويحميك ....

[هدوء فتاة]

آقسى مشاعر تشعل النفـس ضيقـه ..
في حال ( لا يمكن ) .. وفي حالة ( الظلم )

وآقسى من الثنتين وآصعـب طريقـه ..
اذا رسمت الحلم .. ثم استمر ( حلـم )

[** احساس ** عاشــق**]

انتي بكف وباقي الخلق في كف

متعليه في وسط قلبي ولك شان

في غير وصلك مالقلبي ترى شف

محتاج لك يانور عيني وشفقان

لا جابوا اسمك صرت انا تقل مختف

مالي على نفسي الى اطروك سلطان

من غير حبك غضت عيوني الطرف

ياللي جمالك صار للزين عنوان

اريد انا قربك ترى ياغذا الحرف

وان ماحصل موتي ودنياي سيان