لابو السعوديات لابو اللي ياخذ منهمـ ..موضوعي للنقاش

[هجرتي]

والله بصراحة انا كويتية وحبيت اشارك بالموضوع ( لقافة حريم )
واله انا رحت السعودية وايد وبنت خالتي متزوجة سعودي وساكنة بالخبر
بكل صراحة وبدون زعل لما اشوف رجل سعودي أتنرفز واااااااي كلش كلش كلش ماينبلعون عمري ماشفت سعودي ارتحت وأحس أبدا أبدا ما تنترس عينه طبعا هاذي وجهة نظري وكل واحد وذوقه لاتزعلون ياشباب
ومرة كنت في مجمع الراشد والهيئة ماقصرت فيني زف وهواش كأني أفسد وحدة في الكون وأنا سبب خراب المجتمعات الله يهديهم النصيحة حلوة بس ليش الصراخ والتهويل
والله وبكل صراحة شفت الحريم السعوديات سنعاااااااااااات وربات بيوت وعليهم طباخ ما صار وفيهم جمال جذاب وحيوية وحايشهم وسواس نظافة بس لاحظت شوي اهتمامهم بالأبناء مو هالكثر واااايد يطقونهم ويسبونهم
ولاحظت شغلة إن الحريم عندكم واااااااااااااايد يتكلمون في بعض ويطالعون اللبس والمظهر وتصير بينهم مشاكل عائلية زيادة عن اللزوم بس مع هذا أحسهم بوقت الضيقة ماشا الله كل وحدة تساعد الثانية وفيهم كرم ضيافة ياخذ القلب

سامحوني يالغالين لا تعصبون هاذي اجابتي بكل صراحة ولا أنزه نفسي وكل مجتمع فيه العيوب والمحاسن ولكل قاعدة شواااااااااذ والله يصلحنا

[سيف الحب]

صدق عقول غارغة ( طيب لو يا عزيزي الشاب خذ لبنانية وشوف حياتك كيف راح تصير ) وأسرح بخيالك بعيد وفكر في كل الجوانب السلبية أولاً ثم الإيجابية ) وحط ردك هنا أذا فيك خير ....
يا نااااااس والله عيب عيب ( بس مين يفهم ) والله السعودية شريفة عفيفة يعني تأخذ الوحده منهم تكون بكر صحيح مو مسويه عملية ترقيع لغشاء البكارة أكثر من 100 مرة ( يا ناس ) اتقوا الله وأحسنوا الظن والله عيب

[حياتي زوجتي]

والله انا مقتنع من زمان قبل زواجي انه بنت بلادي ما احلاها وزاد هالشيء الحمدلله بعد الزواج

على قولت المثل ( ما يحك جلدك مثل ظفرك ) ما يعرف لنا غير السعوديات وما يعرف لهن غير السعوديين

الحمدلله عندنا درر بس الله ساترهم وعسى سترهم يدوم .

[s.s.a]

اللي قال الكلام هذا له غرض في نفسه من هذي اللبنانيه مزيفة الجمال فاسدة الأخلاق أما السفيه من حقر نفسه وأهله والحمد لله بناة الجزيرة من أفضل البنات ولله الحمد سواء كانت الواحده جميلة أو لا لكن عندي أن تكون غير جميله لكنها مصونه خير وأحب من اللتي تكون جميلة والكل يأخذ نصيبه منها وتلوثت من نظر الأجانب لها وأخيرا أقول < لا يضر السحاب نبح الكلاب >